ማንቸስተር ዩናይትድ በሜዳው በሊቨርፑል አሰቃቂ ሽንፈት አስተናግዷል ፣ አሰልጣኝ ኦሌ ጉናር ሶልሻየርም ከፍተኛ ጫና ውስጥ ገብቷል።
እሁድ ፣ ማንችስተር ዩናይትድ እና ኦሌ ጉናር ሶልሻየር በሜዳቸው እና በደጋፊዎች ፊት አሳፋሪ በሆነ የ 5 ግብ ሽንፈት ደርሶባቸዋል።
የሊቨርፑል ዋና ተጫዋች መሐመድ ሳላህ ነበር። ግብፃዊው የፊት መስመር ተጫዋች አደናቂ ነበር እናም ሀትሪክ ሰርቷል ፣ ይህ ማለት አሁን በተከታታይ 10 ጨዋታዎች ላይ ጎል አስቆጥሯል ማለት ነው።
ሶልሻየር እና ተጫዋቾቹ ደካማ እና ያልተደራጀ አቋም አሳይተው በሜዳቸው ውስጥ በተለይም በመጀመርያው አጋማሽ ላይ በደጋፊዎቻቸው ኋይለኛ ተቃውሞ ገጥሟቸዋል።
ሊቨርፑል ናቢ ኬታ ፣ ሳላህ አመቻችቶ ያቀበለውን ኳስ በማስቆጠር ገና በ 5 ደቂቃ ላይ በዩናይትዶች ላይ አስጨናቂ ጫና ፈጥረዋል። ከስምንት ደቂቃዎች በኋላ ዲዮጎ ጆታ ከትሬንት አሌክሳንደር አርኖልድ የተሻማልርትን ኳስ ተንሸራቶ በአስቆጠር ሁለተኛውን ግብ አክሏል።
በዚህ ሰአት ሊቨርፑል ዩናይትድን በበላይነት ተቆጣጥሮ ነበር ፣ እናም የወቅቱ ምርጥ ተጫዋች ሞሃመድ ሳላህ ፣ ኬታ ያሻማለትን ኳስ ከመረብ ጋር በማግርናኘት የመጀመሪያውን ግብ አግኝቷል ፣ ከዚያ በኋላ የዩናይትዱን ግብ ጠባቂ ዴቪድ ደ ሂያን በዝቅተኛ ምት አሸነፈ ይህም የርገን ክሎፕን ቡድን በመጀመርያው አጋማሽ በአራት ግብ ልዩነት እንዲመራ አስችሎታል።
በሁለተኛው አጋማሽ ሶልሻየር ፣ ፖል ፖግባ በ ሜሰን ግሪንዉድ ቀይሮ አስገብቷል ፣ ነገር ግን በዚያን ሰአት ብዙ የዩናይትድ ደጋፊዎች ተጨማሪ ውርደት ለማየት ፍቃደኛ ባለመሆናቸው ምክንያት መቀመጫቸውን ለቀው ወጥተዋል።
ቀኑ ለቀዮቹ በጣም መጥፎ በነበረበት ሰአት ፣ ግሪንዉድን ተክቶ ወደ ሜዳ የገባው ፖግባ እንኳን በአሰቃቂ ሁኔታ በቀይ ካርድ ከሜዳ ተወግዷል። ሳላ የጆርዳንን ሄንደርሰን ድንቅ ኳስ ወደ ግብ በመቀየር ሃትሪክ ከሰራ በኋላ ፣ ፖግባ ኬታ ላይ አሰቃቂ ጥፋት በመስራቱ ከሜዳ ተወግዷል ፣ ሃኪሞችም ናቢ ኬታን ተሸክመው ወጥተዋል።
ሊቨርፑል ቀሪዉን ደቂቃ በሺዎች የሚቆጠሩ ደጋፊዎች አቋርጠዉት የወጡትን ጨዋታ በበላይነት አሸንፎ መደበኛ ጨዋታው አጠናቋል።
