Connect with us
Express news


Football

ሊቨርፑል ዋትፎርድን 5-0 ቀጥቅጧል!

Liverpool Annihilate Watford 5-0!
acefootball.com

ዋትፎርድ ሊቨርፑልን ትናንት ከሰዓት በቪካሬጅ ሮድ ያስተናገደ ሲሆን ፣ ሙሉ ጨዋታውንም የበላይነት ተወስዶባቸው ነበር። ፊርሚኖ ለቀዮቹ ሀትሪክ ሲሰራ ሳላህ እና ማኔ እያንዳንዳቸው አንድ ግብ አስቆጥረዋል።

ከጨዋታው በፊት ስለ አዲሱ የዋትፎርድ አሰልጣኝ ክላውዲዮ ራኔሪ ብዙ ሲባል ነበር። ከጨዋታው በኋላ አይኖች ሁሉ ወደ ሊቨርፑል ሶስት የአጥቂ መስመር ተጫዋቾች ዞሩ። ሊቨርፑሎች ገና በጊዜ ጨዋታውን የተቆጣጠሩ ሲሆን ዋትፎርዶች ኳሱን እንዲይዙ እንኳ አልፈቀዱም። ቀዮቹ 77 % የኳስ ይዞታ የነበራቸው ሲሆን 19 የግብ ሙከራዎችን አድርገዋል ከነዛም 8 ቱ ኢላማቸውን የጠበቁ ነበሩ። ዋትፎርዶች በሁሉም የጨዋታው ዘርፎች ተበልጠው ነበር።

በጨዋታው በ 8 ኛው ደቂቃ ፣ መሐመድ ሳላህ ግሩም የውጪ እግር ኳስ ካሳለፈለት በኋላ ሳዲዮ ማኔ የመጀመሪያውን ጎል አስቆጠረ። ኳሱ በሁለት ተከላካዮች ዙሪያ ዞሮ ወደ ማኔ እግር ስር ሄደ እሱም በቀላሉ አስቆጠረው። ግቡ በእንግሊዝ ፕሪሚየር ሊግ ውስጥ ለማኔ 100 ኛው ነበር።

ሊቨርፑሎች በ 37 ኛው ደቂቃ ሁለተኛ ግብ በማስቆጠር ቀጠሉ። የሊቨርፑል ተጫዋቾች ፈጣን ቅብብሎችን ካደረጉ በኋላ ሮቤርቶ ፊርሚኖ ከባዶ መረብ ጋር ተገናኝቶ በቀላሉ አስቆጥሯል።

ሳላህ ቤን ፎስተርን በትክክለኛ እና በኃይለኛ ምቶች ብዙ ጊዜ መፈተኑን ቀጠለ ፣ ግን የዋትፎርድ ግብ ጠባቂ እንዲሁ በቀላሉ ተስፋ አልቆረጠም። የጨዋታው ሦስተኛው ግብ ሁል ጊዜ በትክክለኛው ቦታ ላይ ከሚገኘው ከፊርሚኖ ነበር ፣ ቀለል ያለ የአዳኝ አጥቂ ግብ።

theguardian.co.uk

ሳላ በጨዋታው በ 54 ኛው ደቂቃ ከማንቸስተር ሲቲ ጋር በቅርብ ጊዜ ያስቆጠረውን የአመቱ ምርጥ ግብ እጩ የሚመስል ብቃት አሳይቶ ሌላ ግብ አስቆጥሯል። ብቻውን ብዙ የዋትፎርድ ተከላካዮችን አልፎ ኳሱን ወደ መረቡ አስገብቷል። የሊቨርፑሉ አሰጣኝ የርገን ክሎፕ ከጨዋታው በኋላ “ቡድኑ ግቡን እንዴት እንዳከበረ ማየት ትችላላችሁ ፣ ሁሉም ልዩ ግብ መሆኑ ታይቷቸዋል” ብለዋል።

በመጨረሻም በጨዋታው የመጨረሻ ደቂቃዎች ፊርሚኖ ልላ ተመሳሳይ ቀላል ግብ ለሊቨርፑል በማስቆጠር 5-0 በማድረግ ሃትሪክ ሰርቷል። አሁን ከቼልሲ በአንድ ነጥብ ዝቅ ብለው በ 18 ነጥብ 2 ኛ ደረጃ ላይ ተቀምጠዋል። ዋትፎርድ አሁን በ 7 ነጥብ 16 ኛ ደረጃን በመያዝ የወራጅ ቀጠና አፋፍ ላይ ይገኛል።

Click to comment

Leave a Reply

Your email address will not be published. Required fields are marked *

Must See

More in Football