ያንግ ቦይሶች ትልቁን ቡድን አሸነፉ!

የስዊዘርላንዱ ያንግ ቦይስ በሜዳው በመጨረሻ ደቂቃ ባስቆጠሩት ግብ ማንችስተር ዩናይትድን 2 ለ 1 አሸንፈዋል። ክርስቲያኖ ሮናልዶ ግብ አስቆጥሯል ነገር ግን የስዊስ ሻምፒዮኖች ለማሸነፍ በቂ አልነበረም!

ምንም እንኳን ክርስቲያኖ ሮናልዶ በሻምፒዮንስ ሊጉ (ዩ.ሲ.ኤል.) ለቀይ ሰይጣኖቹ ግብ ማስቆጠር ቢችልም ፣ በምድብ ኤፍ በአስደናቂ ሁኔታ በ95 ኛው ደቂቃ በተቆጠረባቸው ግብ በያንግ ቦይስን ተሸንፈዋል።

ሮናልዶ በምሽቱ 177 የዩ.ሲ.ኤል. ጨዋታዉን በማድረግ ከ ኢከር ካሲያስ እኩል የምንጊዜም ከፍተኛ ተሰላፊ መሆን ችሏል። ከፖርቹጋላዊው ብሩኖ ፈርናንዴዝ በድንቅ ሁኔታ የተሻማላትን ኳስ በመረብ ላይ በማሳረፍ ዩናይትድን መሪነቱን እንዲይዙ አድርጓል። ሮናልዶ ወደ ግብ የመታውን ኳስ ዴቪድ ቮን ቦልሞስ በያንግ ቦይስ የግብ መስመር ላይ በእግሩ ለማዳን ቢሞክርም ኳሱ መስመሩን ለማለፍ በቂ ኃይል ነበረው።

አሮን ዋን ቢሳካ በክሪስቶፈር ማርቲንስ እግር ላይ በፈፀመው አደገኛ ጥፋት ለእረፍት ከመውጣታቸው ከ10 ደቂቃዎች በፊት ተከላካዩ በቀጥታ ቀይ ካርድ ከሜዳ በመሰናበቱ ፣ ዩናይትድ ቀሪዉን 60 ደቂቃ በ10 ተጫዋቾች እንዲጨርስ ተገዷል።

ከዚያ ካሜሮናዊው ተጫዋች ሙሚ ንጋማሌው በ66 ደቂቃ ፣ ከሲልቫን ሄፍቲ የተሻማለትን ኳስ ወደ ግብ በመቀየር ውጤቱ 1-1 እንዲሆን አድርጓል።

ጆርዳን ሲባትቹ ፣ በ 95 ኛው ደቂቃ ጄሲ ሊንጋርድ ወደ ግብ ጠባቂ ኳስ ሲመልስ የሰራውን ስህተት ተጠቅሞ ለያንግ ቦይስ የማሸነፍያውን ግብ አስቆጥሮ ደጋፊዎቹን አስፈንጥዧል።

ከጨዋታው በኋላ ኦሌ ጉናር ሶልሻየር ዩናይትድ 2 ኢላማውን የጠበቀ ሙከራ ብቻ ያስመዘገበበትን ጨዋታ ማጤን አለበት ፣ ይህ ከ2003-04 በኋላ በቻምፒዮንስ ሊጉ ዝቅተኛ ሪከርድ ነው።

ዩናይትድ የምድብ ኤፍ ጨዋታ ፣ ባለፈው የውድድር ዘመን የአውሮፓ ሊግ የፍፃሜ ጨዋታ ተፋላሚያቸው ቪላሪያልን በሚቀጥለው መስከረም 29 ያስተናግዳሉ። ከ 1 ጨዋታ በኋላ ያንግ ቦይሶች በደረጃ ሰንጠረዡ አናት ላይ ሲቀመጡ ዩናይትዶች መጨረሻ ላይ ተቀምጠዋል ። አትላንታ እና ቪላሪያል ትናንት በስፔን 2-2 ከተለያዩ በኋላ እያንዳንዳቸው 1 ነጥብ አላቸው።