Connect with us
Express news


Football

ፈረንሳዮች ከመመራት ተነስተው በአስደናቂ ሁኔታ አሸነፉ!

France Produce a Stunning Comeback!
independent.co.uk

ሌስ ብሉዎቹ በቱሪን በአሊያንዝ ስታዲየም በሁለት ግብ ከመመራት ተነስተው ቤልጅየምን 3-2 አሸንፈዋል። ቴዎ ሄርናንዴዝ በ 90ኛው ደቂቃ የማሸነፊያዋ ግብ አስቆጥሯል!

ፈረንሳይ ፣ ቲዎ ሄርናንዴዝ በ 90 ኛው ደቂቃ ውስጥ አስደናቂ የማሸነፍያ ግብ አስቆጥሮ ፣ ከ 2-0 መመራት ተነስተው ቤልጂምን በማሸነፍ ወደ የብሔራዊ ሊግ የፍፃሜ ጨዋታ መድረስ ችለዋል።

የዲዲዬር ዴቻምፕስ ፈረንሣይ ፣ በመጀመርያው አጋማሽ በአራት ደቂቃዎች ውስጥ ሁለት ግቦችን ካስተናገዱ በኋላ የተሸነፉ ይመስል ነበር። ሆኖም ፣ አስገራሚው የሁለተኛ አጋማሽ አቋማቸው እሁድ በፍፃሜው ጨዋታ ከስፔን ጋር እንዲገናኙ አስችሏቸዋል።

የጨዋታው አጀማመር ለቤልጅየም ጥሩ ነበር። ያኒክኒክ ካራስኮ ከግራ በኩል ቆርጦ በመጨረስ ፣ በፈረንሳዩ ግብ ሁጎ ሎሪስን በአቅራቢያው ባለው የግቡ መአዝን በማስቆጠር በ 37 ደቂቃ ላይ መሪነቱን ወስደዋል።

ልክ ከአራት ደቂቃዎች በኋላ ሮሜሎ ሉካኩ ኬቨን ዲ ብሩይንን የተቀበለዉን ኳስ ከጠባብ አንግል በመነሳት በግቡ ጣሪያ ላይ በኃይለኛ ምት አስቆጥሮ ፣ የሮቤርቶ ማርቲኔዝ ቡድን 2-0 እንዲመራ አደረገው።

vbetnews.com

ካሪም ቤንዜማ በ60ኛው ደቂቃ ላይ ለፈረንሳይ አስቆጠረ። ከክይሊያን ምባፔን የተቀበለውን ኳስ በርካታ የቤልጂየም ተጫዋቾችን አታሏል። በመቀጠልም በቀኝ እግሩ በቤልጂየሙ ግብ ጠባቂ ቲቦል ኩርቱዊስ ላይ አስቆጥሯል።

ከዚያ ምባፔ ፣ ዮሪ ቲለማንስ በግቡ ሳጥን ውስጥ በአንቶኒ ግሪዝማን ላይ በሰራው ጥፋት የተገኘውን ፍፁም ቅጣት ምት በማስቆጠር ፈረንሳዮች አቻ እንዲሆኑ አድርጓል።

eurosport.com

ሉካኩ ጨዋታው ሊገባደድ ሶስት ደቂቃዎች ሲቀረው ግጥሚያዉን ያሸነፉ መስሎት ነበር። ከካራስኮ የተሻማዉን ዝቅተኛ ኳስ መረቡ ላይ አሳርፏል ፣ ነገር ግን ግቡ በ ቫር ሲታይ ከጨዋታ ውጭ ሆኖ ተገኝቷል።

የኤሲ ሚላኑ ተመላላሽ ሄርናንዴዝ ፈረንሣይ ጨዋታዉን አሸንፈው እንዲወጡ አድርጓል። በግቡ ሳጥን ጠርዝ ላይ የተቀበለውን ኳስ ወደ ጥግ በመምታት የቤልጀሞችን ልብ ሰብሯል። ግቡ ከተቆጠረ በኋላ ፈረንሣዮች በቱሪን አሊያንዝ ስታዲየም ውስጥ ደስታቸውን ገልፀዋል!

Click to comment

Leave a Reply

Your email address will not be published. Required fields are marked *

Must See

More in Football