Connect with us
Express news


Football

ባርሴሎና በካምፕኑ ጌታፌን አሸንፏል

Barcelona edge out Getafe at Camp Nou
beinsports.com

የካታላኑ ቡድን ባርሴሎና በጥሩ አቋም ባልነበረበት ጨዋታ ሙሉ 3 ነጥቦችን መውሰድ ችሏል። ስለዚህ ትናንት ምሽት በባርሎና ውስጥ ምን ተፈጠረ?

በላሊጋ ጌታፌን 2 ለ 1 ባሸነፉበት ጨዋታ ሜምፊስ ዴፓይ የባርሴሎናን የማሸነፊያ ግብ አስቆጥሯል። ሰርጊ ሮቤርቶ በ99 ሴኮንድ ከጆርዲ አልባ የተሻማለትን ኳስ ማርቲን ብሬዝወይትን ለጥቂት ቀድሞ ከመረብ በማሳረፍ የባለ ሜዳዎቹ መክፈቻ ግብ አስቆጥሯል ።

ሳንድሮ ራሚሬዝ በፍፁም ቅጣት ምት ክልል ከካርሌስ አሌና ጋር ጥሩ ቅብብል አድርገው ጌታፌን አቻ አድርጓል። እነዚህ ሁለቱም ተጫዋቾች የቀድሞ የባርሴሎና ተጫዋቾች ናቸው እና ራሚሬዝ ግቡን ካቆጠረ በኋላ በተገቢ ሁኔታ ደስታዉን ገልጿል።

ሆኖም ፣ ዴፓይ በ30ኛው ደቂቃ 26,000 ደጋፊዎች በታደሙበት ጨዋታ ከዲ ጆንግ የተሻገረለትን ኳስ ወደ ግብ ታችኛው ጥግ በመላክ ለአሸናፊዎቹ ቡድን ጥሩ አቋሙን አሳይቷል። ይህ ደግሞ ከ 2009 በኋላ ለመጀመርያ ጊዜ በሁለት የኔዘርላንድ ተጫዋቾች አሲስት የተደረገ እና የተቆጠረ ግብ ነው።

በሁለተኛ አጋማሽ የ17 ዓመቱን ጋቪን ቀይሮ ወደ ሜዳ ያስገባው ባርሴሎና በ 3 ጨዋታዎች ምንም ሽንፈት ሳያስተናግድ 7 ነጥቦችን ሰብስቧል። ጌታፌ እስካሁን ያደረጓቸውን ጨዋታዎች በሙሉ የተሸነፉ ሲሆን ከዓለም አቀፍ ዕረፍት በኋላ መስከረም 13 ቀን ከኤልቼ ጋር ሲገናኙ ያንን ችግር ማስተካከል ይፈልጋሉ።

የባርሴሎና ግብ ጠባቂ ማርክ-አንድሬ ቴር ስቴገን በዚህ ጨዋታ ከጉዳት መልስ ተሰልፏል። የጉልበቱ ቀዶ ጥገና እና ከዚያ በኋላ የማገገሚያ ጊዜዎች በዚህ የውድድር ዘመን የመጀመሪያዎቹ ሁለት ግጥሚያዎች ላይ እንዳይሰለፍ አድርጎታል።

barcablaugranes.com

የሮናልድ ኮማን ቡድን ፣ ባርሴሎና አሳማኝ በሆነ ሁኔታ ባያሸንፍም ፣ የግብ ልዩነት ሊያሰፉ የሚችሉበት ብዙ እድሎችን ሲፈጥሩ ታይተዋል ። ሮናልድ አራዩጆ ያስቆጠራት ግብ ከጭዋታ ውጪ በመሆንዋ ውድቅ ስትደረግ ዴፓይ በጨዋታው መገባደጃ ላይ በቮሊይ ጥሩ ሙከራ አድርጎ ነበር። ከድሉ በሁላ ባርሴሎና በላሊጋ ውስጥ 5 ኛ ደረጃ ላይ ተቀምጧል ፣ ይህ የሚገባቸው ውጤት ነበር ነገር ግን ሮናልድ ኮማን ከሊዮኔል ሜሲ ውጪ መጫወት መላመድ ስለሚኖርበት ፣ ወደፊት  ከተጫዋቾቹ ብዙ ይጠብቃል። ከ3 ጨዋታዎች በኋላ አሁንም ጌታፌ በ0 ነጥብ ላይ ይገኛል።

Click to comment

Leave a Reply

Your email address will not be published. Required fields are marked *

Must See

More in Football