በዴላ ማዶኒና ደርቢ ካላንግሉ በመጀመሪያ አጋማሽ ያስቆጠረው ግብ ስቴፋን ዴ ቭሪጅ በራሱ መረብ ላይ ባስቆጠረው ግብ ተሰርዟል!
ኤሲ ሚላን ፣ እሁድ በአስደናቂው ዴላ ማዶኒና ደርቢ ከኢንተር ሚላን ጋር 1-1 በሆነ አቻ ውጤት በመለያየት በሴሪኤው ያለእሸነፍ ጉዞዉን አስቀጥሏል። ውጤቱም የሮሶነሪውን ቡድን ከባለፈው አመት ሻምፒዮን የሲሞን ኢንዛጊ ቡድን የነበረውን የ ሰባት ነጥብ ልዩነቱን አስጠብቋል።
ባለፈው ክረምት በነፃ ዝውውር ከኤሲ ሚላን ወደ ኢንተር የተቀላቀለው ሀካን ካላንግሉ ፣ ፍፁም ቅጣት ምት በማስገኘት በቀድሞ ቡድኑ ገና በ 11ኛው ደቂቃ ላይ ግብ አስቆጥሯል።
ነገር ግን ሆላንዳዊው የመሀል ተከላካይ ስቴፋን ዴ ቭሪጅ ከስድስት ደቂቃ በኋላ ወደ ራሱ መረብ ላይ በማስቆጠር የሮሶነሪውን ቡድን አቻ ማድረግ ችሏል። በመጀመርያው 45 ደቂቃ የሚላኑ ግብ ጠባቂ ሲፒሪያን ታታሩሳኑ የላውታሮ ማርቲኔዝ ፍፁም ቅጣት ምት አድኗል።
ለሚላን ተቀይሮ የገባው አሌክሲስ ሳሌሜከር በ90ኛው ደቂቃ አስደናቂ የሆነው የማሸነፊያ ግብ ከመረብ ለማሳረፍ በጣም ተቃርቦ ነበር። ይሁን እንጂ ይህ ሊሆን አልቻለም ፣ ሙከራው እንደገና ወደ ላይ ወጥቷል እና የስቴፋኖ ፒዮሊ ቡድን በዚህ የውድድር ዘመን በሊጉ ለሁለተኛ ጊዜ ነጥብ ጥሏል።
ሚላን በሴሪያ የደረጃ ሰንጠረዡ በ32 ነጥብ ሁለተኛ ደረጃ ላይ ይገኛል። በግብ ልዩነት ከመሪው ናፖሊ ጀርባ ይገኛሉ። ያለፈው የውድድር ዘመን የሴሪአ ሻምፒዮን ኢንተር በ25 ነጥብ ሶስተኛ ደረጃ ላይ ነው።
ሮስሶነሪ ፣ ለአንድ ድል ሶስት ነጥብ መስጠት ከተጀመረበት ጊዜ ጀምሮ በአንድ የሴሪ አ የውድድር ዘመን ለመጀመሪያ ጊዜ ከ12 ጨዋታዎች በኋላ 32 ነጥብ አስመዝግቧል። ሲሆን ይህም ለድል ዘመን በሶስት ነጥብ ነው!
“ጎበዝ ነበርን በተለይ በመከላከል ረገድ። በመጀመሪያው አጋማሽ በብዙ ተጫዋቾች በማጥቃት ትልቅ ውጤት ወደ ቤት ይዘን ለመመለስ ከፍተኛ ፍላጎት አሳይተናል። እኛ እና ናፖሊ አሁንም በአውሮፓ ከፍተኛ ሊግ ያልተሸነፍን ነን” ሲል ፒዮሊ ከጨዋታው በኋላ ተናግሯል።
