በቅዳሜው የምሳ ሰአት ግጥሚያ የእንግሊዝ ፕሪሚየር ሊግ መሪው ቼልሲ ወደ ሌስተር ሲቲው ኪንግ ፓወር ስታዲየም ያመራል። ማን ይሰለፋል እና ምን ይከሰታል?
ቼልሲዎች ወደ ሌስተር ሲቲ በሚያመሩበት የቅዳሜው የመጀመርያ ጨዋታ የ ኢፒኤል የደረጃ ሰንጠረዥ የሶስት ነጥብ ብልጫውን ለማስጠበቅ ወይም ለመጨመር ይፈልጋሉ። ቀበሮዎቹ በውድድር አመቱ ወጥነት የለሽ አጀማመርን ያሳለፉ ሲሆን አሁን በ15 ነጥብ በ12ኛ ደረጃ ተቀምጠዋል።
የእንግሊዝ ዋና ከተማ ቡድን ሰማያዊዎቹ ባለፈው ግጥሚያቸው ከበርንሌይ ጋር 1-1 በሆነ አቻ ውጤት ሲለያዩ የብሬንዳን ሮጀርስ ቡድንም ከሊድስ ዩናይትድ ጋር ባደረጉት ጨዋታ 1-1 የሆነ ውጤት አስመዝግበዋል።
የሌስተር አማካዩ ዩሪ ቲሌማንስ ከሊድስ ጋር ባደረገው ጨዋታ በእግሩ ላይ በደረሰበት ጉዳት ምክንያት ከሜዳ ተቀይሮ ወጥቷል እና በአለም አቀፍ እረፍት ጊዜ ለቤልጂየም አልተሳተፈም። ለዚህ ግጥሚያ ብቁ ሆኖ ይሰለፍ እንደሆነ ወደፊት የሚታይ ይሆናል።
ሪያን በርትራንድ እና ዌስሊ ፎፋናም እንዲሁ በተቀያሪ ወንበር ላይ የመቆየት እድላቸው ሰፊ ይመስላል ነገር ግን ማርክ አልብራይትን እና የረዥም ጊዜ ተጎጂው ጄምስ ጀስቲን ከጉዳታቸው አገግመው ጥሩ እየሰሩ ነው እና በቅርቡ ሊመለሱ እንደሚችሉ ተነግሯል።
ጄምስ ማዲሰን ቲየማንስ በዚህ ሳምንት የማይገኝ ከሆነ የሚሰለፍ ይመስላል። ሃርቪ ባርነስ በኤልላንድ ሮድ ላይ ካስቅጠረው አስደናቂ የአቻነት ግብ በኋላ በምርጥ 11 አሰላለፍ ውስጥ ቦታውን እንደሚጠብቅ እርግጠኛ ነው።
ይህ በእንዲህ እንዳለ ቶማስ ቱቸል እና ቼልሲዎች ከዚህ ጨዋታ በፊት ሶስት የምስራች ተሰጥቷቸዋል ፤ ሜሰን ማውንት ፣ ሮሜሉ ሉካኩ እና ቲሞ ወርነር ሁሉም በልምምድ ሜዳዎች ላይ ፎቶግራፍ ከተነሱ በኋላ ወደ ውድድር ሊመለሱ ይችላሉ ።
ማርኮስ አሎንሶ ከቁርጭምጭሚቱ ችግር አገግሞ ወደ ልምምድ የተመለሰ ቢሆንም ማቲዮ ኮቫቺች ለጥቂት ጊዜ ከሜዳ እንደሚርቅ ይጠበቃል።
ሮስ ባርክሌይ ከበርንሌይ ጋር ባደረገው ጨዋታ ድንገት በምርጥ 11 ውስጥ ቢካተትም ፣ ማውንት በድጋሚ ለግጥሚው ብቁ ከሆነ በውድድሩ እንደማይሰለፍ እርግጠኛ መሆን ይቻላል ፣ ሉካኩ ለተጠባባቂ ወንበር ላይ የሚቀመጥ ከሆነ ካይ ሃቨርትዝ በአጥቂ ቦታ መጫወት የሚችል ይመስላል።
ቀበሮዎቹ ከቅርብ ሳምንታት ወዲህ መጥፎ አቋም ሲያሳዩ ቆይተዋል እናም ቼልሲዎች ሙሉ በሙሉ ተጠቃሚ እንዲሆኑ እንጠብቃለን። የለንደኑ ቡድን በሁለተኛው አጋማሽ በሚያስቆጥራቸው ግቦች ግጥሚያዉን 2-0 በሆነ ውጤት ያሸንፋል ብለን እናስባለን።
