በምድብ ኢ በሩሲያ ውስጥ አርበኛው ተጫዋች ቤላሩስን ለማሸነፍ ልዩ ብቃት አሳይቷል። ቤላሩስ ከውድድሩ ውጪ ሲሆኑ ፣ ዌልሶች ለኳታር 2022 አለም ዋንጫ የማለፍ እድላቸው አስፍተዋል።
ዌልስ በካዛን ውስጥ ቤል በፍፁም ቅጣት ባስቆጠራት ግብ ጥሩ አጀማመር አሳይተዋል ፣ ነገር ግን ከዚያ በኋላ በደቂቃ ልዩነት ውስጥ በቪታሊ ሊሳኮቪች እና ፓቫል ሳድኮ በተቆጠርባቸው 2 አሰቃቂ ግቦች በ1 የግብ ልዩነት እየተመሩ ወደ መልበሻ ክፍል አምርተዋል ። ሳድኮ የተከላካዮች ድክመት ተጠቅሞ ግብ ከማስቆጠሩ በፊት ፣ ክሪስ ጉንተር እግር ከፍ አድርጎ ጥፋት በመፈፀሙ ፣ ላሳኮቪች ፍፁም ቅጣት ምት ማስቆጠር ችሏል።
ቤል 2 ኛውን ፍፁም ቅጣት ምት አስቆጥሮ ዌልስን በ 69 ደቂቃ አቻ ማድረግ የቻለ ሲሆን ፣ በተሰጠው 4 ተጨማሪ ደቂቃ ቤል በ3ኛው የባከነ ደቂቃ ዝቅ አድርጎ የመታውን ኳስ የቢላሩሱ ግብ ጠባቂ ሰርጌይ ቸርኒክ አልፎ ግብ አስቆጥሯል።
ዌልሶች በመክፈቻ ጨዋታ በምድብ መሪው ቤልጂየም ከተሸነፉ በኋላ ይህንን ጨዋታ ማሸነፍ ነበረባቸው። አቻ በቂ አይሆንም። የምድብ አሸናፊዎች ብቻ ብቁ ይሆናሉ እና የምድብ ኢ መሪዎች እና የዓለማችን ምርጡ ብሄራዊ ቡድን ቤልጄሞች እስካሁን ባደረጓቸው 4 ጨዋታዎች ምንም ሽንፈት አላስተናገዱም ፣ 2 ኛ ደረጃ ከያዘው ከቼክ ሪፐብሊክ እና አንድ ቀሪ ጨዋታ ይዘው በ3ኛ ደረጃ ከተቀመጡት ዌልሶች የተሻለ የማለፍ እድል አላቸው።
የሮበርት ፔጅ ቡድን ተቀናቃኞቻቸው ላይ ለመድረስ ሌላ 5 ጨዋታዎች አሏቸው። ረቡዕ በካርዲፍ ኢስቶኒያን ይገጥማሉ ነገር ግን ፣ የማጣርያ ውድድሩ ገና በሚጀመርበት ጊዜ ፣ ጨዋታዎቹ ከ 1958 በኋላ ለመጀመርያ ጊዜ ወደ ዓለም ዋንጫ ውድድር የሚጓዙበትን ይመስል ነበር። በእንደዚህ ዓይነት ፈታኝ ቡድን ውስጥ ሲመደቡ ፣ በጣም ከሚጠበቁ ቡድኖች ውስጥ ነበሩ። ነገር ግን በአለም የደረጃ ሰንጠረዝ በ89ኛው ደረጃ ላይ የተቀመጠውን ቡድን ካሸነፉ በኋላ ፣ አሁንም ቤልጅየም የመብለጥ ሂሳባዊ ዕድል አላቸው!
