Connect with us
Express news


Football

ክሪስታል ፓላስ እና ሌስተር ሲቲ አራት ግብ በተቆጠረበት ጨዋታ ነጥቦችን ተጋርተዋል!

Crystal Palace and Leicester City Share the Points and Four Goals!
fosseposse.sbnation.com

በሴልሃርስት ፓርክ ሌሴስተር ሲቲዎች ሁለት ግቦችን አስቆጥረው መምራት ቢችሉም ክሪስታል ፓላሶች ባደረጉት ከፍተኛ ጥረት 2-2 በሆነ አቻ ውጤት መለያየት ችለዋል!

የሌስተር ሲቲ አለቃ ብሬንዳን ሮጀርስ ከክሪስታል ፓላስ ጋር 2 ለ 2 በሆነ አቻ ውጤት ከተለያዩ በኃላ ፣ ቡድናቸው ይህንን ደካማ አጀማመራቸው አሻሽለው በውድድር ዘመኑ ለውጥ ሊያመጣ እንደሚችል ተስፋ አድርጓል።

በ ሴልሁርስት ፓርክ ላይ ቀበሮዎቹ የ ሁለት ግብ መሪነትን አባክነዋል ፣ ክሪስታል ፓላስም ከመመራት ተነስተው አንድ ነጥብ ይዘው መውጣት ችለዋል። ውጤቱም ከ 7 የእንግሊዝ ፕሪሚየር ሊግ (ኢ.ፒ.ኤል.) ጫወታዎችን 8 ነጥብ ብቻ እንዲሰበስቡ አስችላችዋል።

የ 48 ዓመቱ የሌስተር አሰልጣኝ “የምንችለው ሁሉ እያደረግን ነው ነገር ግን በእኛ ደረጃ ልክ እየተጫወትን አደለም” ብሏል።

ሌስተር ባለፉት ሁለት የውድድት ዘመናት (567 ቀናት) ከማንኛውም ቡድን በበለጠ በኢ.ፒ.ኤል. ምርጥ አራት ላይ ተቀምጠዋል ነገር ግን በሁለቱም የውድድር ዘመናት የመጨረሻ የሊጉ ጨዋታ ላይ ከ ቻምፒዮንስ ሊጉ ውጪ ሆነዋል። በቅርቡ ዓመታት ከምርጥ አራት ከመውረዳቸው በፊት ጥሩ አጀማመር አሳይተዋል እናም ሮጀርስ ይህን የውድደር ዘመን የተለየ እንደሚሆን ተስፋ አድርጓል።

ይህ የውድድር ዘመን ካለፉት ሁለት ጋር ሲወዳደር የተለየ ነው። ይህ ምናልባትም የውድድር ዘመኑን ሁለተኛ አጋማሽ ላይ ወደ ቻምፒዮንስ ሊጉ የምንገነባበት ሊሆን ይችላል ብለን ተስፋ እናደርጋለን ብሏል።

የብራንድዳን ሮጀርስ ቡድን ግብ ማስቆጠር የጀመረው ናይጄሪያዊው አጥቂ ኬሌቺ ኢሄናቾ የፓላሱ ተከላካይ ጆኪም አንደርሰን በሰራው ስህተት ተጠቅሞ በ 31 ደቂቃ ላይ በቪንቴኔ ጉዋይታን ከመረብ አሳርፏል።

ጄሚ ቫርዲ ከስድስት ደቂቃዎች በኋላ ሁለተኛውን ግብ አክሏል። ኳሱን ከሃርቬይ ባርኔስ በባለሜዳው ቡድን የግብ ክልል ውስጥ ተቀብሎ በቀኝ እግሩ በግሩም አጨራረስ አስቆጥሯል።

fosseposse.sbnation.com

በሁለተኛው አጋማሽ መጀመሪያ ላይ አድሬ አየውን ተክቶ የገባው ፣ የ 19 ዓመቱ ማይክል ኦሊዝ በ 61ኛው ደቂቃ ከታይሪክ ሚቼል የተሻማለትን ኳስ በመጀመሪያ ጥረት አልተሳካለትም ነበር ፣ ሆኖም ገጭቶ የተመለሰውን ኳስ በግሩም ሁኔታ በማስቆጠር የፓላሶች የመጀመርያ ግብ አስገኝቷል።

የቀድሞው የሌስተር ተጫዋች ጄፍሪ ሽሉፕ ከተቀያሪ ወንበር ከገባ ከ 48 ሰከንዶች በኋላ የአቻነት ግብ አስቆጥሯል። ጋናዊው በሁለተኛው የኳስ ንክኪው በጭንቅላቱ ገጭቶ በ 72 ደቂቃ ላይ ሽመይክል ላይ በማስቆጠር ውጤቱን 2-2 ማድረግ ችሏል።

skysports.com

ከውጤቱ በኋላ ፓላሶች በአሰልጣኝ ፓትሪክ ቪዬራ ስር በሴልኸርስት ፓርክ ውስጥ ምን ሽንፈት ሳያስተናግዱ ይቀጥላሉ። ፈረንሳዊው አሰልጣኝ በመጀመሪያዎቹ 4 የፕሪሚየር ሊግ የቤት ውስጥ ጨዋታዎች ሽንፈትን ያስቀረው የመጀመሪያው የሌስተር አሰልጣኝ ነው!

ክሪስታል ፓላስ በ ኢ.ፒ.ኤል. የደረጃ ሰንጠረዥ በ 7 ነጥብ 14 ኛ ደረጃ ላይ ይገኛል። ሌስተር በ 8 ነጥብ በአንድ ደረጃ ከፍ ብለው ተቀምጠዋል።

Click to comment

Leave a Reply

Your email address will not be published. Required fields are marked *

Must See

More in Football