የምንግዜም ምርጥ የእግር ኳስ አጥቂዎች!

አስደሳቹን የእግር ኳስ ጨዋታ የተጫወቱ ምርጥ አጥቂዎች እነማን ናቸው? የሶስት ክፍል ተከታታይ ፅሁፋችን የምንግዜም ምርጥ ተጫዋቾችን ይመለከታል!

አርተር ፍሬደንሬች

ብዙ ሰዎች ስለ ታላቁ አርተር ፍሪደንሬች ላያውቁ ይችላሉ፣ ነገር ግን በብራዚል እግር ኳስ ውስጥ ትልቅ ለውጥ ማምጣቱ የሚካድ ነገር አይደለም። አንዳንድ መዝገቦች ተጫዋቹ በእግር ኳስ ታሪክ ውስጥ ከፍተኛውን ግብ በማስቆጠር ሪከርዱን እንደያዘ ይናገራሉ። ከ1909-1935 በነበረው የ26 ዓመታት ረጅም የእግር ኳስ ህይወቱ ውስጥ 1329 ጊዜ ኳስ ከመረብ ጋር አገናኝቷል።

በ1919 በኮፓ አሜሪካ ውድድር የምርጥ ተጫዋች እና የወርቅ ጫማ አሸናፊ ነበር። ሆኖም ብራዚልን በአለም ዋንጫ ወክሎ አያውቅም ፣ ምክንያቱም በወቅቱ በሪዮ ዴ ጄኔሮ እና በሳኦ ፓውሎ የእግር ኳስ ሊግ መካከል ከፍተኛ አለመግባባት ተፈጥሮ ነበር።

ነብር የሚል ቅጽል ስም ተሰጥቶት የነበረ ሲሆን ፣ ድብልቅ-ዘር ተጫዋች ብዙ መሰናክሎችን እና በሙያው ውስጥ የታየ ሰፊ ዘረኝነትን መጋፈጥ ነበረበት።

ፍሬይደንሬች ለብራዚል በ1919 እና 1922 በኮፓ አሜሪካ ውድድሮች ላይ ከፍተኛ ሚና ተጫውቷል እና በ1925 ብራዚሎች ወደ አውሮፓ ጉብኝት ባደረጉበት ወቅት “የእግር ኳስ ንጉስ” ተብሎ ተጠርቷል!

ሮናልዶ ናዛሪዮ

ከምንጊዜውም ድንቅ አጥቂዎች አንዱ የሆነው ሮናልዶ ናዛሪዮ ከፍተኛ ደረጃ ላይ በደረሰበት ጊዜ ፍፁም ክስተት ነበር። የሁለት ጊዜ የባሎንዶር እና የሶስት ጊዜ የፊፋ የአለም ምርጥ ተጫዋች አሸናፊ ፤ በከፍተኛ ​​ፍጥነት ፣ በፈጣን ድሪብሊንግ ፣ በምርጥ የአጨራረስ ክህሎት እና በጥንካሬ ይታወቃል።

ብራዚላዊው አጥቂ ለክሩዚሮ ፣ ፒኤስቪ አይንድሆቨን፣ ባርሴሎና፣ ኢንተር ሚላን፣ ሪያል ማድሪድ፣ ኤሲ ሚላን እና ኮሮንትያስን የመሳሰሉ ከፍተኛ ቡድኖች ተጫውቷል።

“ኤል ፌኖሜኖ” በክለብ ደረጃ ብዙ ዋንጫዎችን ያሸነፈ ሲሆን ለብራዚልም ትልቅ ስኬት አስገኝቷል። እ.ኤ.አ. በ2002 ደቡብ አሜሪካውያንን ለ5ኛ ጊዜ የዓለም ዋንጫ አሸናፊ እንዲሆኑ ያደረገ እና ብራዚሎች ከዚህ ቀደም በ1998 ሁለተኛ ሆነው ሲያጠናቅቁ ወሳኝ ሚና ተጫውቷል።

ጨዋታውን ከተጫወቱት በጣም የተሟላ ተጫዋቾች መካከል አንዱ የሆነው ሮናልዶ ናዛሪዮ ያለ ጥርጥር የዘመኑ ታላቅ አጥቂ ነበር።

ይቀጥላል …