ጃክ ዊልሸር ከፖል ጋስኮኝ ቀጥሎ ትልቁ የእንግሊዝ ተጫዋች መሆን ነበረበት። አሁን በ 29 ዓመቱ ከማንኛውም ክለብ ያለ ኮንትራት ቀርቷል? ስለዚህ ፣ ምን ጋር ነው ችግር የተፈጠረው?
እ.ኤ.አ በ 2011 ጃክ ዊልሺር አርሴናል በቻምፒየንስ ሊጉ ባርሴሎናን እንዲያሸንፍ ረድቷል። ከዚያን ጊዜ ጀምሮ በብዙዎች ዘንድ እንደ እንግሊዝ በጣም ተስፋ ሰጭ ወጣት ተደርጎ ይቆጠር ነበር። ተንታኙ ስቱዋርት ሮብሰን ለእንግሊዝ ሬዲዮ ጣቢያ ቶክስፖርት እንደተናገረው ዊልሼር “ከፖል ጋስኮኝ በኋላ ምርጥ የእንግሊዝ ተሰጥኦ” ነው ብሎ ነበር።
በእርግጥም በተጫዋችነት ህይወቱ ጥሩ ጅምር ነበረው። ታዳጊው ዊልሼር በ 2010/11 የውድድር ዘመን 44 ጀምሮ 5 ተቀይሮ ገብቶ ለአርሴናል 49 ጨዋታዎችን ተጫውቷል። በዚህ ወቅትም የመጀመሪያውን የእንግሊዝ ጥሪ እና ሃንጋሪን ድል እንዲያደርግ እድል ሰጠው።
ዊልሼር ልዩ ተሰጥኦ እና ችሎታ እንደነበረው በሰፊው መታወቅ ጀመረ። ጥሩ የእግር ኳስ አንጎል ፣ አሪፍ የማቀበል ብቃት ፣ የቅርብ ቁጥጥር እና እውነተኛ ጽናት ነበረው። በየወቅቱ መሻሻሉን እና ማደጉንም ቀጠለ ሁሉም ነገርም ለእሱ መልካም ነበር።
ከጥሩ የመጀመሪያ ሙሉ የውድድር ዘመን በኋላ ዊልሼር ለ 2012 ዩሮ በእንግሊዝ ቡድን ውስጥ ቦታን ለማግኘት እንዲሁም በፕሪሚየር ሊጉ ከአርሴናል ጋር ያለውን ችሎታ የበለጠ ለማሳየት ዝግጁ ነበር።
ሆኖም በሐምሌ 2011 ከኒው ዮርክ ሬድ ቡልስ ጋር በነበረው የቅድመ ውድድር ዘመን ጨዋታ ዊልሼር የቁርጭምጭሚት ጉዳት ደልሰበት። የመጀመሪያ ምርመራዎች ተስፋ ሰጭ ነበሩ እና በቁርጭምጭሚቱ ውስጥ እብጠት ብቻ አሳይተዋል። ዊልሼር በትዊተር ገፁ “የቁርጭምጭሚት ምርመራ አንዳንድ እብጠትን አሳይቷል። በጥቂት ቀናት ውስጥ ይረጋጋል ብለን ተስፋ እናደርጋለን።”
እንደ አለመታደል ሆኖ እንደዛ አልነበረም። ከዚያን ጊዜ ጀምሮ ህይወቱን ያደከሙት እና ዊልሼር አሁን ያለ ክለብ እንዲቀር ካረጉት ተከታታይ ጉዳቶች ይህ የመጀመሪያው ነበር። ብዙ ጊዜ ለሚጎዳ ተጫዋች በሳምንት 100,000 ፓውንድ ማን መክፈል ይፈልጋል? የቅርብ ጊዜው ክለቡ ቦርንማውዝም ባለፈው የውድድር ዘመን በ9 ጨዋታዎች 1 ጎል ሲያስቆጥር እና 1ለግብ የሚሆን ኳስ ብቻ ሲያቀብል ሊለቀው ችሏል።
