Connect with us
Express news


Football

በዓለም ውስጥ 5 ትላልቅ የእግር ኳስ ስታዲየሞች!

5 Largest Football Stadiums in the World!
archdaily.com

ደጋፊዎችን ያስገረሙ በዓለም ላይ ያሉትን አምስት ትላልቆቹን የእግር ኳስ ስታዲየሞችን እንመለከታለን።

5: ኢስታዲዮ አዝቴካ ፣ ሜክሲኮ ሲቲ

insidethegames.com

በ 87,523 አቅም ፣ ኢስታዲዮ አዝቴካ በሜክሲኮ ትልቁ ስታዲየም ሲሆን በዓለም ላይ ካሉት ትልቆቹም አንዱ ነው። የወንበሮቹ አቀማመጥ ተጫዋቾችን ፣ ደጋፊዎቹ በላያቸው ላይ እንዳሉ ያህል እንዲሰማቸው ማድረጉ ስታዲየሙን በዓለም ላይ ካሉት እጅግ አስደናቂ ሜዳዎች አንዱ ያደርገዋል። “አዝቴካ” በአሜሪካ ፣ በሜክሲኮ እና በካናዳ በሚካሄደው የ 2026 የፊፋ የዓለም ዋንጫ ጨዋታዎችን ያስተናግዳል ተብሎ ታቅዷል።

4: ዌምብሌይ ስታዲየም ፣ ለንደን

wikipeadia.org

በ 90,000 አቅም – ዌምብሌ ስታዲየም የእንግሊዝ ብሄራዊ ስታዲየም ሲሆን የእንግሊዝ ብሄራዊ ቡድን ሁሉንም የሜዳውን ግጥሚያዎቹን የሚጫወትበት ቦታ ነው። በፖፑለስ እና ፎስተርስ እና ባልደረባዎች የተነደፈው ስታዲየሙ በለንደን ዙሪያ እንደ ምልክት ሆኖ የሚያገለግል 134 ሜትር ከፍታ ያለው የዌምብሌ ቅስት አለው! በዛሬው የአሜሪካ ዶላር ስታዲየሙ ለመገንባት 1.6 ቢሊዮን ዶላር ዶላር ፈጅቷል – “የተቀደሰ ሜዳ” ቢባል አያስገርምም!

3: ኤፍኤንቢ ስታዲየም ፣ ጆሃንስበርግ

populious.com

የደቡብ አፍሪካ ፕሪሚየር ሶከር ሊግ እንዲሁም የደቡብ አፍሪካ ብሔራዊ እግር ኳስ ቡድን ቁልፍ ጨዋታዎች የሚደረጉበት ይህ ስታዲየም 94,736 አቅም ያለው በመሆኑ በአፍሪካ ትልቁ ስታዲየም እና በዓለም ላይ ካሉ ታላላቅ ስታዲየሞች አንዱ ሆኗል። እንዲሁም በጣም በከባድ ዋጋ ነው የተሰራው ፣ በ 440 ሚሊዮን ዶላር። እ.ኤ.አ. በ 2010 የዓለም ዋንጫ ስታዲየሙ ታዋቂውን ‘ቩቩዜላ’ ፤ ደቡብ አፍሪካውያን ብሔራዊ ቡድናቸው ለመደገፍ ሲጠቀሙበት ያየንበት ሜዳ ነው።

2፡ ካምፕ ኑ ፣ ባርሴሎና

futboltour.com

በ 99,354 የመቀመጫ አቅም ፣ የባርሴሎና ሜዳ በስፔን ውስጥ እና በመላው አውሮፓ ውስጥ ትልቁ ስታዲየም ነው! በዚህ ስታዲየም የሚሰማው ድምጽ የማይታመን ነው ይባላል ፣ የሕዝቡ ጩኸት የእንግዳ ቡድን ተጫዋቾች ትኩረትን ያወዛግባል ። እ.ኤ.አ. በ 1989 እና በ 1999 ሁለት የአውሮፓ ዋንጫ/ሻምፒዮንስ ሊግ ፍፃሜዎችን ፣ ሁለት የአውሮፓ ዋንጫ አሸናፊዎች ዋንጫ ፍፃሜዎችን ፣ አምስት የዩኤፋ ሱፐር ካፕ ጨዋታዎችን ፣ አራት የኮፓ ዴል ሬይ ፍፃሜዎችን ፣ ሁለት የኮፓ ዴ ላሊጋ ፍፃሜዎችን እና ሀያ አንድ የሱፐርኮፓ ዴ እስፓኛ ፍጻሜ ጨዋታዎችን አስተናግዷል እና በ 1982 የፊፋ የዓለም ዋንጫ ላይ አምስት ግጥሚያዎችም እዚህ ተደርገዋል!

1: ግንቦት 1 ስታዲየም ፣ ሰሜን ኮሪያ

youtube.com

ሰሜን ኮሪያ “የሄርሚት ሀገር” በመባል ብትታወቅም ብሔራዊ ስታዲየሙ ግን የሚያስደምም መሆኑ አያጠራጥርም!  114,000 ሰዎችን የመያዝ አቅም አለው – የአንድ ትንሽ ሀገር ህዝብ ማለት ነው – ሰሜን ኮሪያ ለዓለም ጠንካራ ምስል ለማሳየት በምታደርገው ሙከራ ዋና ጌጡ ነው። ስታዲየሙ ለስፖርት ዝግጅቶች ጥቅም ላይ የሚውል ቢሆንም ፣ ብዙ ጊዜ ግዙፍ ትርኢቶች ያሉበት እና ፕሬዝዳንት ኪም ኢል-ሱንግን እና የሰሜን ኮሪያን የሚያከብሩ ትዕይንቶች የሚደረጉበት ቦታ ነው።

ትልቁ በክፍያ እይታ የሚተላለፍ የነፃ ትግል ውድድርም በረንግራዶ ስታዲየም ሚያዝያ 28-29 ፣ 1995 “ፍልሚያ በኮሪያ” በሚል ርዕስ ተደርጓል። በዝግጅቱ ሁለተኛ ቀን የተገኙት ሰዎች 190,000 ይደርሱ ነበር! ይህ በእኛ መዛግብት በዓለም ታሪክ ውስጥ ለስፖርት ክስተት ትልቁ የታዳሚ ብዛት ነው!

Click to comment

Leave a Reply

Your email address will not be published.

Must See

More in Football