Connect with us
Express news


Football

የአለም ዋንጫ ማጣሪያ: ሜሲ ቦሌቪያ ላይ በሰራው ሃትሪክ የፔሌን ሪከርድ አሻሽሏል!

World Cup Qualifiers: Messi Overtakes Pele with a Hat-trick against Bolivia!
livefutbolbolivia.com

ሊዮኔል ሜሲ ፣ ለረዥም ጊዜ በፔሌ ተይዞ የነበረውን በደቡብ አሜሪካዊ ተጫዋች የተቆጠሩ ከፍተኛ ኢንተርናሽናል ግቦች ሪከርድ  ሰብሯል። አርጀንቲናዊው ተጫዋች ቦሊቪያን 3-0 ባሸነፉበት ጨዋታ ሁሉንም የማሸነፊያ ግቦች አስቆጥሯል።

ሊዮኔል ሜሲ በቦኔቪስ አይሪስ ቦሊቪያን 3-0 ባሸነፉበት ጨዋታ ሁሉንም የማሸነፊያ ግቦች አስቆጥሯል። ግቦቹ በ 153 ጨዋታዎች ውስጥ ለአርጀንቲና አጠቃላይ ያስቆጠራቸው ግቦች ወደ 79 ከፍ እንዲል አድርገዋል። ብራዚላዊው ምርጥ ተጫዋች ፔሌ 92 ጨዋታዎችን አድርጎ 77 ኢንተርናሽናል ግቦችን በማስቆጠር የእግር ኳስ ህይወቱን አጠናቋል።

የሜሲ 1 ኛ ግብ በ 14 ኛው ደቂቃ ላይ ተቆጥራለች። ድንቅ መታጠፍ እና ከሳጥኑ ውጪ የተተኮሰ ኳስ ከፔሌ ጋር እኩል እንዲሆን አስችሎታል። ፣ የ 34 ዓመቱ ተጫዋች ወደ ተከላካይ የመታትን ኳስ ተመልሳ እግሩ ስር በመግባትዋ ሪከርድ መስበር ያስቻለችው 2 ኛ ግቡ ከቅርብ ርቀት በቀላሉ ማስቆጠር ችሏል። ከዚያም ጨዋታው ከመጠናቀቁ ከ2 ደቂቃዎች በፊት በረኛ የተፋውን ኳስ በማስቆጠር ሃትሪክ ሰርቷል።

sportstar.thehindu.com

ከጨዋታው በኋላ የአርጀንቲናው ካፒቴን ሜሲ እና ባልደረቦቹ የኮፓ አሜሪካ ዋንጫ ይዘው በ 20 ሺህ ደጋፊዎቻቸው ፊት በሞንመንታል ስታዲየም ደስታቸውን ገልፀዋል። ባለፈው ሐምሌ መጨረሻ ብራዚልን በማሸነፍ በዓለም አቀፍ እግር ኳስ ውስጥ የመጀመርያ ትልቅ ዋንጫ አሳክቷል።

sportsdesk.com.mt

ሜሲ ከጨዋታው በኋላ ከቡድን አጋሩ ዋንጫ ይዘው በኢንስታግራም ባጋራው ስዕል “እኔ ስለእዚህ ቀን ብዙ ጊዜ ሳልም ነበር እና ለእግዚአብሔር ምስጋና ይግባው እና ሕልሜ እውን ሆኗል” ብሏል።

የሜሲ የ 29 ዓመቱ የፓሪስ ሴንት ጀርሜይን የቡድን አጋሩ ኔይማር በብራዚል 113 ጨዋታዎች አድርጎ 69 ግቦችን አስቆጥሯል። ከሜሲ 5 አመት ያነሰ መሆኑን ከግምት በማስገባት ኔይማር ወደፊት አርጀንቲናዊውን የመብለጥ ተስፋ ሊኖረው ይችላል። ሆኖም ማርታ ፣ ለብራዚል የሴቶች እግር ኳስ ቡድን 109 ጊዜ ኳስ ከመረብ ጋር በማገናኘት ፣ በደቡብ አሜሪካዊ ተጫዋች የተቆጠሩ ከፍተኛ ኢንተርናሽናል ግቦች ሪከርድ ይዛለች።

አርጀንቲናዎች በደቡብ አሜሪካ የዓለም ዋንጫ ማጣሪያ 5 ጨዋታዎችን አሸንፈው እና 3 ጨዋታዎችን በአቻ ውጤት ካጠናቀቁ በኋላ ብራዚልን ተከትለው በደረጃ ሰንጠረዡ 2 ኛ ላይ ተቀምጠዋል።

Click to comment

Leave a Reply

Your email address will not be published.

Must See

More in Football