Connect with us
Express news


Football

የዓለም ዋንጫ ማጣርያ ጨዋታዎች – ኔዘርላንድስ 6 – ቱርክ 1!

World Cup Qualifiers: Netherlands 6 – Turkey 1!
dailysabah.com

ሜምፊስ ዴፓይ ቱርክን በቀላሉ ባሸነፉበት ጨዋታ የመጀመሪያውን ዓለም አቀፍ ሃትሪክ ሰርቷል። ኔዘርላንድ አሁን ቱርክን በምድብ ጂ አናት ላይ በልጣለች።

ዴቪይ ክላሰን ለኔዘርላንድ በአንድ ደቂቃ ውስጥ የመጀመሪያውን ግብ አስቆጥሯል። ከዴፓይ ጋር በጥሩ ሁኔታ አንድ-ሁለት ተጫውቶ ወደ ፍፁም ቅጣት ቦታ ተጠግቶ የመታው ኳስ በሩቅ በኩል ካለው ማእዘን ውስጠኛው ክፍል ገጭቶ ወደ ቱርክ መረብ ውስጥ በእርጋታ ገብቷል።

በመቀጠልም ዴፓይ የምሽቱን የመጀመሪያ ግብ ከመረብ አሳርፏል። አሁንም ከክላሰን ጋር አንድ ሁለት ተጫውቶ ያስቆጠረ ሲሆን ለ ግብ አመቻች የነበረው ክላሰን ነው። እሱ በ አሪፍ ሁኔታ ያሻገረው ኳስ ለባርሴሎናው ተጫዋች ምቹ ነበር እናም በመጀመሪያ ጊዜ ምት ጎሉን አስቆጥሯል።

ክላይሰን በማይሆን ሁኔታ በሳጥኑ ውስጥ ከተጠለፈ በኋላ ዴፓይ ሁለተኛ ግቡን ከፍጹም ቅጣት ምት ቦታው የሚያምር ቺፕ በመምታት አስቆጠረ እና ሦስተኛውን ደግሞ ከቅርብ ርቀት በማስቆጠር 4-0 ማድረግ ችሏል።

globaltimes.cn

የባርሴሎናው አጥቂ ባለፉት 10 ጨዋታዎች 12 ግቦችን ለሀገሩ ማስቆጠር ችሏል ፣ ኔዘርላንድስ ሞንቴኔግሮ ላይ 4-0 ባሸነፈበት ጨዋታ ሁለት ጊዜ ግብ በማስቆጠር ትልቅ ሚና ተጫውቷል። ዴፓይ በ 2021 ለክለቡ እና ለሀገሩ 28 ግቦችን አስቆጥሮ 14 ለጎል የሚሆኑ ኳሶችን አመቻችቷል!

ጉስ ቲል ከዛ በቱርክ ግብ ውስጥ ኡኩርካን ካኪርን በብልሃት አልፎ 5 ሲያደርግ ፣ ዶኔል ማለን መሬት ለመሬት 6ኛውን ግብ በማስቆጠር የኔዘርላንድን 4 ኛ ድል ማረጋገጥ ችሏል።

የሌስተር ሲቲው ተከላካይ ካግላር ሶዩንቹ በግማሽ አጋማሽ መጨረሻ ላይ ለሁለተኛ ጥፋት የቀይ ካርድ መመልከቱ ለኔዘርላንድ ጥሩ እድል ሰጠ። ሆኖም ሴንግዝ ኡንደር በጨዋታው መጨረሻ ላይ በተጨማሪ ሰዓት ለቱርክ የማጽናኛ ግብ አስቆጥሯል።

todaynationnews.com

ኔዘርላንድስ በምድብ ጂ አናት ላይ ከኖርዌይ ጋር በ 13 ነጥብ በጋራ ቢቀመጡም ምድቡን በከፍተኛ የግብ ልዩነት ይመራሉ። ከዚህ አስከፊ ጨዋታ በኋላ ቱርክ በ 11 ነጥቦች በምድቡ ወደ 3 ኛ ደረጃ ዝቅ ብላለች። ለኳታር የማለፍ እድልን ለማግኘት አጨዋወታቸውን ማሻሻል አለባቸው። ቱርክ ጥቅምት 8 ቀን ከኖርዌይ ጋር ትገናኛለች። በዚያ ጨዋታ ማሸነፍ አሁን ለሁለቱም ቡድኖች ወሳኝ ይመስላል።

Click to comment

Leave a Reply

Your email address will not be published. Required fields are marked *

Must See

More in Football