Connect with us
Express news


Football

የወርቅ ጫማ; የእንግሊዝ ፕሪሚየር ሊግ (ኢ.ፒ.ኤል.) ከፍተኛ ግብ አስቆጣሪ!

The Golden Boot; The English Premier League’s (EPL) Top Scorer!
football.london

በ 2021/2022 የኢንግሊዝ ፕሪሚየር ሊግ የከፍተኛ ግብ አስቆጣሪ የወርቃማ ጫማ ሽልማት የማንሳት እድል ያላቸው ተጫዋቾች እንመለከታለን።

ተጠባቂ ተጫዋቾች

ሮሜሉ ሉካኩ (ቼልሲ እግር ኳስ ቡድን)

weaintgotnohistory.sbnation.com

ቤልጄማዊ አጥቂ የዘንድሮውን የወርቅ ጫማ ሽልማት የማንሳት እድሉ ከቶተንሃም ሆትስፐሩ አጥቂ ሃሪ ኬን በላይ የተሻለ ግምት አግኝቷል ። የክለቡ ሪከርድ በሆነው 97.5 ሚሊዮን ፓውንድ ክፍያ  ወደ ቼልሲ ተመልሷል (ከ 2011 እስከ 14 ባለው ጊዜ ውስጥ ለቡድኑ ተጫውቷል) ። ሉካኩ ወደ ቼልሲ በሚመለስበት ሰአት 285 ሚሊዮን ፓውንድ በሚጠጋ ድምር የዝውውር ክፍያ የአለማችን ውዱ ተጫዋች ለመሆን ችሏል ፣ ይህም የኔይማርን ከባርሴሎና ወደ ፓሪስ ሴንት ጀርሜን በሚዘዋወርበት ሰአት የተከፈለውን 222 ሚሊዮን ዩሮ የበለጠ ነው። ሉካኩ ባለፈው እሁድ አርሴናልን 2 ለ 0 ባሸነፉበት ጨዋታ በ 15 ደቂቃ ከሬስ ጀምስ የተሻማለትን ኳስ ከመረብ ጋር አገናኝቷል ።በሚያስገርም ሁኔታ ሉካኩ የወርቅ ጫማውን አሸንፎ አያውቅም ፣ ነገር ግን በኢ.ፒ.ኤል. ቆይታው ፤ ለቼልሲ ፣ ዌስት ብሮሚች አልቢዮን ፣ ኤቨርተን እና ለማንቸስተር ዩናይትድ ወክሎ በተጫወተበት የውድድር ዘመናት 113 ግቦችን አስቆጥሯል። ሉካኩ በጥሩ ሁኔታ ላይ ያለ ፣ የበለጠ ለማስቆጠር ዝግጁ የሆነ እና በተፈጥሮው ተሰጥኦ ያለው ግብ አስቆጣሪ አትቂ ነው!

ሃሪ ኬን (ቶትንሃም ሆትስፐር እግር ኳስ ቡድን)

በአሁኑ ጊዜ የወርቅ ጫማ ሽልማቱ በእንግሊዛዊው የቶተንሃም ተጫዋች ሃሪ ኬን ተይዟል። ባለፈው የውድድር ዘመን በኢ.ፒ.ኤል. ውስጥ 23 ግቦችን በማስቆጠር ማሸነፍ ችሏል። ኬን 3 ጊዜ የወርቅ ጫማ ካሸነፉት 3 ተጫዋቾች አንዱ ነው። ይህንን ክብር ያሳኩ ሌሎች 2 ተጫዋቾች አለን ሸረር እና ቴሪ ሄንሪ ናቸው። ከቅርብ ሳምንታት ወዲህ ኬን በከፍተኛ የዝውውር ገንዘብ  ስሙ ከማንችስተር ሲቲ ጋር ተያይዟል። በነሐሴ ወር መጀመሪያ ላይ ለሥልጠና መቅረብ ባለመቻሉ በመገናኛ ብዙኃን ውስጥ ውዝግብ ቢያስከትልም ፣ ባለፈው ሳምንት ወልቨርሃምተን ዋንደሬርስ 1 ለ 0 ባሸነፉበት ጨዋታ ስፐርስን ለመርዳት ተቀይሮ ወደ ሜዳ ገብቷል። ለማንኛዉን ቡድን ቢጫወት እንኳን ሉካኩን ሊገዳደር የሚችል አጥቂ ነው ። እንደ ኬቪን ዲ ብሩይን እና ጃክ ግሪልሽ ያሉ የፈጠራ ችሎታ ያላቸው ተጫዋቾች የያዘው ሲቲ ከተዛወረ ምናልባትም የበለጠ ግብ የማስቆጠር ዕድሎችን ይኖረዋል!

ሞሃመድ ሳላህ (ሊቨርፑል እግር ኳስ ቡድን)

teamtalk.com

ባለፈው የውድድር ዘመን ፈርጣማው ግብፃዊ አጥቂ የወርቅ ጫማውን ለማሸነፍ ተቃርቦ ነበር። በባለፈው አመት በአብዛኛዉን የውድድር ሲዝን ከኬን ጋር ኋይለኛ ፉክክር ካደረጉ በኋላ ሳላህ በኬን ወደ 2 ኛ ደረጃ ተገፍቷል። እ.ኤ.አ. በ 2021/2022 ውስጥ 22 ጊዜ እና በ 2017 ወደ እንግሊዝ ከተመለሰ በኋላ በ 4 የኢ.ፒ.ኤል. የውድድር ዘመናት ውስጥ 95 ግቦችን አስቆጥሯል። ሊቨርፑሎች በባለፈው የውድድር ዘመናቸው ደስተኛ ባይሆኑም ግብጻዊው አጥቂ ባለፈው ዓመት ወርቃማ ጫማውን ሊያነሳ ተቃርቦ ነበር። ሊቨርፑሎች በዚህ የውድድር ዘመን የበለጠ አስደናቂ የኢ.ፒ.ኤል. የውድድር ዘመን ማሳለፍ ከቻሉ መሐመድ ሳላህ በ 2021/22 የወርቃማው ጫማ ፉክክር ውስጥ የምናየው ይሆናል።

ብሩኖ ፈርናንዴዝ (ማንቸስተር ዩናይትድ እግር ኳስ ቡድን)

በዘንድሮው የውድድር ዘመን የመክፈቻ ጨዋታ በሊድስ ዩናይትድ ላይ ሃት-ትሪክ ካስቆጠረ በኋላ ፖርቹጋላዊው አጥቂ አማካይ ገና በውድድር መጀመርያ 3 ግቦች አሉት። በዘንድሮው የወርቅ ጫማ ውድድር ፤ 3 ግቦችን እና 1 ለግብ የሚሆን ኳስ አመቻችቶ ካቀበለው የዌስትሃም ዩናይትዱ ሚካኤል አንቶኒዮ ፣ ቀጥሎ በ2 ኛ ደረጃ ላይ ተቀምጧል። የወርቅ ጫማ ያነሳሉ ከሚባሉት ተጫዋቾች በ4ኛ ደረጃ ላይ ተቀምጧል ። ፈርናንዴዝ ባለፈው የውድድር ዘመን ማስቆጠር እንደቻለው ዘንድሮ መድገም ከቻለ ሽልማቱን የማሸነፍ ዕድል አለው። ፈርናንዴዝ ባለፈው የውድድር ዘመን በወርቃማ ጫማ ውድድር 18 የኢ.ፒ.ኤል. ግቦችን በማቆጠር 3 ኛ ደረጃ በመያዝ አጠናቋል።

ሌሎች ተፎካካሪዎች ?

foxesofleicester.com

ዲዮጎ ጆታ (ሊቨርፑል) ፣ ዶሚኒክ ካልቨርት-ሌዊን (ኤቨርተን) ፣ ዳኒ ኢንግስ (አስቶን ቪላ) ፣ ራሄም ስተርሊንግ (ማንቸስተር ሲቲ) ፣ ጋብሬል ጀሱስ (ማንቸስተር ሲቲ) ፣ ጄሚ ቫርዲ (ሌስተር ሲቲ) እና ሚካኤል አንቶኒዮ (ዌስትሃም) በዘንድሮው የወርቃማ ጫማ ፉክክር ውስጥ ያሉ ተጫዋቾች ናቸው ፣ ነገር ግን ከ 4ቱ ተጠባቂ ተጫዋቾች ውስጥ አንዳቸውም ሽልማቱን ካላገኙ አስገራሚ ይሆናል!!

Click to comment

Leave a Reply

Your email address will not be published. Required fields are marked *

Must See

More in Football