ማንቸስተር ዩናይትድ ሊድስ ዩናይትድን 5-1 በሆነ ሰፊ ልዩነት አሸንፏል!

የማንችስተር ቀይ ግማሽ የዮርክሻየሩን ቡድን በከባዱ ሲያሸንፉ በዛውም ለተፎካካሪዎቻቸው የማስፈራሪያ መልእክት አስቀምጠዋል!

ማንቸስተር ዩናይትድ በምርጥ የሁለተኛ አጋማሽ እንቅስቃሴ ሊድስን ሲያፈራርስ ብሩኖ ፈርናንዴስ የመክፈቻ ቀን ሃትሪክ ሰርቷል።

ፖርቹጋላዊው አማካይ በ30ኛው ደቂቃ በሙሉ አቅሙ ተመልካች በያዘው ኦልትራፎርድ ግብ ማስቆጠር የጀመረ ቢሆንም የሉክ አይሊንግ ጥይት የሆነ ምት በሁለተኛው አጋማሽ መጀመሪያ ላይ ሊድስን አቻ አድርጓል።

ሜሰን ግሪንዉድ ከሁለት ደቂቃዎች ባነሰ ጊዜ ውስጥ የባለሜዳዎቹን መሪነት በአሪፍ አጨራረስ የመለሰ ሲሆን ከዛም የመሃል ዳኛ ፖል ቲየርኒ በጎል መስመር ቴክኖሎጂ ማረጋገጫነት የፈርናንዴዝ ዝቅተኛ ምት መስመሩን አልፎ እንደገባ ፈረዱ።

የ 26 አመቱ ተጫዋች ከቪክቶር ሊንደሎፍ የተሻገረለትን ኳስ በአስደናቂ አጨራረስ አስቆጥሮ ሃትሪኩን አሟላ ፣ ከዛም ፍሬድ ከፖል ፖግባ የተሻማለትን ኳስ አግብቶ በ 14 ደቂቃዎች ውስጥ የዩናይትድን አራተኛ ግብ ጨመረ። ይህ በጨዋታው ለፈረንሳዊው አራተኛ ለ ጎል አመቻችቶ የሰጠው ኳስ ነበር።

ፈርናንዴዝ ለመጨረሻ ጊዜ ሃትሪክ የሰራው ለስፖርቲንግ ሊዝበን በግንቦት ወር 2019 ከ 5 ሺህ ተመልካች ፊት ቤሌንሴንስን 8-1 ሲቀጡ ነበር።

ምንም እንኳን የፖርቹጋላዊው ተጫዋች ወደ እንግሊዝ ከተዛወረ በኋላ የጀግንነት ደረጃን ቢይዝም ይህ በሙሉ ኦልትራፎርድ ፊት የፕሪሚየር ሊግ ጨዋታ ሲጫወት ለአራተኛ ጊዜ ብቻ ነበር።

ተስፋ አስቆራጭ ከነበረው ዩሮ 2020 በኋላ ፣ በሊግ ውስጥ ያለው ተፅእኖ ይቀንሳል የሚለው ሃሳብ ሙሉ በሙሉ ተረስቷል።

የመጀመሪያ ጎሉ የሚደነቅ ነበር ፣ ፖግባ ተቀብሎ ወድያው ያሻገረለትን ኳስ በሊድስ ፍጹም ቅጣት ምት ክልል ዉስጥ በድንቅ ሁኔታ ከተቆጣጠረ በኋላ በግሩም ሃይል ስለመታው ኢላን ሜስሊየር ቢነካውም ከግብነት ሊያድነው አልቻለም ።

ሌላ ከፖግባ የተሻገረ ኳስ ፈርናንዴዝ ሜስሊየር በጀርባው እንዲቀመጥ ካደረገው በኋላ መሬት ለ መሬት የመታው ኳስ አይሊንግ ወደ ውጪ ከመምታቱ በፊት ዳኛ ቲርኔይ መስመሩን እንዳለፈ ፈርደዋል።

የፈርናንዴዝ ሦስተኛ ጎል ገራሚ ነበር። ሊንዴሎፍ በረጅሙ የመታውን ኳስ ፈርናንዴዝ ከፊቱ እስኪነጥር ዝም ካለው በኋላ በ ገራሚ ምት አስቆጥሮታል።

ከሮቢን ቫን ፐርሲ በኋላ በፕሪሚየር ሊግ ሃትሪክ በደጋፊዎች ፊት የሰራ የመጀመሪያው የማንችስተር ዩናይትድ ተጫዋች ሆኗል በ አጠቃላይ ደግሞ አንቶኒ ማርሲልን ተከትሎ ሁለተኛ ሆኗል።

ጨዋታው ከመጀመሩ በፊት ራፋኤል ቫራን መተዋወቁ ቀድሞውኑ ጫጫታ ላይ የነበረው ሕዝብ ይበልጥ አንጫጭቷል። አዲሱ የማንችስተር ዩናይትድ 34 ሚሊዮን ፓውንድ ተከላካይ  በ 5 ለ 1 ድል ላይ እንኳን አንዳንድ ጊዜ የየተረበሸ ይመስል የነበረውን የተከላካይ መስመሩን የበለጠ መረጋጋት የማምጣት ተልእኮ ይኖርበታል።

አምበሉ ሃሪ ማጉየር ከፓትሪክ ባምፎርድ ጋር ሩጫ ውድድር ውስጥ ገብቶ ሊሸነፍ ደርሶ ነበር ፣ ምንም እንኳን ባምፎርድ ቀደም ብሎ ቢጀምርም እና በደካማ ማርኪንጉ ምክንያት ደግሞ ሮድሪጎ ከ ራፊንሃ የተሻገረለትን ኳስ ለብቻው ማንም ሳይጠጋው በጭንቅላቱ ቢመታም ኢላማውን ሊጠብቅ አልቻለም።

በኦልድትራፎርድ የሊድስ የሊግ ሪከርድ ደካማ ነው። ሊድስ ከ 1981 ጀምሮ እዚህ አላሸነፉም እና ባለፈው የውድድር ዘመን በዚሁ ጨዋታ ስድስት ግቦችን አስተናግደዋል ፣ ለወደፊቱ ጥሩ አይመስልም።

በማንችስተር ዩናይትድ ኳሱን እንዲመታ እጅግ በጣም ብዙ ቦታ የተሰጠው አይሊንግ የተወሰነ ተስፋን ሰጥቶ ነበር – ምናልባትም ከዚህ በፊት በፕሪሚየር ሊጉን ጎል አስቆጥሮ አያውቅም በሚል ይመስላል። በፍጥነት እና በቀላሉ ከ 25 ያርድ ግቡን ሊያገኝ ችሏል።

ሆኖም ፣ የማገገም እድል አልነበረም የማንችስተር ዩናይትድ ጥቃት መነሻ ብቻ ነበር።