Connect with us
Express news


Football

ትናንት በስፔን ላሊጋ ምን ተፈጠረ?

What happened in Spain’s La Liga yesterday?
barcablaugranes.com

ትናንት በስፔን የተቆጠሩ ሁሉንም ግቦች እና ክስተቶች እንመለከታለን። ስለዚህ አሸናፊዎች እና ተሸናፊዎች እነማን ነበሩ እና እሁድ እለት ምን ተፈጠረ?

ባርሴሎና 2 – ጌታፌ 1

ሰርጊ ሮቤርቶ በ99 ሴኮንድ ከጆርዲ አልባ የተሻማለትን ኳስ ማርቲን ብሬዝወይትን ለጥቂት ቀድሞ ከመረብ በማሳረፍ የባለ ሜዳዎቹ የመክፈቻ ግብ አስቆጥሯል ።ሳንድሮ ራሚሬዝ በፍፁም ቅጣት ምት ክልል ከካርሌስ አሌና ጋር ጥሩ ቅብብል አድርገው በ18ኛ ደቂቃ ጌታፌን አቻ አድርጓል። ሆኖም ፣ ዴፓይ በ30ኛው ደቂቃ 26,000 ደጋፊዎች በታደሙበት ጨዋታ ከዲ ጆንግ የተሻገረለትን ኳስ ወደ ግብ ታችኛው ጥግ በመላክ ለአሸናፊዎቹ ቡድን ጥሩ አቋሙን አሳይቷል። ይህ ደግሞ ከ 2009 በኋላ ለመጀመርያ ጊዜ በሁለት የኔዘርላንድ ተጫዋቾች አሲስት የተደረገ እና የተቆጠረ ግብ ሆኖ ተመዝግቧል። አሁን ባርሴሎና በላሌጋው በ4ኛ ደረጃ ሲቀመጥ ፣ ጌታፌ በ3 ተከታታይ ሽንፈት 19ኛ ደረጃ ላይ ተቀምጧል።

ካዲዝ 2 – ኦሳሱና 3

elespanol.com

በራሞን ደ ካራንዛ በካዲዝ እና በኦሳሱና መካከል በተደረገው ጨዋታ የግብ መሪነቱን ሲቀባበሉት ታይቷል። ባለሜዳው ካዲዝ አሌክስ ፈርናንዴዝን በ 16 ደቂቃ ባስቆጠራት ግብ ውጤቱን 1-0 ማድረግ ችሏል። በ30ኛው ደቂቃ ኪኬ ባስቆጠራት ፍጹም ቅጣት ምት ኦሳሱናን አቻ ማድረግ ችሏል። ከዚያ ካዲዝ በአሌክስ ፈርናንዴዝ ፍጹም ቅጣት ምት እንደገና አንድ ወደ ላይ ከፍ ብሎ ውጤቱን 2-1 ማድረግ ችሏል። ካዲዞች በ 2 ኛው አጋማሽ ነዳጃቸውን የጨረሱ ይመስሉ ነበር ፣ እና ኦሳሱና በሮቤርቶ ቶሬስ ፍጹም ቅጣት ምት እና በዴቪድ ጋርሽያ በባከነ ሰአት በተቆጠርባቸው ሁለት ግቦች ድላቸውን ለኦሳሱና አሳልፈው ሰጥተዋል ። በላሊጋው ካዲዝ አሁን 12 ኛ ደረጃ ላይ ሲሆን ኦሳሱና ወደ 8 ኛ ደረጃ ከፍ ብሏል።

ሪያል ቫልካኖ 4 – ግራናዳ 0

ራዮ ቫሌካኖ በካምፖ ዴ ፉቱቦል ደ ቫሌካስ ግራናዳን በቀላሉ አሸነፏል። አልቫሮ ጋርሲያ ሪቬራ በ 3ኛው ደቂቃ እና ኦስካር ትረጆ ደግሞ በ23ኛው ደቂቃ ከፍጹም ቅጣት ምት ተጨማሪ ግብ አስቆጥሯል ። ከዚያም ራንዲ ንቴካ በ 43 ደቂቃ ባስቆጠራት 3ኛ ግብ ፣ በ3 የግብ ልዩነት ወደ መልበሻ ክፍል እንዲያቀኑ አድርጓል። ከዚያም ሳንቲ ኮሜሳና በ 63 ደቂቃ ባስቆጠራት ግብ ጨዋታዉን መቋጫዉን አግኝቷል። ውጤቱ ራዮ ቫሌካኖች በላሊጋው 10 ኛ ደረጃ ላይ ሲያስቀምጣቸው ፣ ግራናዳ በ 17 ኛ ደረጃ ላይ ተቀምጠዋል።

አትሌቲኮ ማድሪድ 2 – ቪላሪያል 2

beinsports.com

ስህተት በተሞላበት በማድሪድ ቫንዳ ሜትሮፖሊታኖ ስታዲየም የተደረገው ጨዋታ በአቻ ውጤት ነጥቦችን ተካፍለው ወጥተዋል። ሉዊስ ሱዋሬዝ በ56 ደቂቃ አቻ የምታደርጓቸውን ግብ ከማስቆጠሩ በፊት ማኑ ትሪግሮስ ለእንግዳ ቡድኑ በ52ኛ ደቂቃ የመክፈቻ ግብን በስሙ አስመዝግቧል ። ኤሲያ ሜንዲ በባከነ ሰአት በራሱ መረብ ባስቆጠራት ግብ አቻ ከመሆናቸው በፊት በ74ኛ ደቂቃ አርኗት ዳንጁማ ቪላሪያል እንደገና በ 1 የግብ ልዩነት እንዲመሩ አስችሏቸው ነበር ።ለአትሌቲኮዎች በጣም ፈታኝ ጨዋታ ነበር ስለዚህም አንድ ነጥብ መውሰድ መቻላቸው ለእነሱ ትልቅ ስኬት ነበር ። አሁን በላሊጋው 5 ኛ ደረጃ ላይ ሲሆኑ ቪላሪያል ደግሞ 11 ኛ ደረጃ ላይ ተቀምጠዋል።

Click to comment

Leave a Reply

Your email address will not be published. Required fields are marked *

Must See

More in Football