Connect with us
Express news


EFL Cup

መድፈኞቹ በኢኤፍኤል ዋንጫ ሊድስ ዩናይትድን አሸንፈዋል

The Gunners Overcome Leeds United in the EFL Cup
paininthearsenal.com

በኤምሬትስ ስታዲየም የካራባኦ ካፕ የአራተኛ ዙር ጨዋታ አርሰናል ሊድስ ዩናይትድን 2-0 በማሸነፍ ወደ ሩብ ፍፃሜው አልፏል!

የ ማይክል አርቴታ ቡድን ትናንት ከሊድስ ጋር በካራባኦ ካፕ የመጨረሻ 16 ግጥሚያ አድርጓል። የአርሰናል አሰልጣኝ ፣ ካለፈው የፕሪሚየር ሊግ ጨዋታቸው ጋር ሲነፃፀር ፣ ሙሉ የአሰላለፉ ለውጥ አድርጓል ፣ ነገር ግን ቤን ኋይት እና ኤሚል ስሚዝ ሮው ቦታቸውን አስጠብቀዋል። በሌላ በኩል ማርሴሎ ቢኤልሳ ያሉትን ምርጥ ተጫዋቾቹን ይዞ ገብቷል።

የጨዋታው የመጀመሪያ ትልቅ እድል የተገኘው በ10ኛው ደቂቃ ላይ ነበር። በዚህ የውድድር ዘመን እስካሁን ሁለት ጨዋታዎችን ብቻ የተጫወተው ሴአድ ኮላሲናክ ወደ ግብ ክልል ውስጥ በመግባት በጥሩ የጭንቅላት ኳስ የሊድሱን ግብ ጠባቂ ፈትኗል ፣ ሆኖም ኢላን መሲለር ተዘጋጅቶ ስለነበር ኳሱን አድኖታል።

በተመሳሳይ በጨዋታው 27ኛው ደቂቃ ላይ ሊድስ የአርሰናሉን ግብ ጠባቂ በሜዳው ሌላኛው ጫፍ ላይ ፈትኗል። ጃክ ሃሪሰን ከማዕዘን ምት የተሻማዉን የአየር ኳስ በመምታት ኢላማዉን የጠበቀ አስደናቂ ሙከራ አድርጓል፣ ነገር ግን የበርንድ ሌኖ በከፍተኛ ጥንቃቄ ላይ ነበር እና ኳሱም ማዳን ችሏል።

በ 55ኛው ደቂቃ ላይ አርቴታ ቤን ዋይት መጥፎ ስሜት ስለተሰማው ከሜዳ ቀይሮ አውጥቶታል ፣ በዚህ የውድድር ዘመን ትንሽ የመሰለፍ እድል ያገኘው ካልም ቻምበርስ ተጫዋቹን ተክቶ ወደ ሜዳ ገብቷል።

ቻምበርስ ተቀይሮ ከገባ በኋላ ለአርሰናል ግብ ማስቆጠር ችሏል። ዳኞች ኳሷ የእውነት የጎል መስመር መሻገሯን ለማረጋገጥ ጥቂት ሴኮንዶች ወስደዋል ከዚያ በኋላ ደስታቸውን ገልፀዋል።

https://dailycannon.com/

“በጣም ደስተኛ ነኝ ፣ በተለይ በካሉም ። ሙሉ ለሙሉ ይገባው ነበር። ጨዋታውን እንድናሸንፍ ስለረዳን በጣም ጥሩ ጊዜ ነበር። በፀባዩ እና በሙያው ጥሩ ነገር የሚገባው ተጫዋች ነው” ሲል አርቴታ ከግጥሚያው በኋላ ተናግሯል።

አርሰናል አሁን ጨዋታውን በደንብ ተቆጣጠሯል እና ወደ ኋላ የሚመለስ አይመስልም። አርሴናል ሁለተኛው ጎል ፣ የሊድስ ተከላካይ ኳሱን በግንባሩ በመግጨት ወደ ግብ ጠባቂው ለመመለስ በሚሞክርበት ሰአት የሰራውን ስህተት ተጠቅሞ አስቆጥሯል። ነገር ግን በማደን ችሎታ የሚታወቀው የአርሰናሉ አጥቂ ኤድዋርድ ንኬታ ተዘጋጅቶ በመጠበቅ ፣ ኳሱን በግብ ጠባቂው አናት ላይ ካሳለፈ በኋላ በተረጋጋ መንፈስ ኳሷን ከመረብ ጋር አገናኝቶ ጨዋታው 2-0 በሆነ ውጤት እንዲጠናቀቅ አድርጓል።

የአርሰናል ቀጣይ ተጋጣሚ ቅዳሜ በሚደረገው የእጣ ድልድል ይታወቃል።

Click to comment

Leave a Reply

Your email address will not be published. Required fields are marked *

Must See

More in EFL Cup