Connect with us
Express news


Football

ብሬንትፎርድ ከሜዳቸው ውጪ ዌስትሃምን በማሸነፍ በጥሩ አቋማቸው ቀጥለዋል!

Brentford’s Rise Continues As They Beat West Ham Away From Home
https://www.theguardian.com/

ብሬንትፎርድ እሁድ በዌስትሃም ላይ ሌላ ትልቅ ትዕይንት አሳይተው በላይኛው የእንግሊዝ ፕሪሚየር ሊግ (ኢ.ፒ.ኤል.) የደረጃ ሰንጠረዥ ላይ ተቀምጠዋል።

ዌስትሃም በምስራቅ ለንደን በሚገኘው ኦሎምፒክ ስታዲየም የኢ.ፒ.ኤል ጀማሪዎች ብሬንትፎርድ አስተናግደዋል ነገር ግን ከጨዋታው ምንም ነጥብ ሳይዙ ይወጣሉ ብለው አልጠበቁም ነበር። ብሬንትፎርድ በፕሪሚየር ሊጉ ውስጥ አዲሱ ቡድን ሊሆን ይችላል ፣ ነገር ግን ለፕሪሚየር ሊጉ እንደሚመጥኑ ከወዲሁ አሳይተውናል። ንቦቹ አርሰናልን እና ወልቨርሃምፕተን ያሸነፉ ሲሆን በመጨረሻ ጨዋታቸው ከሊቨርፑል ጋር 3-3 አቻ ተለያይተዋል።

ሁለቱም ቡድኖች ፈጣን እግር ኳስ ተጫውተው ተመልካቾቹ በጉጉት እንዲመለከቱ እና በእግራቸው እንዲቆዩ አድርጓቸዋል። ውጤቱ በሁለቱም በኩል ሊቀያየር ይችላል። ብሬንትፎድ በ 3ኛው ደቂቃ ውስጥ የግቡ መአዝን ጥንካሬን የሚፈትን የግብ ሙከራ በ ብራያን ምቤሞ በማድረግ የተሻለ አጀማመር አሳይተዋል። ከአንድ ደቂቃ በኋላም ሌላ ዕድል ነበረው ፣ ነገር ግን የግቡ የግራ መአዝን በጭንቅላቱ ለጥቂት ነበር የሳተው።

https://isport.blesk.cz/

በ 20 ኛው ደቂቃ ላይ ምቤሞ ተጋጭቶ የተመለሰውን ኳስ ማስቆጠር ችሏል። የዌስትሃም ግብ ጠባቂ ፋቢያንኪ ሊያድነው ተቃርቦ ነበር ፣ ነገር ግን በእጆቹ ኳሱን ሲይዘው ቀድሞውኑ የግብ-መስመሩን አልፎ ነበር።

የዌስትሃሙ የክንፍ ተጫዋች ጃሮድ ቦወን ከማዕዘን ምት የተሻማዉን ኳስ በ 80ኛው ደቂቃ በማስቆጠር አቻ ማድረግ ችሏል። የብሬንትፎርድ ግብ ጠባቂ ራያ ኋይለኛ እና ዝቅተኛ ምቱ በቀጥታ ወደ መረብ ውስጥ ሲገባ ምንም ማድረግ ባለመቻሉ ቆሞ አይቶታል።

መዶሻዎቹ የ 1-1 አቻ ውጤቱ ማስጠበቅ አልቻሉም ፣ የብሬንትፎርድ የክንፍ ተጫዋች ዮኔ ዊሳ ፣ ከ 14 ደቂቃ በፊት ልክ ቦውን እንዳደረገው ፣ ከማዕዘን ምት የተሻማለት ኳስ ከመረብ ጋር አገናኝቷል። በመጨረሻም ውጤቱ በብሬንትፎርድ 2-1 አሸናፍነት ተጠናቅቋል።

ብሬንትፎርድ አሁን 12 ነጥብ ይዞ በ ኢፒኤል 7 ኛ ደረጃን ሲይዝ ዌስትሃም በ አንድ ነጥብ ብቻ ዝቅ ብሎ 9 ኛ ደረጃ ላይ ተቀምጧል። የቶማስ ፍራንክ ንቦች አስደናቂ ጉዞዉን መቀጠል ይችላሉ? ዓለም አቀፍ ዕረፍቱ ካለቀ በኋላ የምናየው ይሆናል። በጥቅምት 16 ዋንጫዉን የማንሳት ትልቅ ግምት የተሰጠው እና የአሁኑ የኢ.ፒ.ኤል. መሪ ቼልሲን ይገጥማሉ።

Click to comment

Leave a Reply

Your email address will not be published. Required fields are marked *

Must See

More in Football