ፓሪስ ሴንት ጀርሜን በአስደናቂው የሻምፒዮንስ ሊግ የምድብ ጨዋታ ማንችስተር ሲቲን 2 ለ 0 ባሸነፉበት ጨዋታ ሊዮኔል ሜሲ የመጀመሪያ ግቡ በሚያስገርም ሁኔታ አስቆጥሯል።
ሜሲ ፣ ከባርሴሎና ከለቀቀ በኋላ ለፒኤስጂ በአራተኛው ጨዋታ ላይ ፣ ከኬሊያን ምባፔ ጋር አንድ ሁለት ከተጫወቱ በኋላ የሲቲው ግብ ጠባቂ ኤደርሰን አፍዝዞ ከ 20 ያርድ ርቀት በሚያስገርም ሁኔታ ፣ የመጀመሪያውን ግብ አግኝቷል።
አርጀንቲናዊው ለባርሳ ባስቆጠራቸው 672 ግቦች ላይ ለፒ.ኤስ.ጂ. አንድ ግብ ሲጨምር ፣ በፓርክ ዴ ፕሪንሰስ የሚሰማው ጩኸት ከፍተኛ ነበር።
ሜሲ ግብ ከማስቆጠሩ በፊት ኢድሪሳ ጉዬ ወደ ላይኛው የግቡ ጥግ ግሩም ኳስ በመምታት የፈረንሣዩ ቡድን መሪነቱን እንዲይዝ አድርጓል።
በእነዚያ ግቦች መካከል ሲቲ ብዙ ዕድሎችን አግኝቷል ፣ የራሂም ስተርሊንግ የጭንቅላት ኳስ የግቡ አግዳሚ ሲመታ በርናርዶ ሲልቫ ደግሞ አግዳሚውን ገጭቶ የተመለሰው ኳስ በባዶ መረብ ላይ ማስቆጠር እየቻለ ወደ ግቡ አግዳሚ ልኮታል። በተጨማሪም ሰባት ኢላማቸው የጠበቁ ሙከራዎች ቢያደረጉም የፒ.ኤስ.ጂ. ግብ ጠባቂ ጂያንሉጂ ዶናሩማን ማሸነፍ አልቻሉም።
ሲቲ በጨዋታው ውስጥ በርካታ የግብ እድሎች ቢፈጥሩም የአቻነት ግብ ማስቆጠር አልቻሉም ፣ እና ምትሃተኛው ሜሲ በሁለተኛው አጋማሽ ግብ አስቆጥሮ የፒ.ኤስ.ጂ. ድል አረጋግጧል።ማህሬዝ እና ስተርሊንግ በግቡ ሳጥን ውስጥ ጃሱስ የሚያሳየው አካላዊ እና አእምሮአዊ ተፅዕኖ ይፈጣራሉ ተብሎ አይጠበቅም። ጃሱስ ተቀይሮ ወደ ሜዳ ቢገባም ምንም አይነት ለውጥ ማምጣት አልቻለም።
አስተያየት ሰጪዎች ከጨዋታው በኋላ በ ማህበራዊ ሚዲያ በአንድ ፅሁፍ ሜሲን እንዲህ ብለው አድንቀዉት ነበር ፣ “ምርጥ ተጫዋቾች በትልቅ ጨዋታ ውስጥ ምርጥ አቋማቸውን ያሳያሉ ፣ እናም ሌዮኔል ሜሲ ዛሬ ማታ ያደረገው ይህንን ነው።”
ክለብ ብሩጅ ሌፕዚግን ካሸነፈ በኋላ ፣ ከ ፒ.ኤስ.ጂ. ጋር ሲቲን በልጠው በደረጃ ሰንጠረዡ አናት ላይ ተቀምጠዋል።
