Connect with us
Express news


Football

ሌስተር ሲቲ ማንቸስተር ዩናይትድን በአስደንጋጭ ሁኔታ አሸንፏል!

Leicester City Stun Manchester United!
thesun.co.uk

በዚህ የእንግሊዝ ፕሪሚየር ሊግ (ኢፒኤል) ጨዋታ በኪንግ ፓወር ስታዲየም ሌስተር ሶስት ነጥቦች ወስዷል። ዩናይትድ ሁለት ጊዜ ቢያስቆጥርም ፣ ግን በቂ አልነበረም ፣ ጨዋታው 4-2 አልቋል!

በሌስተር በሚገኘው የኪንግ ፓወር ስታዲየም አስደሳች በነበረው ጨዋታ ሌስተር ሲቲዎች ሙሉ በሙሉ የሚገባቸው ድል አግኝተው ጨዋታውን ሲያጠናቅቁ ፣ በማንችስተር ዩናይትድ አሰልጣኝ ኦሌ ጉናር ሶልሻየር ላይ ያለውም ጫና ጨምሯል። ሽንፈቱ የዩናይትድን የእንግሊዝ ሊግ ሪከርድ የሆነ የ 29 ጨዋታ ከሜዳው ውጭ አለመሸነፍ ጉዞን አጠናቋል።

ማንችስተር ዩናይትድ ተስፋ በሌለው እንቅስቃሴ አንድ ነጥብ ለመስረቅ ተቃርቦ ነበር ፣ ግን ቀበሮዎቹ በዚህ አመት ወጥነት በሌለው ጅምር እጅግ አስደናቂ ድል ማግኘት ችለዋል።

ጨዋታው ለቀይ ሰይጣኖቹ በጣም በጥሩ ሁኔታ ነበር የጀመረው ፣ ሜሰን ግሪንዉድ በቀኝ በኩል ቆርጦ ገብቶ በ18 ኛው ደቂቃ አስገራሚ ግብ በማስቆጠር መሪነቱን ሰጥቷቸዋል። ሆኖም ሊስተር ሌስተር 30ኛው ደቂቃ አካባቢ ዩሪ ቲሌማንስ ኬሌቺ ኢያናቾ ከመጓየር ነጥቆ የሰጠውን ኳስ በማስቆጠር አቻ አድርጓል። ቤልጂማዊው ግብ ጠባቂውን ዴቪድ ዴሄያን በአሪፍ ቀኝ እግር ምት ከፍ አድርጎ አሳልፎ አስቆጥሯል።

ሌስተር ሲቲ ከእረፍት መልስ የተሻለ ቡድን ነበር። ስለዚህ ፣ እንደገና መምራታቸው ምንም አያስገርምም። የቀበሮዎቹ ተከላካይ ሴግላር ሶየንቹ ጨዋታው 12 ደቂቃዎች ሲቀሩት ከጎል ፊት የተተፋፋውን ኳስ ለማስቆጠር በትክክለኛው ቦታ ላይ ነበር።

remonews.com

የዩናይትድ አጥቂ ማርከስ ራሽፎርድ የትከሻ ቀዶ ጥገናን ተከትሎ ከሶስት ወራት ቆይታ በኋላ በተቀያሪነት ተመልሷል። ከአራት ደቂቃዎች በኋላ ከቪክቶር ሊንዶልፍ የተሻገረለትን ረጅም ኳስ ሮጦ ሲያስቆጥር ዩናይትድን ከችግር ያወጣው ይመስል ነበር።

ከዚያ ግን ወዲያው አዮዜ ፔሬዝ ያቀበለውን ኳስ ጄሚ ቫርዲ በቀይ ሰይጣኖቹ መረብ ላይኛው ቀኝ ጥግ ላይ ሲያስቆጥር ዩናይትድ እንደገና ወደ መመራት ተመለሰ።

ለማንችስተር ዩናይትድ በዚህ ጊዜ መመለሻ አልነበረውም። የዛምቢያው የፊት አጥቂ ፓትሰን ዳካ በተጨማሪ ሰዓት የዕለቱን አራተኛ የሌስተር ግብ በኋላኛው ማእዘን በኩል አስቆጠረ! ይህ በኢ.ፒ.ኤል ውስጥ የዛምቢያ ተጫዋች ጎል ሲያስቆጥር ይህ ለመጀመሪያ ጊዜ ነበር!

goal.com

ውጤቱም ማንችስተር ዩናይትድን በ 14 ነጥብ በኢፒኤል ሰንጠረዥ ወደ 5 ኛ ዝቅ አድርጎታል። ሌስተር በ 11 ነጥብ ወደ 11 ኛ ከፍ ብሏል።

Click to comment

Leave a Reply

Your email address will not be published. Required fields are marked *

Must See

More in Football