Connect with us
Express news


EFL Cup

ማንችስተር ዩናይትድ ከካራባኦ ዋንጫ ውጭ ሆኗል!

Manchester United Are Out of The Carabao Cup!
theguardian.com

የማንችስተር ዩናይትድ ሁለተኛው ምርጥ 11 ተጫዋቾች በቲያትር ኦፍ ድሪምስ ውስጥ ድል ማሳካት አልቻሉም። በጨዋታው መጀመርያ ማኑዌል ላንዚኒ ባስቆጠራት ግብ ቀያይ ሰይጣኖቹ ከውድድሩ ውጪ ሆነዋል!

ዌስትሃም ዩናይትድ ፣ ማንቸስተር ዩናይትድን በኦልትራፎርድ አሸንፈው ከካራባኦ ዋንጫ ውጪ በማድረግ የእንግሊዝ ፕሪሚየር ሊግ ሽንፈታቸውን ተበቅለዋል።

የማኑዌል ላንዚኒ የ 9 ኛው ደቂቃ ግብ የውድድር ዘመኑ የመጀመርያ ግቡ ሲሆን ከግንቦት 2019 ጀምሮ 2 ኛ ግቡ ብቻ ነበር። ሆኖም የዴቪድ ሞይሱ ዌስትሀም በካራባኦ ዋንጫ ወደ ምርጥ 16 ለማሸጋገር እና የኦሌ ጉናር ሶልሻየር ማንችስተር ዩናይትድ ከውድድሩ ለማሰናበት በቂ ነበር!

skysports.com

የአንደኛ ቡድን ተሰላፊ የሆኑት ብሩኖ ፈርናንዴዝ እና ሜሰን ግሪንዉድ በ 2 ኛው አጋማሽ ከመቀመጫ ወንበር ተቀይረው ቢገቡም ፣ ሶልሻየር ከጨዋታው በፊት ቡድኑ ጥልቅ ስብስብ አለው ያለውን ንግግር በማጋለጥ ፣ ጨዋታውን መቀየር አልቻሉም።

የላንዚኒ ግብ ለዌስትሃም ድንቅ የጨዋታ አጀማመር ፍትሃዊ ሽልማት ነበር። ርያን ፍሬድሪክስ በአሌክስ ቴሌስና በጃዶን ሳንቾ መካከል በማለፍ ፣ ብቻውን የግብ ክልል ውስጥ ለነብረው ግብ አስቆጣሪው አርጄንቲናዊ ተጫዋች መሬት ለመረት ኳሱን አቀብሏል።

independent.co.uk

በመጨረሻዎቹ 5 ደቂቃዎች ውስጥ እንግዳው ቡድን 3 ወርቃማ ዕድሎችን አግኝተዋል ፣ ነገር ግን አንድሪ ያርሞለንኮ ፣ ማርክ ኖብል እና ጃሮድ ቦወን ሁሉንም ኳሶች ከዒላማ ውጭ የሆነ ሙከራ አድርገዋል። ነገር ግን በመጨረሻው ደቂቃ ስለሆነ ምንም ለውጥ የለውም።

እ.ኤ.አ. በ 2007 ካርሎስ ቴቬዝ በጨዋታው የማሸነፍ ግብ አስቆጥሮ በፕሪሚየር ሊጉ ውስጥ እንዲቆይ ካደረጋቸው እና ፓኦሎ ዲ ካኒዮ በ 2001 በኤፍ.ኤ. ዋንጫ ብቸኛ ግብ ካስቆጠረ በኋላ ይህ ለዌስትሃም በኦልትራፎርድ የመጀመርያቸው ድል ነበር።

ዌስትሃም በካራባኦ ዋንጫ ፣ ጥቅምት 25 ላይ ከማንቸስተር ሲቲ ጋር ይጫወታሉ። ያ ጨዋታ ለዌስትሃም የበለጠ ከባድ ሊሆን ይችላል። ሆኖም ጨዋታው በለንደን ስታዲየም የሚካሄድ በመሆኑ እና ሲቲ በታዳጊዎቹ መጫወቱን ከመቀጠሉ ጋር ተያይዞ የሞይስ ተጫዋቾች ግጥሚያዉን የማሸነፍ ተስፋ ይኖራቸዋል!

Click to comment

Leave a Reply

Your email address will not be published.

Must See

More in EFL Cup