Connect with us
Express news


Football

ጣሊያኖች በኔሽንስ ሊግ ሶስተኛ ደረጃ ይዘው አጠናቀቁ!

Italy Finish Third at Nations League!
acefootball.com

ትናንት ምሽት በቶሪኖ በተደረገው ፍልሚያ ከባላሬ እና ከራራዲ በተገኙት ሁለት አስደናቂ ግቦች ጣሊያኖች ቤልጂየምን 2 ለ 1 አሸነፉ። ከጥቂት ወራት በፊት ዩሮ 2020 ን ካሸነፉ በኋላ ይህ ሁለተኛው ትልቅ ስኬታቸው ነው።

ቤልጂየሞች ከባለፈው ጨዋታ ጋር ሲነጻጸር ፍጹም የተለየ ሶስት የአጥቂ መስመር ተጫዋቾች ይዘው ገብተዋል። ዴ ብሩይን ተቀያሪ ወንበር ላይ ሲቀመጥ ሮሜሉ ሉካኩ ተጎድቶ ነበር ፣ ኤደን ሃዛርድም ደግሞ ተቀያሪ ወንበር ላይም አልነበረ! በምትኩ ባትሹአይ ፣ ቫናከን እና ሳሌማከርስ ቦታዉን ወስደዋል። የጣሊያን አሰልጣኝ ሮቤርቶ ማንቺኒ በብድኑ ለውጥ ለማድረግ ወደ ኋላ አላሉም ፣ እናም ልክ እንደ የግማሽ ፍፃሜው ኮከብ ሎሬንዞ ኢንሲግኔ ፣ የባልንዶር እጩ ጆርጊንሆ በተቀያሪ ወንበር ተቀምጣል ፣ በስተመጨረሻም ከተቀያሪ ወንበር ተቀይረው ገብተዋል።

ቤልጂየም ከአዙሪዎች የበለጠ ኳሱን ይዘው መጫወት ችለዋል ፣ ነገር ግን ያስመዘገቡት የግብ ሙከራ ብዛት በሁለቱም በኩል በጣም ተመሳሳይ ነበር። ሁለተኛው አጋማሽ እንደተጀመረ የ 0-0 ውጤት ተቀይሯል። ኒኮሎ ባሬላ ከማዕዘን ምት የተሻማዉን ኳስ በሳጥኑ ጠርዝ ላይ አገኘው እናም ኳሷን በአየር ላይ እያለ በምምታት በሚያምር ሁኔታ ወደ ታች ግራ ጥግ አስቆጥሯል!

ቤልጄሞች በሶስት የተለያዩ አጋጣሚዎች የግቡን ጠርዝ በመምታት ውጤቱን አቻ ለማድረግ ሞክረው ነበር ነገር ግን የጣሊያኑ ግብ ጠባቂ ጂያንሉጂ ዶናሩማን ማለፍ አልቻሉም። ጣሊያኖች ፣ ቺሳ በግብ ክልል ውስጥ ጥፋት ከተፈፀመበት በኋላ ሁለተኛውን ግብ በፍፁም ቅጣት ምት አክለዋል። ዶሜኒኮ ቤራዲ ፣ ምንም እንኳን ኩርቱዋ ኳሱን በእጁ ቢነካዉም በእርጋታ ኳሱን ከመረብ ጋር ማገናኘት ችሏል።

የቤልጅየሞች ብቸኛ እና የጨዋታው የመጨረሻ ግብ በ 86 ኛው ደቂቃ ላይ ተገኝታለች ፤ ዴ ብሮይን ፣ ለኬተላሬን በቀላል ቅብብል ኳሱን ካቀበለው በኋላ አማካዩ በዶናርናማ እግሮች መካከል አስቆጥሯል።

“አቋማችን በእውነቱ ጥሩ ነበር። በመሃል ሜዳ ብዙ መፍትሄዎች እና ጥራት አለን። ሁሉም ተጫዋቾች ጥሩ ስራ ሰርተዋል። ሁለት ግጥሚያዎች ምርጥ ነበሩ ፤ ዋናው ነገር ቡድኑ በጥሩ ሁኔታ መጫወቱን መቀጠሉ ነው።” ቡድኑ ወደ አሸናፊነት ሲመለስ ሮቤርቶ ማንቺኒ ከጨዋታው በኋላ አስተያየት ሰጥቷል። ቀጣዩ ግጥሚያቸው ህዳር 12 በዓለም ዋንጫ ማጣሪያ ከስዊዘርላንድ ጋር ይሆናል።

Click to comment

Leave a Reply

Your email address will not be published.

Must See

More in Football