ኮንቴ ኑኖ ከተባረረ በኋላ የስፐርስ አዲስ አሰልጣኝ ሆኖ ተሹሟል!

ቶተንሃም ሆትስፐር ኑኖ ኢስፔሪቶ ሳንቶ ማሰናበቱን ተከትሎ አንቶኒዮ ኮንቴን አዲስ ዋና አሰልጣኝ አድርጎ ሾሟል።

አንቶኒዮ ኮንቴ በቶተንሃም ሆትስፐር ስታዲየም የ18 ወራት ኮንትራት ተፈራርሟል። የቀድሞው አለቃ ኑኖ ኢስፔሪቶ ሳንቶ በማንቸስተር ዩናይትድ 3-0 ከተሸነፈ በኋላ ፣ ሰኞ ዕለት ከስራው ተባሯል።በዚህ ግጥሚያ ስፐርስ አንድም የግብ ሙከራ ማስመዝገብ አልቻለም።

የስፐርስ ሊቀመንበር ዳንኤል ሌቪ በክረምት ኑኖን ከመሾሙ በፊት ኢላማ አድርገውበታል የተባለው ኮንቴ ጋር ፣ ሰኞ እለት በለንደን ከክለቡ የበላይ አመራሮች ጋር በተሳካ ሁኔታ ከተነጋገሩ በኋላ ፣ ከኮንትራቱን የማራዘም አማራጭ ጋር የ18 ወራት ውል ተፈራርሟል።

የቀድሞው የቼልሲ አሰልጣኝ ማክሰኞ ከሰአት በኋላ በሆትስፐር ሜዳ ላይ ከአዲሱ ቡድናቸው ጋር የመጀመሪያውን ልምምዱን አድርጓል።

የ52 አመቱ ጣሊያናዊ የ2016-17 የፕሪሚየር ሊግ ዋንጫን እና በቀጣዩ የውድድር አመት የኤፍኤ ዋንጫን ሲያሸንፍ ፣ ኢንተር ሚላንን ከለቀቀ በኋላ የመጀመርያውን የአሰልጣኝነት ሀላፊነቱን ተረከበ።

ኮንቴ ለቶተንሃም ድረ-ገጽ እንደተናገረው፡ “ወደ አሰልጣኝነት በመመለሴ እና በፕሪምየር ሊግ ክለብ ውስጥ በድጋሚ ዋና ተዋናይ የመሆን ፍላጎት ባለው ክለብ በመስራቴ በጣም ደስተኛ ነኝ።”

የኮንቴ አዲስ ስራ ከስፐርስ እግር ኳስ ማኔጂንግ ዳይሬክተር ፋቢዮ ፓራቲቺ ጋር በድጋሚ ያገናኘዋል ፣ ዳሬክተሩ በክረምት ክለቡን ከ 11 አመታት በኋላ ከመልቀቁ በፊት በጁቬንቱስ ተመሳሳይ ሚና ነበረው።

ፓራቲቺ “አንቶኒዮ ወደ ክለቡ እንኳን ደህና መጣችሁ በማለታችን በጣም ደስ ብሎናል ፤ የእሱ ታሪክ ትልቅነቱን ይመሰክራል ፣ በጣሊያን እና በእንግሊዝ ዋንጫ በማንሳት ሰፊ ልምድ አደለው። በጁቬንቱስ አብረን በመስራታችን ፣ ከአንቶኒዮ ጋር አብሮ በመስራት ሊያመጣልን የሚችለውን ለውጥ በመጀመሪያ አውቃለሁ። ከጎበዝ ተጫዋቾቻችን ጋር የሚሰራውን ነገር ለማየት ጓጉተናይ።

ቶተንሃም ሆትስፐር ስለ ኮንቴ አሰልጣኝ ስታፍ ተጨማሪ ዜና “በጊዜው ይገለፃል” በማለት አሳውቋል።