ሚላን በመሲያስ ግብ በስፔን አትሌቲኮን አሸነፈ!

ጁኒየር መሲያስ በጨዋታው የመጨረሻ ደቂቃዎች ላይ በግንባሩ ድንቅ ጎል አስቆጠሮ የምድብ ሁለት ሰፊ ልዩነት በማጥበብ ሚላን ወደ መጨረሻዎቹ 16 የማለፍ እድሉን እንዲያስጠብቅ አድርጓል!

ጁኒየር መሲያስ መጀመሪያ ወደ ጣሊያን ሲመጣ ማቀዝቀዣዎችን ያቀርብ ነበር። አሁን ብራዚላዊው ተጫዋች የኤሲ ሚላንን ወደ መጨረሻዎቹ 16 የመግባት ህልም ያቆየውን ጎል ከመረብ በማሳረፍ በአውሮፓ ቻምፒየንስ ሊግ ግብ እያቀረበ ነው።

ከአስር አመት በፊት ወደ ጣሊያን ያቀናው የ30 አመቱ ተጫዋች ረቡዕ እለት በዋንዳ ሜትሮፖሊታኖ የላሊጋውን ሻምፒዮን አትሌቲኮ ማድሪድ ባሸነፉበት ግጥሚያ ላይ ከተቀያሪ ወንበር በመነሳት የማሸነፊያዋ ግብ አስቆጥሯል።

ሜሲያስ ባለፈው የውድድር ዘመን ከክሮቶን ጋር የመጀመሪያውን የሴሪአ ጨዋታውን ከማከናወኑ በፊት ቀስ በቀስ ወደ ከፍተኛው የጣሊያን ሊግ እያደገ መጥቷል። ምንም እንኳን ክለቡ ወደ ታችኛው ዲቪዚዮን ቢወርድም ዘጠኝ ጊዜ ኳስ ከመረብ ጋር አግኝቷል እና ይህ አቋሙ ወደ እስቲፋኖ ፒዮሊው ኤሲ ሚላን በውሰት እንዲዘዋወር አስችሎታል።

አሁን ታዋቂው አጥቂ ዝላታን ኢብራሂሞቪች እያለ ለቀድሞው የአውሮፓ ሻምፒዮናዎች ሶስት ጨዋታዎችን አድርጓል።

ብራዚላዊው በመጨረሻ በ87ኛው ደቂቃ ፍራንክ ኬሲዬ ከኋላ በኩል ያሻገረለትን ኳስ በአስደናቂ ሁኔታ በግንባሩ ገጭቶ አስቆጥሯል።

“መታሰቢያነቱ በብራዚል ለሚገኙ ቤተሰቦቼ እና ጓደኞቼ እንዲሆን ወስኛለሁ” ብሏል። “በተለይ ደግሞ አምነውብኝ ወደ ሚላን ሊያመጡኝ ለወሰኑ ሰዎች።

“ከሌሎቹ የተለየ መንገድ ነበረኝ እና ይህን ግብ ለነሱ መታሰብያ እንዲሆን ወስኛለሁ።”

የመጀመርያ ፕሮፌሽናል ጨዋታውን ከሶስት አመት በፊት ብቻ ያደረገው አጥቂው ሳን ሲሮ ከደረሰ በኋላ በጉዳት እየቸገረ ቢሆንም በማድሪድ ያስመዘገበው የማሸነፊያነት ግብ ሚላን በምድብ ሁለት ከፖርቶ በአንድ ነጥብ ዝቅ ብሎ ሶስተኛ ደረጃ ላይ እንዲቀመጥ አስችሎታል።

የሁሉም ሁሉም ሰው ቱክረት አሁን ወደ የምድቡ የመጨረሻ ጨዋታዎች ዞረዋል። ሚላን የምድቡ መሪ ሊቨርፑልን ያስተናግዳል እና ወደ ጥሎ ማለፍ ዙር ለመግባት ሶስት ነጥብ ያስፈልገዋል። ይህ በእንዲህ እንዳለ የዲያጎ ሲሞኒ አትሌቲኮ ወደ ፖርቶ ይጓዛል። ሁለቱም ክለቦች በፉክክር ውስጥ ለመቆየት ድል የሚፈልጋቸው ይሆናል።