ጨዋታው በማንቸስተር ሲቲ 2-1 አሸናፊነት የተጠናቀቀ ሲሆን ጉንዶጋን እና ፈርናንዲንሆ ያስቆጠሯቸው ግቦች በኢትሃድ ሙሉ ነጥቦቹን አስገኝተውላቸዋል!
እሁድ እለት በኢትሃድ የተደረገው ጨዋታ በበረዶ ምክንያት በተወሰነ መልኩ ተስተጓጉሎ ነበር ፣ ነገር ግን ማንቸስተር ሲቲ የቻምፒየንስ ሊግ ተፎካካሪውን ዌስትሃም ዩናይትድን 2-1 ከማሸነፍ አላገደውም።
በእለቱ የቶተንሃም ሆትስፐር እና በርንሌይ የእንግሊዝ ፕሪሚየር ሊግ ጨዋታ ቀደም ብሎ ቢራዘምም ፣ የማንቸስተር ጨዋታው ቀጥሏል።
ይሁን እንጂ አንዳንድ ጊዜ ሜዳውን በበረዶ ዝናብ ውስጥ ለማየት አስቸጋሪ ነበር። የሁለተኛው አጋማሽም በ5 ደቂቃ ዘግይቶ የጀመረ ሲሆን የሜዳው ሰራተኞች የጨዋታውን ሜዳ ለማፅዳት ሲሞክሩ ቆይተዋል።
“በእነርሱ ላይ የፈጠርናቸው የጎል እድሎች ብዛት አስገርሞኛል። ጥቂት ፈጥረናል። የመጀመርያው አጋማሽ ለመጫወት ፈጽሞ የማይቻል ነበር ፤ አስደናቂ የሜዳ ሰራተኞች አሉን። ለእነሱ ምስጋና ይግባው መጫወት ችለናል” ሲል የሲቲው አለቃ ፔፕ ጋርዲዮላ ከግጥሚያው በኋላ ተናግሯል።
በ33ኛው ደቂቃ ላይ ጃአዎ ካንሴሎ ሪያድ ማህሬዝን በቀኝ በኩል ካገኘው በኋላ ኢልካይ ጉንዶጋን ጎል አስቆጥሯል። ከዚያም አልጄሪያዊው ያሻገረውን ኳስ ጀርመናዊው በቀላሉ አስቆጥሮታል።
ፌርናንዲኒሆ ከጨዋታው መጠናቀቂያ በፊት 3 ደቂቃ ሲቀረው ራሂም ስተርሊንግ በመተካት ገብቶ ሁለተኛውን ጨምሯል።
ሲቲዝንስ አጭር የማዕዘን ምት ሲያሻሙ ዌስትሃሞች ኳሱን በደንብ ማፅዳት አልችሉም ፣ ያም ፌርናንዲንሆ በዝቅተኛ ምት ግብ እንዲያስቆጥር አስችሎታል።
የለንደኑ ቡድን ብዙ ተስፋ ሰጭ የማጥቃት እንቅስቃሴዎችን አድርጓል። ከእነዚህ ውስጥ በጣም ጥሩው በሁለተኛው አጋማሽ ቭላዲሚር ሱፋል እና ሚካኤል አንቶኒዮ ለአንድ ኳስ ተሻምተው ሲቲዎች አደጋውን እንዲያፀዱ እድል ሰጥቷቸዋል።
የዴቪድ ሞይስ ቡድን በመጨረሻ በጉዳት ሰአት ላይ ጎል አስቆጥሯል ፣ ማኑኤል ላንዚኒ ከፈርናንዲንሆ ነጥቆ ከመረብ አሳርፏል።
ድሉ ሲቲ ሊቨርፑልን በኢ.ፒ.ኤል. ሰንጠረዥ በልጦ ሁለተኛ ደረጃ ላይ እንዲቀመጥ አድርጓል። መዶሻዎቹ ከምርጥ 3 እየራቁ ነው ፣ ከመርሲሳይዱ ክለብ በአምስት ነጥብ ርቀው 4ኛ ደረጃ ላይ ተቀምጠዋል።
