በሰሜን ለንደን ስፐርስ እና ሶን ቀላል የኢፒኤል ድል አግኝተዋል!

በቶተንሃም ሆትስፐር ስታዲየም ሶን በሁለቱም ጎሎች እጁ በነበረበት ጨዋታ ፣ ስፓርስ እስካሁን በኮንቴ መሪነት ምርጡን ብቃታቸውን አሳይተዋል።

ቶተንሃም ሆትስፐር በእንግሊዝ ፕሪሚየር ሊግ ሀሙስ ምሽት በሰሜን ለንደን ብሬንትፎርድን 2-0 በማሸነፍ ወደ ስድስተኛ ደረጃ ከፍ ብሏል።

10ኛው ደቂቃ ላይ ስፐርሶች የመጀመሪያውን ጎል ያስቆጠሩ ሲሆን ፣ ሶን ሄንግ ሚን በአደገኛው ያሻገረውን ኳስ የብሪትፎርዱን ሰርጊ ካኖስ አወጣለሁ ብሎ በራሱ ጎል ላይ አስቆጥሯል።

የብሬንትፎርዱ ግብ ጠባቂ አልቫሮ ፈርናንዴዝ በሁለተኛው አጋማሽ መጀመሪያ ላይ የቶተንሃሙ አጥቂ ሃሪ ኬን ከተከላካዮች ጀርባ ገብቶ ያገኘውን ኳስ በመመለስ ጥሩ ብቃት አሳይቷል።

በ65ኛው ደቂቃ ላይ ቶተንሃሞች በከፍተኛ ፍጥነት በመልሶ ማጥቃት መሪነታቸውን ወደ ሁለት ከፍ አድርገዋል። ሰርጂዮ ሩጊሎን ለደቡብ ኮሪያዊው ሶን እንዲያስቆጥር አድርጎ ያቀበለውን ኳስ በቀላሉ ወደ ግብነት ቀይሮታል።

በስሎቬኒያ ሚኖው ኤን ኤስ ሙራ አሳፋሪ የኢሮፓ ኮንፈረንስ ሊግ የምድብ ጨዋታ ሽንፈት ከደረሰበት ከሳምንት በኋላ እና ወደ በርንሌይ ተጉዞ በበረዶ ምክንያት ለሌላ ጊዜ ጨዋታው ከተራዘመ ከአራት ቀናት በኋላ ስፐርስ እስካሁን በአንቶኒዮ ኮንቴ ስር ምርጡን 90 ደቂቃዎች ተጫውቷል።

“ከአደገኛ ቡድን ጋር ጥሩ እንቅስቃሴ አድርገናል ። የተጫዋቾቹን ቁርጠኝነት እና ጥሩ ስሜት ስላየሁ ደስተኛ ነኝ” ሲል ኮንቴ ተናግሯል።

“ጥሩ ምላሽ ነው (ከባለፈው ሳምንት በኋላ) በሽንፈት ውስጥ ብዙ ነገር ትማራለህ አሁን ግን እሁድ (ከኖርዊች ሲቲ ጋር) ስለሌላ የፕሪሚየር ሊግ ጨዋታ ማሰብ አለብን” ሲል የስፐርሱ አለቃ ተናግሯል።

በቶማስ ፍራንክ ቡድን ላይ የታየው ጥሩ ብቃት ብዙ ግቦችን ማምጣት ነበረበት እናም የኬን የኢ.ፒ.ኤል. የግብ ድርቅ ቢቀጥልም ለቶተንሃም ጥሩ ምሽት ነበር። እንግሊዛዊው አጥቂ በዘንድሮው የውድድር ዘመን አንድ ጎል ብቻ ያስቆጠረ ሲሆን በአጥቂ ባልደረባው ሶን እየተበለጠ ነው።

የኮንቴ ቡድን በ13 ጨዋታዎች 22 ነጥብ በማግኘት አሁን ከምርጥ አራቱ በቅርብ ርቀት ላይ ይገኛል። ይህ በእንዲህ እንዳለ ብሬንትፎርድ 14 የከፍተኛ ሊግ ግጥሚያዎችን አድርጎ በ16 ነጥብ 12ኛ ላይ ተቀምጧል።