Connect with us
Express news


Football

ከድህነት ወደ ሃብት! ከምንምነት ወደ ጀግና የሄዱ የእግር ኳስ ተጫዋቾች!

From Rags to Riches! Footballers who Went from Zero to Hero!
theguardian.com

ህልምህን ለማሳካት ተስፋ አትቁረጥ ።  እነዚህ 3 ተጫዋቾች ተስፋ አልቆረጡም እና አሁን ያሉበትን ቦታ ይመልከቱ!

ኤዶዋርድ ሜንዲ (ቼልሲ)

ሜንዲ በፈረንሣይ ከሴኔጋል ቤተሰብ የተወለደ ሲሆን በ 13 ዓመቱ የሌ ሀቭር ኤሲ የወጣት አካዳሚን ተቀላቅሏል። ሜንዲ በተጠባባቂ ወንበር ከተቀመጠ በኋላ ለሲኤስ ሙኒሲፓክስ ሊ ሃቭሬ ለመጫወት ወደ ታችኛው ደረጃ ወርዷል። በወቅቱ  በፈረንሣይ እግር ኳስ ሊግ ስርዓት ሦስተኛ ደረጃ ላይ በነበረው ኤኤስ ቸርቦርግ ውስጥ የሙያ ሂወቱን ጀመረ። እስከ 2014 ክረምት ድረስ በቼርቡርግ ቆየ ፣ ከዚያ በኋላ ለአንድ ዓመት ያክል ለማንም ቡድን አልተሰለፈም።

ሜንዲ በቃለ መጠይቁ ላይ “በእግር ኳስ በእርግጠኝነት እቀጥላለሁ ብዬ ጥርጣሬ ነበረኝ” ይላል። ሜንዲ በ 22 ዓመቱ ለሥራ አጥነት ተመዝግቦ ከእግር ኳስ ውጭ ሥራ መፈለግ ጀመረ። ሆኖም እ.ኤ.አ. በ 2015 ሜንዲ በቀድሞው የቡድን ባልደረባው እና በጓደኛው በቴድ ላቪ በኦሊምፒክ ደ ማርሴ የግብ ጠባቂነት ቦታ እንዲሞላ ተመክሯል። ከአካዳሚው ግብ ጠባቂ አሰልጣኝ ዶሚኒክ በርናቶዊች ጋር አንድ የስልክ ጥሪ ከተደረገ በኋላ ማርሴይ ሜንዲን እንደ አራተኛ ግብ ጠባቂ ምርጫቸው አድርገው አስፈርመዉታል። በ 2015 – 16 የውድድር ዘመን ፣ በማርሴይ ተጠባባቂ ቡድን ውስጥ ተጫውቷል ፣ ግን አብዛኛውን ጊዜ የፍሎዪያን ኢስካለስ ቤንች ነበር።

sportslens.com

ተጨማሪ የመሰለፍ እድል በመፈለግ ፣ ሜንዲ በ 2016/17 የውድድር ዘመን የሊግ 2 ሪምስን ተቀላቀለ እና ሙያውን ለዘላለም የሚቀይር ዕድል አግኝቷል። በውድድር ዘመኑ የመጀመሪያ ጨዋታ የሪምስ የመጀመሪያ ምርጫ ግብ ጠባቂ በ 5 ደቂቃዎች ውስጥ ከሜዳ በቀይ ወጥቶ ስለነበር ሜንዲ ጓንቱን ወሰደው። የሁለተኛ ዲቪዝዮን ዋንጫ አሸናፊ ቡድን አካል መሆንን ጨምሮ ከሪምስ ጋር ታላላቅ ነገሮችን ማድረጉን ቀጠለ።

የሌሎች ቡድኖች ቀልብ መሳብ ጀመረ እና በ 2019 በ4 ሚሊዮን ዩሮ ለስታድ ሬኔስ እግር ኳስ ቡድን ፊርማውን አሳርፏል። ከ 24 ጨዋታዎች በ9ኙ ግብ ሳይቆጠርበት በመውጣት ሬኔስ ለሻምፒዮንስ ሊግ (ዩ.ሲ.ኤል.) ብቁ እንዲሆን ረድቷል።

ከዚያ ቼልሲ እግር ኳስ ቡድን በ22 ሚሊዮን ፓውንድ ተጫዋቹን ማስፈረሙ ሪፖርት ተደርጓል። ግንቦት 29 ፣ ሜንዲ በዩ..ሲ.ኤል. ፍፃሜ ውስጥ የተጫወተ እና ዋንጫዉን ያነሳ የመጀመሪያው አፍሪካዊ ግብ ጠባቂ ለመሆን ችሏል!

ራሂም ስተርሊንግ (ማንቸስተር ሲቲ)

japantimes.co.jp

በቅርቡ በዩሮ ውስጥ የእንግሊዝ ምርጥ ተጫዋች ፣ ከጃማይካ ቤተሰብ በጃማይካ የተወለደው በ 2018 ስለ ልጅነት ሕይወቱ ለመገናኛ ብዙኃን ተናግሯል።

“የሁለት ዓመት ልጅ ሳለሁ አባቴ ተገደለ። ያ ሕይወቴን በሙሉ ቀየረ። ከዚያ ብዙም ሳይቆይ እናቴ የትምርት እድል አግኝታ ፣ የተሻለ ሕይወት እንዲኖረን በማሰብ እኔ እና እህቴን በጃማይካ ትታ ወደ እንግሊዝ ለመሄድ ወሰነች። ለተወሰኑ ዓመታት በኬንግስተን ከሴት አያታችን ጋር እንኖር ነበር ፣ እና ሌሎቹን ልጆች ከእናቶቻቸው ጋር ስመለከት በእውነቱ የቅናት ስሜት ይሰማኝ እንደነበር አስታውሳለሁ። እናቴ ምን እያደረገች እንደሆነ ሙሉ በሙሉ አልገባኝም። እሷ እንደጠፋች ብቻ አውቃለሁ። አያቴ አስገራሚ ነበረች ፣ ግን ሁሉም ሰው በዚያን ዕድሜ እናቱን ይፈልጋል።

“እግዚአብሔር ይመስገን እግር ኳስ ነበረኝ። ትዝ ይለኛል ዝናብ ሲዘንብ ሁሉም ልጆች ወደ ውጭ ሮጠው በኩሬዎቹ ውስጥ ኳስ ይጫወታሉ ፣ ውሃ ይረጫጫሉ ፣ ምርጥ ጊዜ ያሳልፋሉ። ስለ ጃማይካ ድባብ ሳስብ በአዕምሮዬ ውስጥ የሚንፀባረቀው ምስል ይህ ነው። ዝናብ በሚዘንብበት ጊዜ ማንም ቤት ውስጥ አይደበቅም። ወደ ውጪ ወጥተህ መደሰት ነው። ሌላው የማስታውሰው ነገር የወይን ፍሬ አይስክሬም ለመግዛት አያቴን ገንዘብ መለመኔን ነው።

ጥበበኛው አጥቂ አሁን ከማንቸስተር ሲቲ ጋር ባለው ውል መሰረት በሳምንት ከ 417,000 ዶላር በላይ ያገኛል። ራሂም ስተርሊንግ ምናልባትም በእንግሊዝ ፕሪሚየር ሊግ (ኢ.ፒ.ኤል.) ውስጥ ከፍተኛ ደመወዝ የሚከፈለው የኢንግሊዝ ተወላጅ ተጫዋች ነው ፣ እናም ከየት ተነስቶ እዚህ እንደደረሰ ማየት ይቻላል!

ጄሚ ቫርዲ (ሌስተር ሲቲ)

ጄሚ ቫርዲ በእንግሊዝ እግር ኳስ ውስጥ ካሉ ታላላቅ ታጋይ ተጫዋች አንዱ መሆን አለበት። ቫርዲ ያደገው እግር ኳስ አፍቃሪ በሆነችው ሼፊልድ ከተማ ሲሆን በ ኢ.ፒ.ኤል. ውስጥ የመጫወት ህልሙ ለአንድ ቀንም አቁሞ አያውቅም። ሆኖም ፣ በቁመቱ ትንሽ ነበር እና በስራው መጀመሪያ ላይ እድገቱን የሚያደናቅፍ ነበር።

ቫርዲ በ 16 ዓመቱ በ ሼፊልድ ዌንስደይ የመጫወት እድል ሲያገኝ አሁንም አንድ ቀን ፕሮፌሽናል እግር ኳስ ተጫዋች ሊሆን እንደሚችል ያልም ነበር። የህክምና ስፕሊቶች የሚያመርት ፋብሪካ በሳምት 30 ዶላር እየተከፈለው በ12 ሰዓት ሺፍት እየሰራ ፣ በሰሜናዊ ፕሪሚየር ሊግ ለ ስቶክብሪጅ ፓርክ ስቲልስ በትርፍ ሰዓቱ እግር ኳስ ይጫወት ነበር፣ አሁንም ግን በፕሪሚየር ሊጉ ግብ የማስቆጠር ህልም ነበረው ።

ለተወሰነ ጊዜ ለስቶክሪብሪጅ ከተጫወተ በኋላ ብዙ ግቦች ማስቆጠሩ ወደ ሃሊፋክስ ከዚያም ወደ የኮንፈረንስ ፕሪሚየር ተሳታፊ የሆነው ቡዱን ፍሌትዉድ እንዲዛወር ረድቶታል እና በመጨረሻም በ 25 ዓመቱ በ 1 ሚሊዮን ፓውንድ ወደ ሻምፒዮናው ሌስተር ሲቲ ተዛወረ።

ወደ ሌስተር መዘዋወሩ ለቫርዲ ትልቅ እድል ነበር። ሌስተር ወደ ፕሪሚየር ሊጉ ካደገ በኋላ በ ኢ.ፒ.ኤል. ውስጥ የመወዳደር የልጅነት ህልሙን ብቻ አልነበረም ያሳካው ፣ በ 2015/16 የውድድር ዘመን ሌስተር በእንግሊዝ የከፍተኛ ጉዞ ታሪክ ውስጥ ትልቁን አስገራሚው ክስተት እንዲያሳኩ አድርጓል! በዚያ የውድድር ዘመን ሌስተር ሊጉን ያሸነፈ ሲሆን የጄሚ ቫርዲም ሚናም ጥቂት አልነበረም። አጥቂው በዚህ የውድድር ዘመን 24 ጊዜ ኳስ ከመረብ ያገናኘ ሲሆን ይህም ከ ሰርጂዮ አጉዌሮ ጋር እኩል ሲሆን በዚያ ዓመት የወርቅ ጫማ አሸናፊ ከነበረው ሃሪ ኬን በ1 ጎል ብቻ አንሶ ነበር የጨረሰው።.

በ 2015/16 የውድድር ዘመን የወቅቱ የሌስተር አሰልጣኝ ክላውዲዮ ራኔሪ የቫርዲ ሚና ‹በዋጋ የማይተመን› በማለት ገልጾታል። ያም ማለት ሰኔ 3 ቀን 2016 አርሴናል ለቫርዲ የ 22 ሚሊዮን ፓውንድ ጥያቄ ማቅረቡ ውሉን ሊያፈርስ ተቃርቦ ነበር ፣ ነገር ግን ሌሴስተር የተሻሻለ ውል አቀረበለት ፣ እና ከ 20 ቀናት በኋላ ለአራት ዓመት አዲስ ስምምነት ፈረመ። ቫርዲ በመጨረሻ የአርሰናልን ጥያቄ ውድቅ አድርጎታል ምክንያቱም አርሴናል በተለመደው ቦታው እንደሚጫወት ቃል ባለመግባቱ እና በሁለቱ ክለቦች የአጫዋወት ታክቲክ ልዩነት በመኖሩ ፣ አርሰን ቬንገር ኳስ ይዘው መጫወት ይመርጣሉ ሌስተር ደግሞ በመልሶ ማጥቃት ይጫወታሉ።

ቫርዲ የሌስተር ተጫዋች ሆኖ የቀጠለ ሲሆን አሁን በሳምንት 140,000 ፓውንድ ገቢ በማድረግ የክለቡ ከፍተኛ ተከፋይ ተጫዋች ነው።

Click to comment

Leave a Reply

Your email address will not be published. Required fields are marked *

Must See

More in Football