ሊቨርፑል ከመመራት ተነስቶ የሚላን የአውሮፓ ህልም አጨልሟል!

ቶሞሪ የመክፈቻ ግብ አስቆጥሮ ኤሲ ሚላን ቀዳሚ አድርጎ ነበር ፣ ነገር ግን ቀያዮቹ በሳን ሲሮ 2-1 በማሸነፍ የሮሶነሪውን ግዙፉ ቡድን ከአውሮፓ ውድድር ውጭ አድርጓል!

በአውሮፓ ቻምፒየንስ ሊግ (ዩሲኤል) ማክሰኞ ምሽት ሊቨርፑል ኤሲ ሚላንን 2-1 በማሸነፍ የሴሪአውን ቡድን ከ2021/22ቱ የውድድር ዘመን ማሰናበት ችሏል።

ፊካዮ ቶሞሪ በ30ኛው ደቂቃ አካባቢ በቀዮቹ መረብ ላይ ግብ በማስቆጠር የስቴፋኖ ፒዮሊ ቡድን ቀዳሚ እንዲሆን አድርጓል።

አሌክስ ኦክስሌድ ቻምበርሊን የመታው ኳስ ግብ ጠባቂው ከተፋው በኋላ መሀመድ ሳላህ ወደ ግብ በመቀየር ሉቨርፑልን ከእረፍት በፊት አቻ ማድረግ ችሏል።

ግብፃዊው በአምስት ተከታታይ የውድድር ዘመናት 20 እና ከዚያ በላይ ግቦችን በማስቆጠር ከ ኢያን ራሽ ፣ 1981 እና 1987 በኋላ የመጀመሪያው የሊቨርፑል ተጫዋች ሆኗል።

ግጥሚያው ከተጀመረ በኋላ ብዙም ሳይቆይ ዲቮክ ኦሪጊ የሚላን ተከላካዮች በፈጠሩት ስህተት ሊቨርፑልን ቀዳሚ ያደረገውን ግብ አስመዝግቧል። በመቀጠል ሴኔጋላዊው የመታውን ኳስ ግብ ጠባቂው ከተፋው በኋላ ኳሱ በቀጥታ ወደ አጥቂው ሄዷል ፣ ተጫዋቹም በግንባሩ በመግጨት በማይክ ማይኛን መረብ ላይ በማስቆጠር ውጤቱ 2-1 አድርጓል።

ቤልጄማዊው ተጫዋች በ2019 የፍፃሜ ጨዋታ ቶተንሃም ሆትስፐርን 2-0 ሲያሸንፉ ሁለተኛውን ግብ ካስቆጠረ በኋላ ይህ ግብ የመጀመሪያ የዩሲኤል ግቡ ነበር።

ሮስሶነሪዎቹ በሁለተኛው አጋማሽ ተጨማሪ አላማ ይዘው ቢጫወቱም አቻ የሚያደርጋቸው ግብ ማግኘት አልቻሉም። ፍራንክ ኬሴ ከግብ ጠባቂው አሊሰን ጋር እርስ በእርስ ተገናኝቶ ጥሩ ዕድላቸውን አባክኗል።

የየርገን ክሎፕ ቡድን የዩሲኤልን የምድብ ጨዋታ በ6 ጨዋታዎች 100% በማሸነፍ ሪከርድ ሲያጠናቅቅ ሚላን በአውሮፓ የምድብ ሁለት ደረጃ ግርጌ ላይ ተቀምጧል። በሦስተኛ ደረጃ ላይ ያለው ፖርቶ ለዩኢኤፍኤ ዩሮፓ ሊግ ተዘጋጅቷል።