አርሰናል በኤምሬትስ ስፐርስን አሸነፈ!

ያሸነፉበት የ 3-1 ውጤትም ለመድፈኞቹ የሚገባ ነበር። ቶተንሃም እና ሃሪ ኬን አሁንም መጥፎ ነበሩ!

እጅግ በጣም አዝናኝ በሆነው በሰሜን ለንደን ደርቢ የአርሰናል ማንሰራራት ጠንክሮ ሲቀጥል ፣ የቶተንሃም ውድቀትም በኤሚሬትስ ስታዲየም ቀጥሏል። መድፈኞቹ ከ 3 ጨዋታዎች በኋላ በደረጃ ሰንጠረዡ መጨረሻ ነበሩ ፣ ስፐርሶች ደግሞ በአዲሱ አሰልጣኝ ኑኖ እስፒሪቶ ሳንቶ ስር አንደኛ ደረጃ ላይ ተቀምጠው ነበር። ነገሮች ግን ከዛ በኋላ በጣም ተለውጠዋል ፣ በጣም ጥሩ ብቃት ያሳየው አርሰናል በአስደናቂ የመጀመርያው አጋማሽ እንቅስቃሴ ተፎካካሪዎቻቸውን በቀላሉ አፈራርሰዋል!

ኢሜል ስሚዝ-ሮው ከቡካዮ ሳካ የተሻገረለትን ኳስ በ 12ኛው ደቂቃ ማንም ሳይዘው ወደ ሳጥኑ በመግባት ለአርሰናል የመጀመሪያውን አስቆጠረ። ፒየር-ኤምሪክ ኦባሜያንግ በመጀመኢአው አጋማሽ 2 ኛውን ሲያስቆጥር ስሚዝ-ሮው አቀባይ ሆነ። በጋቦናዊው አጥቂ የተቆጠረው ግብ ከጥሩ መልሶ ማጥቃት የተገኘ ነበር።

ስፐርስ ተስፋ የሌለው አጨዋወት እያሳየ ነበር እና ከ 34 ደቂቃዎች በኋላ የአርሰናል ሦስተኛ ግብ ይህንን የሚያረጋግጥ ነበር። በስፐርስ ማትቃት ሂደት ላይ ሃሪ ኬን በኳሱ ላይ ወደቀ ከዚያም ሁኔታውን ለማዳን ሲሞክር በሳካ ላይ ሁለት ታክሎችን ሳተ። ኳሱ የቶተንሃሙ ተጫዋች ተስፋ ቆርጦ በፍፁም ቅጣት ምት ሳጥን ውስጥ ታክል ከገባ በኋላ ተገጫችቶ ሳካ ተመቻችቶ አገኘው ፣ እሱም በተረጋጋ አጨራረስ ሶስተኛ ግብ ጨመረ።

በማይገርም ሁኔታ ስፐርስ ከእረፍት በኋላ ተሻሽሏል። ኬን የአርሰናልን ግብ ጠባቂ አሮን ራምስዴል ጥሩ ሙከራ እንዲያድን አስደረገ ከዛም ጥሩ ዕድል አግኝቶ አበላሽቷል። ሶን ሂውንግ ሚን በ 79ኛው ደቂቃ የማጽናኛ ግብ ብቻ የሚሆነውን አስቆጥሮ ውጤቱን 3-1 ማድረግ ችሏል።

ራምስዴል ሌላ አስደናቂ ኳስ መልሶ የሚኬል አርቴታን ቡድን ከዘገየ ጭንቀት አድኗል። የሉካስ ሙራን ሙከራ ወደ ማእዘኑ መልሶ አውጥቶ የሚኬል አርቴታ ቡድን በጣም የሚገባውን ድል አግኝቷል።

ውጤቱም ስፐርስ በ 9 ነጥብ በ ኢፒኤል ሰንጠረዥ ወደ 11 ኛ ደረጃ ዝቅ አድርጎታል።አርሰናል ባስቆጠሯቸው ግቦች የሰሜን ለንደን ተቀናቃኞቹን በልጦ ወደ 10 ኛ ከፍ ብሏል።