Connect with us
Express news


Football

ሪያል ማድሪድ በሜዳው ሴልታ ቪጎ ላይ 5 አስቆጠረ!

Real Madrid Put 5 Past Celta Vigo at Home!
https://www.managingmadrid.com/

ቤንዜማ ሃትሪክ ሰርቷል። ኤድዋርዶ ካማቪንጋም በመጀመሪያ ጨዋታው ተቀይሮ በገባ በ 6 ደቂቃ ውስጥ አስቆጥሯል!

በ 560 ቀናት ውስጥ በበርናባው በመጀመሪያ ጨዋታቸው ፣ካሪም ቤንዜማ የላሊጋ ሀትሪክ ሲሰራ ሪያል ማድሪድ ሴልታ ቪጎን ሁለት ጊዜ ከመመራት ተነስቶ አሸንፏል።

ሴልታ ቪጎ ከመክፈቻ 3 ጨዋታዎች 1 ነጥብ ብቻ ማግኘት ችለዋል ፣ ነገር ግን ግብ ለማስቆጠር ሳንቲ ሚና 4 ደቂቃ ብቻ ፈጅቶበታል። በማድሪዱ ግብ ጠባቂ ቲባው ኩሩቱዋና በተከላካዩ ናቾ መካከል የተፈጠረውን አለመግባባት ተጠቅሞ በተከላካዩ እግሮች መካከል ወደ ጎል የመታው ኳስ ግብ ጠባቂው ሙሉ በሙሉ በመሸፈኑ ግብ ሊሆን ችሏል።

ቤኔዜማ ፣ ፌደሪኮ ቫልቨርዴን ወደ ሴልታ ቪጎ የፍፁም ቅጣት ምት ክልል ያሻገረውን ኳስ ወደ ላይኛው ጥግ በመቀርቀር 1 ለ 1 እንዲሆኑ አድርጓል።

managingmadrid.com

እንግዶቹ በመልሶ ማጥቃት ላይ አደገኛ ይመስሉ ነበር እናም በፍራንኮ ሴርቪ አማካኝነት ቀጥለው ያስቆጠሩት እነሱ ነበሩ ፤ በተረከዙ የመታው ኳስ ማእዘኑን ገጭቶ ከተመለሰ በኋላ በቀላሉ በማስቆጠር ውጤቱን 1-2 አደረገው።

በመቀጠልም የቤንዜማ ተራ ነበር ፣ ሚጌል ጉተሬዝ ለማድሪዱ አጥቂ በአሪፉ ያሻገረለትን ኳስ በጭንቅላቱ ሲያስቆጥር ውጤቱ 2-2 ሆነ።

ቤንዜማ ውጤቱን 3-2 ለማድረግ ወደ አመጫችነት ተቀይሮ በ 52ኛው ደቂቃ ለቪኒሺየስ ጁኒየር የሰነጠቀለትን ኳስ በመጀመሪያ ምት በእርጋታ ወደ ጥግ ግብ ጠባቂው አስቁሞ አስቆጠረው።

ታዳጊው ኤድዋርዶ ካማቪንጋ ከተቀያሪ ወንበር ተነስቶ ለሪያል የመጀመሪያ ጨዋታውን በጀመረ በ6 ደቂቃ ውስጥ አስቆጥሯል። ሉካ ሞድሪች እየገፋ ወደ ፍፁም ቅጣት ምት ሳጥን ውስጥ ገብቶ ወደ ግብ የመታው ኳስ ወደ ካማቪንጋ ተመለሰ ፣እሱ ከቅርብ ርቀት በቀላሉ በማስቆጠር ውጤቱን 4-2 አድርጎታል።

topmercato.com

ከዚያም ቤንዜማ ፣ ቪኒሺየስ ጁኒየር በሳጥን ውስጥ በተሰራበት ጥፋት በ 87 ኛው ደቂቃ የፍፁም ቅጣት ምት ሀትሪክ መስራት ችሏል።

ድሉ የካርሎ አንቸሎቲ ሪያል ፣ ከቫሌንሲያ እና ከአትሌቲኮ ማድሪድ ጋር በእኩል ነጥብ ግን ባስቆጠሯቸው ግቦች በልጦ ወደ ላሊጋው የደረጃ ሰንጠረዥ አናት ከፍ እንዲል ያደርገዋል። ሴልታ ቪጎ አሁን በ 18 ኛ ደረጃ ላይ ሲሆን በወራጅ ቀጠና ውስጥ ካሉ ሌሎች ቡድኖች 1 ጨዋታ የበለጠ ተጫውቷል።

Click to comment

Leave a Reply

Your email address will not be published.

Must See

More in Football