Connect with us
Express news


Football

ኔዘርላንድስ ለኳታር ማለፏን ስታረጋግጥ ኖርዌይ እድሉ አምልጧታል!

Nervy Netherlands Qualify for Qatar and Norway Miss Out!
eurosport.com

ቤርግዋይን እና ዴፓይ ግብ አስቆጥረው የኖርዌይን እና የሃላንድን የአለም ዋንጫ ህልም ቋጭተዋል። ደቾቹ ወደ ኳታር አልፈዋል!

ኔዘርላንድስ ለቀጣዩ አመት የአለም ዋንጫ ማለፏን ባረጋገጠችበት ጨዋታ ስቴቨን በርግዋይን እና ሜምፊስ ዴፓይ ዘግይተው ጎል አስቆጥረዋል።

በውጤቱ መሰረትም የኖርዌይ እና የቦርሲያ ዶርትሙንዱ ኮከብ ኤርሊንግ ሃላንድ በመጀመሪያው ከፍተኛ ውድድር ላይ የመሳተፍ እድሉን ያጣል።

ሆላንድ በ2018 ሩሲያ ለምታስተናግደው ውድድር ማለፍ ሳትችል የቀረች የነበረ ሲሆን አሁን ግን አሳማኝ ባልሆነ መልኩ የመጨረሻዎቹን ሁለት የማጣሪያ ጨዋታዎች በማሸነፍ ወደ ውድድሩ ተመልሳለች።

ሞንቴኔግሮ ላይ ሁለት ጎሎች ተቆጥረውባቸው አቻ ከመውጣታቸው በፊት ቅዳሜ ማለፋቸውን ለማረጋገጥ ስምንት ደቂቃዎች ብቻ ቀርተዋቸው ነበር። ሆኖም በኮቪድ-19 ገደቦች ምክንያት ባዶ በነበረው ስታዲየም የተገኘው የማክሰኞው ድል ለማለፍ በቂ ነበር።

ኔዘርላንድስ በ10 ጨዋታዎች 23 ነጥብ በመሰብሰብ ቱርክን በ2 ነጥብ በልጣ ስታጠናቅቅ ፣ ቱርክ ከሜዳዋ ውጪ ሞንቴኔግሮን 2-1 በማሸነፍ የጥሎ ማለፍ ቦታ አግኝታለች። ከምድቡ ኖርዌይ በ18 ነጥብ ሶስተኛ ሆና አጠናቃለች።

በ84ኛው ደቂቃ ላይ በርግዋይን በቀኝ እግሩ ያስቆጠረው ኳስ ለባለሜዳዎቹ የእፎይታ ስሜት ሰጥቷል። ዴፓይ ከቶተንሃሙ ተጫዋች የተቀበለውን ኳስ በመልሶ ማጥቃት በ91 ኛው ደቂቃ በማስቆጠር ውጤቱን አረጋግጧል።

besoccer.com

ይህ ለዴፓይ በዘመቻው 12ኛ ጎል ነበረ ይህም በአውሮፓ የማጣሪያ ሰንጠረዥ አናት ላይ ከእንግሊዙ አጥቂ ሃሪ ኬን ጋር እኩል ያደርገዋል።

ኔዘርላንዶች የኳስ ቁጥጥር የበላይነት ነበራቸው እና በርካታ እድሎችን ያገኙ ሲሆን ዴፓይ እጅግ ብዙ እድል የፈጠረላቸው ተጫዋች ነበረ።

ነገር ግን ስካንዲኔቪያውያን ነጥቦቹን እንዲሰርቁ ሊያደርጉ የሚችሉ ስህተቶችን ለማስወገድ ጥንቃቄ በተሞላበት መልኩ ተጫውተዋል።

ኖርዌጂያኖች በጉዳት ከጨዋታ ውጪ የነበረው አጥቂያቸው ሃላንድ ሳይኖር ያደረጉትን ጨዋታ ማሸነፍ ቢጠበቅባቸውም በጨዋታው ሙሉ ሁለት ኳሶችን ብቻ ነው መሞከር የቻሉት እና ሁለቱም ኢላማቸውን የጠበቁ አልነበሩም።

Click to comment

Leave a Reply

Your email address will not be published.

Must See

More in Football