ዶሚኒክ ሶቦስላይ በሽርፍራፊ ሰከንድ ላይ ለላይፕዚግ ፍፁም ቅጣት ምት በማስቆጠር ፣ ሜሲ ሳይዝ የገባው ፓሪስ ሴንት ጄርሜንን አበሳጭቷል።
ረቡዕ እለት በቻምፒየንስ ሊግ ፓሪስ ሴንት ዠርሜይን 2-2 በሆነ አቻ ውጤት ሲለያይ ፣ ላይፕዚግ ዘግይቶ ባስቆጠረው ግብ ጨዋታውን 2-2 እንዲጠናቀቅ አድርጓል።
ፒኤስጂ ከሜዳው ውጪ ለማሸነፍ ጥሩ እንቅስቃሴ ያሳየ ሲሆን ግጥምያው ሊጠናቀቅ 30 ደቂቃ ሲቀረውም 2-1 እየመራ ነበር።
በመጨረሻዎቹ ሴኮንዶች ውስጥ ግን የፒኤስጂው ተከላካይ ፕሪስኔል ኪምፔምቤ በክርስቶፈር ንኩንኩ ላይ ጥፋት በመስራቱ ላይፕዚግ ፍፁም ቅጣት ምት አግኝቷል ፣ ዶሚኒክ ሶቦስላይም ኳሱን በቀላሉ ከመረብ ጋር አገናኝቷል።
የ ፒኤስጂ የመሃል መስመር ተጫዋች ጆርጂኒዮ ዊጅናልደም ለ ዳዝን በሰጠው መግለጫ ፣ “እንደ ላይፕዚጎች በጥሩ ሁኔታ አልጀመርንም ፣ ነገር ግን ጨዋታውን መልሰን መቆጣጠር ነበረብን” ብሏል። “በሁለተኛው አጋማሽ የጎል እድሎችን ፈጠረናል ፣ ነገር ግን በተቀራኒው ለነሱም ብዙ እድል እንዲያገኙ አድርገናል።
“ከዚያ ተምረን ጨዋታውን በተሻለ ሁኔታ መቆጣጠር አለብን ምክንያቱም 2-1 እየመራን እና የጎል እድሎቻችንን መጠቀም ነበረብን። ብዙ መስተካከል ያለባቸው ነገሮች አሉ።”
ፒኤስጂ ከመጀመሪያው ደቂቃ ጀሮ ጫና ውስጥ ነበር ፣ ሲልቫ ተከላካዮችን በማለፍ የመኮረዉን ኳስ ጂያንሉጂ ዶናርማ ካዳነው በኋላ ፣ ካፒቴኑ ማርኩዊንሆስ ኳሱን ከመስመር ላይ አውጥቶታል።
ባለሜዶቹ ግፊቱን አጠናክረው በማስቀጠል ክሪስቶፈር ንኩንኩ መሪ የሚያደርጋቸውን ግብ ሲልቫ ካሻገረለት ኳስ በግንባሩ ገጭቶ አስቆጥሯል። ነገር ግን ዋንያልደም ፣ ለፒኤስጂ በ 21 ደቂቃ የመጀመርያውን ግብ ሲያስቆጥር ሁለተኛውን ግብ ደግሞ ማርኩዊንሆስ በግንባሩ የገጨውን ኳስ ከቫር ክርክር በኋላ አስቆጥሯል ፣ ውጤቱንም 2-1 በማድረግ መሪነቱን እንዲይዙ አድርጓል።
ምባፔ በሁለተኛው አጋማሽ መጀመሪያ ላይ የላይፕዚግ ግብ ጠባቂ ፒተር ጉላሲ ላይ በቀጥታ በመምታት ሁለት ግልፅ እድሎችን አባክኗል።
ውጤቱ ፒኤስጂ ሜሲ ከሜዳ በራቀበት ጊዜ ፣ በአንድ ነጥብ ዝቅ ብለው መሪነቱን ለማንቸስተር ሲቲ አስረክቧል።
