አዝናኝ በነበረው ጨዋታ ባርሴሎና ከቤንፊካ ጋር በካምፕ ኑ አቻ ተለያይቷል!

ቤንፊካ በካታሎኒያ ዋና ከተማ ከባርሴሎና ጋር አቻ ወጥቷል። በውጤቱ መሰረት የስፔኑ ግዙፍ ቡድን አሁን ወደ ምርጥ 16ቱ ለማለፍ ከባድ ስራ ይጠብቀዋል ማለት ነው።

ባርሴሎና እና ቤንፊካ በቻምፒዮንስ ሊጉ በዣቪ ሄርናንዴዝ ሁለተኛ ግጥሚያ በዝናባማ ማክሰኞ ምሽት በ ኑ ካምፕ ተጫውተዋል።

ይህ ግጥሚያ ለዣቪ የባርሴሎና አሰልጣኝ ሆኖ ባደረገው የመጀመሪያ የላሊጋ ጨዋታ ቡድኑን ኤስፓኞልን 1-0 ካሸነፈ በኋላ  ለካታላኑ ኃያል ክለብ የመጀመሪያው የዩሲኤል ጨዋታው ነበር።

ውጤቱ ለባርሴሎና አሁንም ወደ ዩሲኤል የመጨረሻ 16 የመግባት ዋስትና የማይሰጥ ሲሆን አሁን በምድብ 5 መጨረሻው የጨዋታ ቀን ከሜዳው ውጪ ወደ ባየር ሙኒክ ከሚያደርገው አስፈሪ ጉዞ በ በሚያገኘው ውጤት ይወሰናል።

የዛቪ ቡድን በመጀመርያው አጋማሽ የተሻለ ነበረ ፣ በከፍተኛ ቦታ ላይ ሆነው ጥሩ ቅብብልብ በማድረግ እና ዕድሉን ሲያገኙ በመልሶ ማጥቃት ሲጫወቱ ነበር ፣ ነገር ግን ውጤት ማስመዝገብ አልቻሉም።

የቤኔፊካው አጥቂ ሮማን ያሬምቹክ በቅርብ ርቀት በግንባሩ ሞክሮ ማርክ-አንድሬ ቴርስቴገን ያዳነበት ሲሆን ዩሱፍ ዴሚር ብዙም ሳይቆይ በጥሩ ሁኔታ የመታው ኳስ ማእዘን መልሶበት የመጀመርያው አጋማሽ ጎል ሳይቆጠርበት ተጠናቋል።

ኒኮላስ ኦታሜንዲ ለጆርጅ ጂሰስ ቡድን ወደ 60ኛው ደቂቃ አካባቢ ጥሩ ታክል በመውረድ ሜምፊስ ዴፓይን ጥሩ ጎል የማስቆጠር እድል ከልክሎ ውጤቱ 0-0 ሆኖ ቀጥሏል።

ሮናልድ አራውሆ የፍጻሜው ፊሽካ ከመጀመሩ ጥቂት ቀደም ብሎ የአሸናፊነቱን ግብ ያስቆጠረ ቢመስልም ከጨዋታ ውጪ ውጪ በመሆኑ ሁለቱም ቡድኖች በምሽቱ አንድ ነጥብ ይዘው ጨርሰዋል።

ባርሴሎና አንድ ጨዋታ እየቀረ ከቤኔፊካ በሁለት ነጥብ በልጦ ተቀምጧል። ሆኖም እስከ አሁን 100% ሪከርድ ካለው ባየርን ጋር ለመፋለም ወደ ጀርመን ሲጓዙ በመጨረሻው ጨዋታ ፈታኝ ስራ ይገጥማቸዋል። ቤንፊካ በበኩሉ ድል አልባውን ዳይናሞ ኪየቭን በሜዳው በሊዝበን ያስተናግዳል።