በዚህ የውድድር ዘመን የቡንደስሊጋ ትልልቅ ክለቦችን በጥልቀት እንመለከታለን። ማን አሸናፊ ይሆናል?
ባየር ሙኒክ
ባየር ሙኒክ
ምናልባት ሊጉ ከመጀመሩ በፊት ራሱ ባየር ሙኒክ አሸነፊ የሆነ ይመስላል! የባቫሪያ ግዙፎች ሁል ጊዜም ቢሆን በቅርብ አመታት ቡንደስሊጋን ተቆጣጥረው ነበር ነገር ግን ከቅርብ ዓመታት ወዲህ ያንን የበላይነት ወደ ሌላ ደረጃ ወስደውታል። ባየር ሙኒክ በእራሳቸው ሊግ ውስጥ ያሉ ነው ሚመስሉት እና በአንፃራዊ ሁኔታ መጥፎ አመት ሲያሳልፉም በሊጉ ውስጥ ማንም የሚነካቸው አይመስልም።
ሆኖም የ 2021/2022 የውድድር ዘመን ለባየር ሙኒክ ብዙ ያልተጠበቁ ነገሮችን ሊያመጣ ይችላል። አዲስ አሰልጣኝ ፣ አዲስ ተጫዋቾች ፣ እና ጠንካራ የቡንደስሊጋ ቡድኖች በባቫሪያኖቹ ላይ ትልቅ ችግር ሊፈጥሩ ይችላሉ።
እናም ጁሊያን ንጌልስማን ቡድኑን እንዴትም ቢያዋቅር በሁሉም ቦታዎች ላይ ቡድኑ በአማራጮች ተሞልቷል። ባየር ሙኒክ በሁሉም የሜዳ ክፍሎች የፈሰሰ የተጫዋቾች ሃብት ይዟል።
መመልከት ያለብን ተጫዋች
ጀማል ሙሲላ በእድሜ ታላቁ ከሆኑ የቡድን ጓደኞቹ ጋር የማይተናነስ ፣ የሜዳ ላይ ከተለዋዋጭ ሁኔታ ጋር አብሮ መሄድ እና ጥሩ ችሎታን አሳይቷል። ከዚህም በላይ በጣም ወጥነት ያለው አቋም አሳይቷል።
ሙሲላ እራሱን ለማሳየት በቂ የጨዋታ ጊዜ ማግኘት ከቻለ ወጣቱ ተጫዋች አሰልጣኝ ጁሊያን ናግልስማን በቡድኑ ውስጥ መደበኛ ሚና እንዲሰጠው ማሳመን ይችላል።
እያንዳንዳቸው አራቱ የባየርን የክንፍ ተጫዋቾች ጥሩ የፈጠራ ችሎታ ያላቸው በጣም ጥሩ ኳስ ገፊዎች ናቸው ፣ ግን ሙዚያላ ከአራቱ ምርጥ ምልከታ ያለው ይመስላል ፣ እና ካሁኑ እንደ ሰርጌ ናብሪ የጎል ስጋት ሊሆን ይችላል።
ሬድ ቡል ላይፕዚግ
አርቢ ሊፕዚግ ባለፈው የውድድር ዘመን በሁለተኛ ደረጃ አጠናቋል። በዚህ አመት አዲስ ፖርቹጋላዊ አጥቂ አንድሬ ሲልቫን አምጥተዋል እና አዲስ ዋና አሰልጣኝ አሜሪካዊው ጄሲ ማርሽ በ 2021/22 ሬድ ቡል አሬናን ተረክበዋል።
ላይፕዚግ ባለፈው የውድድር ዘመን ለዲኤፍቢ ዋንጫ ፍፃሜ ደርሷል። ሁለቱም ፣ በቡንደስሊጋው ሁለተኛ ደረጃን ማጠናቀቅ እና የሀገር ውስጥ ዋንጫ ፍፃሜ መድረስ የቻሉት በአርቢ ሊፕዚግ አጭር ታሪክ ውስጥ ለሁለተኛ ጊዜ ብቻ ነው። በወቅቱ አሰልጣኝ ጁሊያን ናግልስማን አብዛኛውን የውድድር ዘመን ባየር ሙኒክን ከስር ስር ሲከተሉ ነበር እና ከ27ኛ ጨዋታ ቀን በፊት ሶስት ጊዜ ብቻ ነበር የተሸነፉት በመጨረሻም ግን በሻምፒዮኖቹ 1 ለ 0 በሆነ ጠባብ ውጤት ሲሸነፉ ለመከርበት በሚከብድ ሰባት ነጥቦች ወደ ኋላ ቀሩ። መጨረሻ ላይ ልዩነቱ 13 ቢሆንም ሊፕዚግ በከፍተኛ ሊግ እግር ኳስ ታሪካቸው ውስጥ ለመጀመሪያ ጊዜ ነበር ሁለተኛ ደረጃን ይዘው የጨረሱት።
ናግልስማን ቡድኑን በሁለተኛ የውድድር ዘመኑ ወደ ዋንጫ ፍጻሜ ያደረሰ ሲሆን የመጀመሪያ ዋንጫቸው ሊሆን የሚችለውን በቡሩስያ ዶርትመንድ ተሽንፈው አምልጧቸዋል። በአውሮፓ ውስጥ የ 2019/20 የአውሮፓ ሻምፒዮንስ ሊግ የግማሽ ፍፃሜ ተፋላሚዎች በመጨረሻዎቹ 16 ጨዋታዎች በሊቨርፑል ከመወገዳቸው በፊት በቡድን ጨዋታዎች ፓሪስ ሴንት ጀርሜን ፣ ማንችስተር ዩናይትድ እና ኢስታንቡል ባሻክሺርን አሸንፈዋል።
አርቢ ላይፕዚግ ባየር ሙኒክን በጠረጴዛው አናት ላይ ለመቀናቀን የሚያስፈልገው ወጥነት ፣ ችሎታ እና አቅም ያለው ቡድን ነው ፣ ቀጣይ እድገታቸው በዚህም አመት ከቀጠለ ምን እንደሚፈጠር ማየት አስደሳች ይሆናል።
መመልከት ያለብን ተጫዋች
ክለቡ አንድሬ ሲልቫን ከኤንትራክት ፍራንክፈርት በማስፈረም የግቦችን እጥረት ለመፍታት ያሰበ ይመስላል። ባለፈው የውድድር ዘመን በቡንደስሊጋው ለክለቡ ሬከርድ የሆነ 28 ጎሎችን ያስቆጠረ ሲሆን ይህም ኤርሊንግ ሃላንድ ለዶርትሙንድ ካስቆጠረው በአንድ የሚበልጥ እና ከሮበርት ሌዋንዶውስኪ አስደናቂ 41 ብቻ ቀጥሎ ሁለተኛ ነበር! የ 25 ዓመቱ ፖርቹጋላዊ ተጫዋች በዚህ ወቅት ለአርቢ ላይፕዚግ ጥሩ ማበረታቻ ይሰጣል ፣ ምንም ጥሩ ቅርጽ ቢኖራቸው ፣ አርቢ ባለፈው አመት ከግብ ፊት ትንሽ ደካማ ይመስል ነበር።
ቦሩሲያ ዶርትመንድ
ዶርትመንድ በመጨረሻ የሚፈልገውን አሰልጣኝ በማርኮ ሮዝ አግኝተዋል። የ 44 ዓመቱን አሰልጣኝ ለረጅም ጊዜ ሲፈልጉ ነበር። ሮዝ በጥሩ ሁኔታ ቢቪቢን ወደ ክብር መመለስ የሚችል ሰው ነው። ለማንኛውም ግን አኪ ዋትዝኬ እና ቀሪዎቹ አለቆቹ ተወዳጁ ጊዜያዊ አሰልጣኝ ኤዲን ቱርዚክን ከአሰልጣኝ ቦታ በማውጣት ወደ ዋና ቢሮ ወስደዋቸዋል። ክለቡ ቴርዚክ ወደነበረበት ቦታ እንዲመለስ የሚጠይቁ ደጋፊዎችን እንዲኖሩ አልፈለገም። ሮዝ ብዙ ጊዜ እና ቦታ ያገኛል።
የቅድመ-ውድድር የወዳጅነት ጨዋታዎችን ተመልክቶ የመረጠውን ስብስብ እና አወቃቀር ለመረዳት ይከብዳል ለዛም ጊዜ የሚያስፈልግ ይመስላል። ሮዝ ከሚመርጠው አጨዋወት ውጪ ሊሆን በጣም ይቻላል። ለዚህም ምክንያት በርካታ ቁልፍ ተጫዋቾች ከሜዳ ውጭ ከመሆናቸውም በላይ በየጨዋታው በሚመስል ሁኔታ ተቻዋቾች እየተጎዱ ነው። ምንም እንኳን ለመጨረሻ ደቂቃ ‘ለውጦች’ የሚታወቅ ቢሆንም ፣ ሮዝ ቀጥተኛ 4-2-3-1 “ድርብ ስድስት” አጨዋወትን ይመርጣል። ሆኖም ፣ ይህን እዚህ ቦሩሲያ ዶርትሙንድ ጋር እንደማናየው እርግጠኛ ይመስላል።
ዶርትሙንድ ባለፈው የውድድር ዘመን በሦስተኛ ደረጃ አጠናቋል። እንደዚህ ያለ ትልቅ ክለብ ቢያንስ ያንን ቦታ እንደገና ማግኘት ይፈልጋል ፣ ግን ሮዝ ከሱ የበለጠ ተስፋ ያደርጋል እናም ምናልባት ሊያደርገውም ይችላል!
መመልከት ያለብን ተጫዋች
ኮከቡ አጥቂ ኤርሊንግ ሀላንድ ዶርትመንድ ጠንካራ የዋንጫ ተፎካካሪ መሆን ከፈለገ ወሳኝ የሚሆን ተጫዋች ይሆናል። ሃላንድ በደጋፊው ድምጽ የተመረጠውን የቡንደስሊጋ ‹የአመቱ ምርጥ ተጫዋች› ባሸነፈበት አመት በሊግ ውድድር 27 ያገባቸውን ጨምሮ በሁሉም ውድድሮች 41 ግቦችን በማስቆጠር የ 2019/20 ን የውድድር ዘመን አጠናቋል። በቻምፒየንስ ሊጉም በአስር ጎሎችም ከፍተኛ ግብ አግቢ በመሆን የውድድር ዘመኑን አጠናቋል!
