Connect with us
Express news


Football

ሊቨርፑል አትሌቲኮን በቀላሉ በማሸነፍ ወደ መጨረሻው 16 አልፏል!

Liverpool Ease Past Atlético and Into the  Last 16!
thisisanfield.com

ቀያዮቹ በአንፊልድ አትሌቲኮ ማድሪድን ባሸነፉበት ግጥሚያ ላይ ጆታ እና ማኔ ግብ አስቆጥረዋል። የክሎፕ ተጫዋቾች አሁን ወደ ዩኢኤፍኤ ቻምፒዮንስ ሊግ (ዩሲኤል) የመጨረሻ 16 ዙር ገብተዋል!

በምድብ ሁለት ሊቨርፑል ፣ ረቡዕ ምሽት አትሌቲኮ ማድሪድን በአንፊልድ 2-0 በማሸነፍ ፣ የ2021/2022 የዩሲኤል ፍጹም አጀማመሩን አስቀጥሏል። ውጤቱም ቀዮቹ በመጨረሻዎቹ 16 የሚገባቸውን ቦታ አስጠብቆላቸዋል።

በጥቅምት 19 ሊቨርፑል በማድሪድ ከተማ አትሌቲኮን 3-2 አሸንፏል ፣ ሞሃመድ ሳላህ የማሸነፊያዋ በፍፁም ቅጣት ምት ከማስቆጠሩ በፊትም ፣ አንትዋን ግሪዝማን ቀይ ካርድ ተመልክቷል።

ዲዮጎ ጆታ እና ሳዲዮ ማኔ በመጀመሪያዎቹ 20 ደቂቃዎች ውስጥ በማስቆጠር ባለሜዳዎቹን በአንፊልድ 2-0 እንዲመሩ ያደረጉ ሲሆን ትሬንት አሌክሳንደር-አርኖልድ ለየርገን ክሎፑ ቡድን ሁለቱን ለግብ የሚሆኑ ኳሶች አመቻችቶ አቀብሏል።

liverpooloffside.sbnation.com

ክሎፕ “ቀዳሚው አላማችን ከምድቡ ማለፍ ነበር። ከአራት ጨዋታዎች በኋላ እናልፋለን ብዬ አላሰብኩም ነበር ነገር ግን ልጆቹ ይህንን አሳክተዋል እና በጣም የሚገባን ስኬት ነው” ብለዋል።

አትሌቲኮ ፌሊፔ ማድሪድ ከእረፍት በፊት በማኔ ላይ በሰራው ጥፋት ሌላ ቀይ ካርድ ተመልክቷል። ሴኔጋላዊው ተጫዋች አሪፍ ግብ የማስቆጠር ዕድል ባገኘበት ሰአት ብራዚላዊው የመሀል ተከላካይ ጥፋት ሰርቶበታል። ውሳኔው የማድሪድ ክለብ ግጥሚያውን በ10 ተጫዋቾች እንዲጨርስ አስገድዶታል።

የዲያጎ ሲሞኒው አትሌቲኮ ጨዋታውን ለመቆጣጠር ቢሞክርም ሊቨርፑል የኳስ ቁጥጥር የበላይነት ስለነበረው ውጤቱን በአስጠበቅ ሶስቱንም ነጥቦች ማግኘት ችሏል።

በምድብ ሁለት አንደኛ ደረጃ ላይ የሚገኘው ሊቨርፑል በ12 ነጥብ ላይ የሚገኝ ሲሆን ከ4 ጨዋታዎች 4ቱን በማሸነፍ ወደ ምርጥ 16 ማለፉን አረጋግጧል። በሌላ በኩል አትሌቲኮ በአራት ነጥብ ሶስተኛ ደረጃ ላይ ይገኛል። የሲሞኒ ቡድን ቀደም ብሎ ከታችኛው ኤሲ ሚላን ጋር 1-1 በሆነ አቻ ውጤት ከተለያየው እና ሁለተኛ ደረጃ ላይ ከተቀመጠውን ፖርቶ በአንድ ነጥብ ዝቅ ብሎ ይገኛል።

Click to comment

Leave a Reply

Your email address will not be published.

Must See

More in Football