የታርታን አርሚ በሜዳቸው ማንም ባልጠበቀው ሁኔታ አስፈሪው ዴንማርክን በግላስጎው 2-0 አሸነፉ!
ኮትላንዶች በተከታታይ ያለመሸነፍ ጉዞ ላይ የነበሩትን ዴንማርኮችን 2-0 በማሸነፍ እና ወደ ጥሎ ማለፍ ዙር በማለፍ የ2022 የአለም ዋንጫ ማጣሪያ የምድብ ስድስት መርሃ ግብራቸውን አጠናቅቀዋል።
የመሃል ተከላካዩ ጆን ሱውታር ከሶስት አመታት በፊት ከእስራኤሎች ጋር በነበራቸው ግጥሚያ ላይ ቀይ ካየ ከተመለከተ በኋላ ለመጀመሪያ ጊዜ በተሰለፈበት ግጥሚያ ላይ ግብ በማስቆጠር የሃምፕደን ፓርክ ታዳሚዎች በደስታ እንዲፈነዱ አድርጓል።
የሃርትሱ ተጫዋች በ35ኛው ደቂቃ በግንባሩ የመታውን ኳስ ከመረብ ጋር በማገናኘት ፣ ለታርታን አርሚ የመጀመሪያውን ግብ አስመዝግቧል።
ከእረፍት መልስ በስታድየሙ ውጥረት ጨምሯል ፣ ነገር ግን ቀድሞውንም ሁለተኛ ደረጃ ይዘው እንደሚያጠናቅቁ ያወቁት ስኮትላንዶች ፣ ዴንማርኮችን ገተው በመያዝ ቼ አዳምስ በ86ኛው ደቂቃ ሁለተኛ ግብ አስቆጥሯል።
ግቡ የስቲቭ ክላርክ ቡድን መጋቢት 2022 ለሚጀመረው የጥሎ ማለፍ ውድድር እንዲያልፍ አድርጓል።
የዴንማርኮች ከዘጠኝ ግጥሚያ በኋላ ያስተናገዱት የመጀመሪያ ሽንፈት ሲሆን ስኮትላንዶች ደግሞ ስድስተኛ ተከታታይ ድላቸው ነበር። ውጤቱም ፣ ባለፈው መስከረም በኮፐንሃገን በተመሳሳይ ቡድን አንድ ሽንፈት ብቻ በማስተናገድ ወደ 23 ነጥብ ከፍ እንዲሉ አድርጓቸዋል።
ዴንማርካኮች ከ 10 የማጣርያ ጨዋታዎች 9ኙን በማሸነፍ በአስደናቂ ሁኔታ በ27 ነጥብ አንደኛ ደረጃን ይዘው አጠናቅቀዋል።
ስኮትላንዶች አርብ ምሽት በሞልዶቫ 2-0 ድል ማስመዝገባቸውን ተከትሎ ከ2007 በኋላ ለመጀመሪያ ጊዜ አምስተኛ ተከታታይ ድል አስመዝግበዋል። የታርታን አርሚዎች ከባዱን ተቃናቃኛቸው ባሸነፉበት ግጥሚያ ላይ በራስ መተማመናቸው ከፍተኛ ነበር።
የስኮትላንድ ደጋፊዎች ቡድናቸው ባሳየው አቋም በሰሜናዊ አውሮፓ ተፎካካሪዎቻቸው ላይ ደስታቸውን ገልፀዋል። በጥሎ ማለፍ ዙር ከማን ጋር እንደሚፋለሙ ለማወቅ ጓጉተዋል።
ይህ በእንዲህ እንዳለ፣ የ ካስፐር ሁልማንድ ቡድን በኳታር ደምቆ ይታያሉ!
