Group B Preview

ምድብ B በዚህ አመቱ ዩሮ ዴንማርክን፣ ፊንላንድን፣ ቤልጅየምን እና ራሽያን ይዟል። ያለጥርጥር ተመራጭ የሚሆኑት ስፍር ቁጥር የሌላቸውን ክዋክብት የያዙት ቤልጅየሞች ናቸው።

ቤልጅየሞች ለዚህ ውድድር(ቶርናመንት) በቀላሉ ነበር ያለፉት፤ 3 ጎል ብቻ በማስተናገድ 40 ጎል ነበር ያስቆጠሩት! ራሽያዎች በማርቲኔዝ ቡድን በቀላሉ ነበር የተሸነፉት። ቤልጅየሞች ወደዚ ምድብ ሲገቡ በእርግጠኝነት የበላይነት ስሜት እየተሰማቸው ነው የሚሆነው። ቤልጅየሞች ኬቨን ድብራየን በተጎዳው የአይን ሶኬቱ ምክንያት የአካልብቃቱ ነገር አሳሳቢ ሆኖባቸዋል፤ አቋሙ ይስተካከላል ብለው እጅጉን ተስፋ ያደርጋሉ። ሃይለኛውን አጥቂ ሮማሉ ሉካኩን ይመልከቱ።

ዴንማርክ ሶስቱንም የማጣርያ ጨዋታዎቻቸውን ካሸነፉ ቡሃላ ወደዚ ውድድር(ቶርናመንት) በከፍተኛ ደስታ ነው የመጡት። ምንም ጎል ሳይገባባቸው 14 ጎል ነው ያስቆጠሩት፤ ሆኖም ግን ምድብ B ውስጥ የሚያጋጥሟቸው ቡድኖች ከ እስራኤል፣ ሞልዶቫ እና አውስትሪያ በላይ የተሻለ እግር ኳስ ነው የሚጫወቱት። ዴንማርኮች የሚመሩት በካስፐር ህዩልማንድ ነው፤ ህዩልማንድ ለዚህ አመቱ ዩሮ ሊተካ ታስቦ የነበረ ቢሆንም አለምአቀፋዊ ክስተቶች ሌላ እድል ሰጥተውታል። ክርስቲያን ኤሪክሰንን ይመልከቱ ይሄ ምርጥ ጨዋታ ፈጣሪ ለዴኒሾቹ ጥሩ ነገሮችን ለመፍጠር አጥብቆ ይሻል።

ያለፈውን የአለም ዋንጫ 2018 ላይ ካስተናገዱ ቡሃላ ራሽያዎች በከፊል በጡረታ ወጪዎች ምክንያት ሰሞኑን ቡድኑን መልሶ መገንባት ላይ ናቸው። ግብ ጠባቂው አንቶን ሹኒን አሁን ጡረታ የወጣውን የኢጎር አኪንፌቭ’ን ቦታ ለመውሰድ ዝግጁ ይመስላል። ሆኖም ግን የቆየው የመሃልጀርባ(ሴንተር ባክ) ተጫዋች ሰርጌ ኢግናሼቪች’ም ጡረታ ወጥቷል እናም አሰልጣኝ ስታኒስላቭ ቼርቼሶቭ በተከላካይ ቦታ ላይ ብርቱ ተተኪ በመፈለግ ላይ ነው። በዚህ ምክንያት ራሽያዎች ከወደኋላ ደካማ ይመስላሉ እናም እዚህ ምድብ ውስጥ ሊቸገሩ ይችላሉ። ሆኖም ወጣት ተከላካዮች ለመታየት እድል ያገኛሉ! ቁልፉ ተጫዋች አጥቂ አርቴም ዝዩባ ሁሉም ማጣርያ ጨዋታዎች ላይ ተሳትፏል እናም እረጅም እንደመሆኑ መጠን የራሽያ አትኩሮት ማረፊያ ነው። 

ፊንላንድ ሰሞኑን በትልቁ መሻሻልን አሳይተዋል። በ2016 ዩሮ ማጣርያ ጨዋታዎቻቸው ላይ ምንም ጨዋታ አላሸነፉም ነበር። ከዛ አሳዛኝ አጨዋወታቸው ቡሃላ እድላቸውን ለመሞከር የቀድሞ የተምህርት ቤት አስተማሪ የነበረውን ማርኩ ካኔርቫ’ን ቀጥረዋል። ከተቀጠረ ቡሃላ ምንም የአሰልጣኝነት ልምድ ሳይኖረው ካኔርቫ ሀገሩን ለመጀመሪያ ጊዜ ወደ አለምአቀፍ ውድድር በማምጣት አስደናቂ ስራ ሰርቷል! ከፊንላንድ መከታተል ያለቦት ተጫዋች ቴሙ ፑኪ ነው፤ ይሄ አጥቂ በማጣርያ ጨዋታዎች ላይ በቡድኑ ከተቆጥሩት 16 ጎሎች አስሩን አሱ ነው ያስቆጠረው። ከነበረበት የቁርጭምጭሚት አደጋ አገግሞ በደንብ ይጫወታል ተብሎ ይጠበቃል።