Connect with us
Express news


Football

አያክስ ዶርትሙንድን 3-1 በማሸነፍ አስደናቂ ብቃት አሳይቷል!

Ajax On Fire as They Beat Dortmund 3-1!
www.ajax1.nl

ኤኤፍሲ አያክስ በዚህ የውድድር አመት በአውሮፓ ሻምፒዮንስ ሊግ (ዩሲኤል) ምድብ ጨዋታ በቦሩሲያ ዶርትሙንድ ላይ ሁለተኛ ድሉን አግኝቷል። አያክስ እስካሁን 14 ጎሎችን በማስቆጠር አራቱንም ጨዋታዎች በማሸነፍ ወደ ጥሎ ማለፍ ጨዋታ ማለፉን አረጋግጧል።

ቦሩሲያ ዶርትሙንድ አያክስን መበቀል አልቻለም ፣ በመጀመሪያ በጥቅምት 19 በአምስተርዳም 4-0 የተሸነፈ ሲሆን አሁን ደግሞ በሜዳው 3-1 ተሸንፏል። እንደ አለመታደል ሆኖ ባለሜዳው ቡድን ከኔዘርላንድ ቡድን ጋር በተደረገው የመጀመሪያ ግጥሚያ ላይ የተጎዳውን ኤርሊንግ ሀላንድን ሳይዝ ወደ ግጥሚያው ገብቷል ፣ ተጫዋቹ ልዩነት መፍጠር ይችል ነበር።

ቦሩሲያ በወኔ እና በእልህ ወደ ጨዋታው የገባ ሲሆን ይህም በርካታ ጥሩ የግብ እድሎችን እንዲፈጥር አስችሎታል። ጁድ ቤሊንግሃም በዘጠነኛው ደቂቃ ላይ ኳሱን በግንባሩ በመግጨት መረቡን ልጥቂት የሳተበት አጋጣሚ ነበር። ማርኮ ሬውስ በ26 ደቂቃ የአያክሱን ግብ ጠባቂ ሬምኮ ፓስቬርን የሚፈትን ሙከራ ከርቀት ቢያደርግም ግብ ጠባቂው ተዘጋጅቶ ነበር።

በጨዋታው 29ኛው ደቂቃ ላይ ማትስ ሀምልስ አደገኛ ጥፋት በመስራቱ ቀይ ካርድ የተመለከተ ሲሆን ይህም ነገሮች እንዲወሳሰቡ አድርጓል። ከስድስት ደቂቃዎች በኋላ በግብ ክልል ውስጥ በቤሊንግሃም ላይ በተሰራው ጥፋት ዶርትሙንድ ፍፁም ቅጣት ምት አኝይቷል። ማርኮ ሬውስ ቡድኑን መሪ ከማድረግ ወደኋላ አላለም ፣ ነገር ግን ይህ ከጀርመኑ ቡድን ያየነው ብቸኛው ግብ ነበር። የደቹ ቡድን የቁጥር ብልጫውን በመጠቀም ጨዋታዉን ሙሉ ለሙሉ ተቆጣጥሮታል።

https://www.thescore.com/

የአያክስ የመጀመሪያ ጎል በ72 ደቂቃ የተገኘች ሲሆን ፣ አንቶኒ ኳሱን ወደ ፍፁም ቅጣት ምት ክልል ውስጥ ቢያሻማዉም አንድም የቡድን አጋዱ ነጨዋች ማግኘት አልቻለም ፣ ሆኖም የዶርትሙንድ ተከላካይ በጥሩ ሁኔታ ኳሱን ለማውጣት ቢሞክርም ቆርጦ ብቻዉን ወደ ነበረው ዱሳን ታዲች ይልከዋል ፣ ታዲችም ኳሱ ከመረብ ጋር በማገናኘት ውጤቱን 1-1 አድርጓል።

https://remonews.com/

የአያክሱ አጥቂ ሰባስቲን ሃለር ከ11 ደቂቃ በኋላ በተመሳሳይ ሁኔታ ውጤቱን 2-1 ማድረግ ችሏል። አንቶኒ ኳሱን ወደ ውስጥ ያሻማ ሲሆን በዚህ ጊዜ ሃለር በጭንቅላቱ በመግጨት አስቆጥሯል። ኮትዲቫራዊው አጥቂ በ 4 የዩሲኤል ጨዋታዎች ላይ ሰባት ግቦች ሲያስቆጥር ሁለት ለግብ የሚሆኑ ኳሶችን አመቻችቶ ማቀበል ችሏል።

አያክስ በተጨማሪ ደቂቃ ዳቪ ክላሰን ፣ አንቶኒ በቀላሉ ያሻማዉን ኳስ ከመረብ ጋር በማገናኘት ጨዋታውን 3-1 አድርጓል።

አያክስ አሁንም በምድብ ሶስት 12 ነጥብ በመሰብሰብ አንደኛ ሲሆን ወደ ጥሎ ማለፍ ዙር ማለፉን አረጋግጧል። ዶርትሙንድ በስድስት ነጥብ ሁለተኛ ሲሆን ስፖርቲንግም እንዲሁ በስድስት ነጥብ ሶስተኛ ደረጃ ላይ ይገኛል። ቤሺክታስ በዜሮ ነጥብ መጨረሻ ላይ ነው። ዶርትሙንድ በህዳር 24 ከስፖርቲንግ ጋር የሚያደርገው ጨዋታ አያክስን በ ምርጥ 16 ማን እንደሚቀላቀል የሚወስን ይሆናል።

Click to comment

Leave a Reply

Your email address will not be published. Required fields are marked *

Must See

More in Football