ሁለቱ ቡድኖች ጥሩ የጎል እድሎችን ባመከኑበት የሞሊኑክስ አስደናቂ የኢ.ፒ.ኤል ግጥሚያ ላይ ሂሚኔዝ ለዎልቭስ ግብ አስቆጥሯል።
የዎልቨርሃምፕተን ዋንደርርስ አጥቂ ራውል ሂሚኔዝ ፣ ቅዳሜ እለት በተደረገው እጅግ አዝናኝ የእንግሊዝ ፕሪሚየር ሊግ ጨዋታ ቡድኑ ዌስትሀም ዩናይትድን በሜዳው 1-0 በሆነ ውጤት ባሸነፈበት ግጥሚያ ላይ እጅግ አስደናቂ የሆነ የሁለተኛው አጋማሽ ግብ አስቆጥሯል።
የእንግዳው ቡድን ግብ ጠባቂ ሉካስ ፋቢያንስኪ በ58ኛው ደቂቃ ላይ ራውል ሂሚኔዝ ከዳንኤል ፖዴንሴ ተቀብሎ የመታውን የመጀመርያ ኳስ የሚያድንበት ምንም እድል አልነበረውም።
የፊት አጥቂው በ33ኛውን የግብ ሙከራ ሳያበላሽ እና ፋቢያንስኪ ከደቂቃ በኋላ ጆአዎ ማውቲንሆ የመታዉን ኳስ ከማዳኑ በፊት ፣ ጃሮድ ቦወን በ10ኛው ደቂቃ ባደረገው ኢላማዉን ያልጠበቀ ሙከራ ለዌስትሃም የመክፈቻውን ግብ ለማስቆጠር ተቃርቦ ነበር ፣ ።
ዎልቭሶች ጥሩ ቅብብል በማድረግ መዶሻዎቹ ላይ ግብ ከማስቆጠራቸው በፊት ፋቢያንስኪ ከእረፍት በኋላ እንደተጀመረ ሁለት አስደናቂ ኳስ አድኗል።
ሂሚኔዝ ፣ ፖደንሲ ያሻማለትን ኳስ ወደ ግቡ መአዝን ጥግ በመምታት ፣ በእንግዳው ቡድን ግብ ጠባቂ በማስቆጠር ደጋፊዎቹን አስፈንጥዟል።
የአራት ተከታታይ የማሸነፍ ጉዞ ሪከርድ የተጨናገፈበት ዌስትሃም በመጨረሻው ደቂቃ ላይ ከፍተኛ ጫና ለመፍጠር ሞክሯል ነገር ግን ቦወን የግቡ መአዝን የመለሰለትን ሙከራ ብቻ ማድረግ የቻለ ሲሆን ፣ ዎልቭስ በመከላከል ረገድ ቆራጥነት አሳይቷል።
በክረምቱ ጊዜ ከፖርቱጋላዊው የሀገሩ ልጅ ኑኖ ኢስፔሪቶ ሳንቶ የተረከበው ብሩኖ ላጌ ደስተኛ ቢመስልም ተጫዋቾቹ ጥሩ ስራቸውን እንዲቀጥሉ ጥሪ አቅርበዋል።
“አሁን የምፈልገው ነጥብ ብቻ ነው” ሲል ላጌ ለቢቢሲ ተናግሯል። “በመጀመሪያው አጋማሽ ጥሩ እንቅስቃሴ አሳይተን ጨዋታውን ከመጀመሪያው ጀምሮ ተቆጣጥረን ነበር ፣ እንደ ዌስትሀም ካለ ቡድን ጋር ስትጫወት ጥንቃቄ ማድረግ አለብህ።
“ሁሉም ተጫዋቾች ያቀድነውን ሁሉ ስላደረጉ በጣም ደስተኛ ነኝ። ከጨዋታው ጥቂት ደቂቃዎች በፊት እኔ ዛሬ የምፈልገው በጣም ቀላል ነው አልኳቸው ፣ ለኔ የምታሳዩኝን ስሜት ለደጋፊዎቼ አሳዩ።”
ዋልቭስ አሁን በኢ.ፒ.ኤል የደረጃ ሰንጠረዡ በ19 ነጥብ ወደ 6ኛ ደረጃ ከፍ ብሏል። መዶሻዎቹ አንድ ቦታ ወደ ታች ተንሸራተው በ23 ነጥብ 4ኛ ላይ ይገኛሉ።
