ሞሃመድ ሳላህ 100 ኛ የፕሪሚየር ሊግ ግቡን አስቆጥሯል። የሊድስ ዩናይትዱ ፓስካል ስትሩይክ በ60ኛው ደቂቃ በቀይ ካርድ ከሜዳ ተሰናብቷል።
ሞሃመድ ሳላህ በኢንግሊዝ ከፍተኛ ጉዞ 100 ኛ ግቡ አስቆጥሮ ሊድስ ባሸነፉበት ጨዋታ ፣ ሊቨርፑሎች በእንግሊዝ ፕሪሚየር ሊግ (ኢ.ፒ.ኤል.) የደረጃ ሰንጠረዝ አናት ላይ ካሉ ቡድኖች መካከል እንዲሆኑ አስችሏቸዋል።
እንደ አለመታደል ሆኖ ፣ ፓስካል ስትሩይክ አደገኛ በሆነ ታክል ፣ በታዳጊው አማካይ ሃርቪ ኤሊዮት የቁርጭምጭሚት መሰንጠቅ ጉዳት ስላደረሰበት ጨዋታው ደብዝዟል ፣ በመጨረሻም የሊድስ ተከላካይ በቀይ ካርድ ከሜዳ ተሰናብቷል።
ሊቨርፑሎች በዛን ጊዜ ጨዋታውን ሙሉ ለ ሙሉ ተቆጣጥረው ነበር። ግብፃዊው የፊት መስመር አጥቂ ሳላህ ፣ ከትሬንት አሌክሳንደር አርኖልድ የተሻማለትን ኳስ ወደ ግብ በመቀየር ፣ ሊቨርፑሎች በ 20 ኛው ደቂቃ መምራት ያስቻላቸው ሲሆን ለራሱ ደግሞ 100 ኛ የኢ.ፒ.ኤል ግቡ ሆኖ ተመዝግቧል!
ፋቢንሆ ሁለተኛው አጋማሽ ከተጀመረ ከ5 ደቂቃዎች በኋላ ከመአዝን ምት ከተገኘው ኳስ 2 ኛውን ግብ አስቆጥሯል። ኳሱ ከሊድስ ተከላካዮች ጋር ሲጋጭ በሳጥኑ ውስጥ በጣም ነቅቶ ሲጠብቅ ነበር።
ሳዲዮ ማኔ በጨዋታው ውስጥ ብዙ ዕድሎችን አምክኗል ፣ በተለይም ያገኘውን ክፍት ግብ የማስቆጠር እድል አልተጠቀመበትም፣ ነገር ግን በሁለተኛው አጋማች በባከነ ሰአት ላይ በሚያስደንቅ ሁኔታ ኳሱን ወደ ቀኝ እግሩ በማዞር ወደ ታችኛው ጥግ በመምታት ግብ አስቆጥሯል።
ሊድስ እንዲሁ አንዳንድ ጥሩ ዕድሎችን አግኝቷል ፣ ሮድሪጎ ውጤቱ 0-0 በነበረበት ጊዜ በቀጥታ ወደ አሊሰን የመታውን ኳስ ከእድሎቹ መካከል ምርጡ ነበር። ሆኖም ሊድሶች አንድ ተጫዋች በቀይ ካርድ በማጣታቸው በቀሪዉ 30 ደቂቃ ውስጥ አስፈላጊዉን ጫና መፍጠር አልቻሉም። ከ 1958-59 በኋላ ለመጀመርያ ጊዜ በአንድ የውድድር ዘመን የመጀመሪያዎቹን 4 የከፍተኛ ደረጃ ጨዋታቸው ውስጥ አንድም ጨዋታ ማሸነፍ አልቻሉም።
የዮርክሻየር ቡድን አሁን በመሃል ተከላካያቸውን ጉዳት ምክንያት የሚደርሳቸውን ጫና መቋቋም አለባቸው ፣ አሁን ስቱዊክ ታግዷል እና ዲዬጎ ሎሬንቴ በመጀመሪያዎቹ 45 ደቂቃዎች ውስጥ ተጎድቶ ሮቢን ኮችንም ተቀላቅሏል ፣ እሱም በጉዳት ከሜዳ ርቆ ቆይቷል።
ውጤቱም ሊቨርፑሎች በኢ.ፒ.ኤል የደረጃ ሰንጠረዥ ወደ 3 ኛ ከፍ እንዲሉ ሲያደርግ ሊድስ ወደ 17 ኛ ዝቅ ብሏል።
