የዓለም ዋንጫ ማጣሪያ ጨዋታዎች ፤ የአለም ሻምፒዮኖቹ በሜዳቸው ከቦስኒያ ሄርዞጎቪና ጋር አቻ ወተዋል

የዓለም ሻምፒዮኖቹ ፈረንሣይ እድለኛ ከነበሩት ከቦስኒያ ሄርዞጎቪና ጋር በስትራስቡርግ 1 ለ 1 በሆነ አቻ ተለያይቷል። አንትዋን ግሪዝማን እና ኤዲን ድዜኮ በምሽቱ ግብ አስቆጥረዋል።

ለፈረንሳይ ከ 2 ወራት በኋላ የመጀመሪያው ጨዋታ ነበር ፣ የዲዲዬር ደቻምፕስ ቡድን በመጀመሪያው ግማሽ ሰዓት ውስጥ ጥሩ አልነበረም። የባለሜዳዎቹ የመጀመሪያዎቹ 45 ደቂቃዎች ምርጥ ዕድል በ 27 ኛው ደቂቃ በኪሊያን ምባፔ በኩል ነበረ ፣ ነገር ግን የፓሪስ ሴንት ጀርሜይኑ የፊት አጥቂ ሀይለኛ ምት ከጠባብ አንግል ማእዘኑን ገጭቶ ወቷል።

የፈረንሳይ የደከመ አጀማመር ከ 10 ደቂቃዎች በኋላ ዋጋ የሚያስከፍል ሆነባቸው ፣ ቶማስ ሌማር መሀል ሜዳ ላይ የማይሆን ኳስ ሲያቀብል ዜኮ ጠልፎ ወስዶ የቦስኒያ የምንግዜም ከፍተኛ ግብ አስቆጣሪው 60 ኛውን ዓለም አቀፋዊ ግቡን በኃይለኛ የመሬት ለ መሬት ምት አስቆጥሯል።

ሌስ ብሉስ በ 41 ኛው ደቂቃ ዕድለኛ በሆነ ሁኔታ የአቻነቷን ግብ አገኙ ፣ ዜኮ በግንባሩ የገጨው ኳስ ከግሪዝማን ጀርባ ጋር ተጋጭቶ መስመሩን አልፎ ገብቷል። በስታዴ ዴ ላ ሜናው ላይ የግብ-መስመር ቴክኖሎጂ ባለመኖሩ ግቡ ከረጅም ጊዜ የ ቪኤአር ግምገማ በኋላ ጸድቋል።

በ 58 ኛው ደቂቃ ጁልስ ኩንዴ ሌላ የቪኤአር ፍተሻ ከተደረገ በኋላ በግዴለሽነት በሴአድ ኮላሲናች ላይ በሰራው ጥፋት በቀይ ካርድ መውጣቱ ለፈረንሣይ ሌላ እንቅፋት ነበር። ቀይ ካርዱ የፈረንሣይን የማጥቃት እንቅስቃሴ የገደለ ይመስል ነበር እና ወደ ኋላ አፈግፍጎ የተቀመጠውን እና የፈረንሣይን የማጥቃት እንቅስቃሴዎችን ገቶ መያዝ የቻለውን ቦስኒያ ቡድን ላይ ምንም ግልፅ ዕድሎችን መፍጠር አልቻሉም።

ዜኮ በ 80 ኛው ደቂቃ ለማሸነፍ ታላቅ ዕድል ፈጥሮ ነበር ፣ ኳስን በደረቱ አውርዶ ወደ ጎል በሃይል ቢመታም ወደ ውጪ ወጥቷል።

ቦስኒያ ለጨዋታው የተሻለ ዝግጁ የሆኑ ይመስሉ ነበር እናም ውጤቱ በፈረንሣይ አለቃ ዲዲዬር ዴሽፕስ ላይ ያለውን ጫና ይጨምራል። ብዙ የተቃውሞ ድምጾች በስታዲየሙ ዙሪያ ሲሰሙ ነበር ምናልባትም የዓለም ሻምፒዮኖቹ በ ምርጥ 16 ደረጃ ከዩሮ 2020 በመውጣታቸው አሁንም ያልተደሰቱም ያሉ ይመስላል።