Connect with us
Express news


Football

ፒኤስጂዎች ፣ ሌፕዚጎችን ባሸነፉበት የሻምፒዮንስ ሊግ ግጥሚያ ላይ ሊዮኔል ሜሲ ሁለት ግብ አስቆጥሯል!

Messi Scores Twice in Champions League Win over Leipzig!
marca.com

ፒኤስጂዎች ማክሰኞ ምሽት ሌፕዚጎችን 3-2 አሸንፈዋል ፣ ሜሲም አስደናቂ ፍፁም ቅጣት ምት አስቆጥሯል።

ክሊያን ምባፔ እና ሊዮኔል ሜሲ ከመመራት ተነስተው 3-2 ባሸነፉበት የማክሰኞ ግጥሚያ ግብ አስቆጥረዋል። ሜሲ ሁለት ግቦችን ሲያስቆጥር ምባፔ አንድ ግብ ፣ አንድ ለግብ የሚሆን ኳስ በማቀበል እና  አንድ የፍፁም ቅጣት በማሰጠት በሦስቱም ግቦች ተሳትፎ አድርጓል።

ሜሲ የግቡን ጠርዝ ገጭቶ የተመለሰውን ኳስ ወደ ባዶ መረብ ውስጥ አስቆጥርሯል – ከዚያም ጨዋታውን ለማሸነፍ አስደናቂ ፍፁም ቅጣት ምት አስቆጥሯል።

ምባፔ ለፒኤስጂ ከዚህ ቀደም 11 ፍፁም ቅጣት ምቶችን ያስቆጠረ ቢሆንም ፣ ሜሲ የመጀመሪያውን ፍፁም ቅጣት ምት እንዲመታ ነግሮታል። ፈረንሳዊው የፊት መስመር ተጫዋች “የተለመደ ነው ፣ አክብሮት ነው” ሲልም ገልፆታል።

“ሁል ጊዜ ለመግለፅ እንደሞከርኩት ፣ እሱ የዓለማችን ምርጥ ተጫዋች ነው ፣ ከእሱ ጋር መጫወት ክብር ነው። ቅጣት ምት ከተሰጠ ፣ እሱ ይመታዋል ፣ አለቀ። ሁለተኛው ፍፁም ቅጣት ምት እንድመታው ነግሮኛል” በማለት ተናግሯል።

france24.com

ፒኤስጂዎች ፣ ማንቸስተር ሲቲዎችን በአንድ ነጥብ በልጠው ፣ በምድብ አንድ አናት ላይ ሲቀመጡ ፣ ነገር ግን አርቢ ሊፕዚጎች ወደ ቀጣይ ዙር የማለፍ እድላቸው በጣም ጠባብ ነው። በአሜሪካዊው ጄሴ ማርሽ የሚሰለጥነው የጀርመኑ ቡድን ከሶስት ተከታታይ ሽንፈቶች በኋላ በምድብ አንድ ግርጌ ላይ ይገኛል።

ውጤቱ ለሌፕዚጎች በጣም መጥፎ ነበር እናም ጨዋታው ሊጠናቀቅ ግማሽ ሰዓት ሲቀረው 2-1 እየመሩ ስለነበር ከፓሪስ ዴ ፕሪንስን በድል መውጣት ይገባቸው ነበር። ነገር ግን ሜሲ ፒኤስጂዎች ድል እንዲያስመዘግቡ በ 10 ደቂቃ ውስጥ ሁለት ግቦችን አስቆጥሯል።

በባከነ ሰአት ውስጥ ዳኛው ለፒኤስጂዎች ሌላ ፍፁም ቅጣት ምት ሰጥቶ ነበር እናም ፒኤስጂዎች አራተኛ ግብ ማስቆጠር ይችሉ ነበር ፣ ሜሲ ምባፔን እንዲመታ ፈቀደለት ነገር ግን ፈረንሳዊው አጥቂ ኳሱን ከመረብ ጋር ማገናኘት አልቻለም።

france24.com

የማሪሲዮ ፖቼቲኖ ቡድን ከሜሲ ያገኘውን ሶስት ሙከራዎችብ ጨምሮ አራት ኢላማውን የጠበቀ ሙከራ ብቻ በማድረግ የወረደ አቋም አሳይተዋል። “ስለ ኪሊያን እና ሊዮ አቋም ምንም መናገር አያስፈልገንም” ብለዋል። “በጨዋታዎች ውስጥ እንደ ቡድን መፍትሄዎችን ለማግኘት በምትታገልበት ጊዜ እንደዚህ አይነት ኮከብ ተጫዋቾች ይደርሱልሃል።”

Click to comment

Leave a Reply

Your email address will not be published. Required fields are marked *

Must See

More in Football