ላይፕዚግ ማንቸስተር ሲቲን አሸንፎ ወደ አውሮፓ ሊግ አቅንቷል።

አርቢ ላይፕዚግ የማንቸስተር ሲቲ ኮከቦችን ሲያሸንፍ ስቦስዝላይ እና ሲልቫ መረቡን አግኝተዋል። ጀርመኖቹ አሁን ወደ አውሮፓ ሊግ ገብተዋል!

በሬድ ቡል አሬና ላይ በተደረገው የመጨረሻ የቻምፒዮንስ ሊግ ምድብ አንድ ጨዋታ አርቢ ላይፕዚግ በዶሚኒክ ስቦስዝላይ እና አንድሬ ሲልቫ ባስቆጠሯቸው ግቦች ማንቸስተር ሲቲን 2-1 አሸንፏል።

የፔፕ ጋርዲዮላ ቡድን በምድቡ አሸናፊ ሆኖ ቀድሞውንም ወደ መጨረሻው 16 ማለፉን ያረጋገጠ ሲሆን ይህ ለላይፕዚግ አሰልጣኝ ጄሲ ማርሽ ከተባረረ በኋላ ያደረገው የመጀመሪያ ጨዋታ ነው።

ውጤቱ አሁን በጊዜያዊ አሰልጣኝ አቺም ቤየርለርዘር ስር የሚገኙትን ጀርመኖች በምድቡ ሶስተኛ ሆነው በአውሮፓ ሊግ እንዲሳተፉ ያደርጋቸዋል።

ስቦስዝላይ በ23ኛው ደቂቃ የመጀመሪያውን ጎል አስቆጥሯል። ከኮንራድ ላይሜር በዉጪ እግሩ ያሻገረዉ ኳስ ሃንጋሪያዊዉ ግብ ጠባቂውን ዛክ ስቴፈንን በማምለጥ በቀላሉ ኳሷን ወደ መረብ ውስጥ እንዲያስገባ አስችሎታል።

ሲቲዎች በመጀመሪያው አጋማሽ መገባደጃ ላይ በፊል ፎደን አማካኝነት አቻ የመውጣት እድል አግኝተዋል። ሆኖም የርቀት ሙከራው በላይፕዚግ ግብ ጠባቂው ፒተር ጉላሲ ድኖበታል።

የጋርዲዮላ ቡድን ከእረፍት መልስም መቸገሩን ቀጥሏል ፣ በፊት መስመር ላይ ያልተለመዱ ስህተቶችን ሲሰሩ ነበር እናም በቅርብ ጨዋታዎች የሚታየው ቅንጅታቸውንም አጥተዋል።

በ70ኛው ደቂቃ ላይ ሲልቫ ከአማካዩ ኤሚል ፎርስበርግ ያገኘውን ኳስ ወደ ግብነት ቀይሮ የባለሜዳዎቹን መሪነት በእጥፍ ጨምሯል።

በመጨረሻም ሪያድ ማህሬዝ በ75ኛው ደቂቃ ላይ ኦሌክሳንደር ዚንቼንኮ ያሻገረለትን ኳስ በግንባሩ በመግጨት አስቆጥሮ ቡድኑን በጨዋታው በማቆየት በዚህ የውድድር ዘመን የዩሲኤል 5ኛ ጎሉን አስመዝግቧል።

ሆኖም በ82ኛው ደቂቃ ላይ በሲልቫ ላይ በሰራው መጥፎ ጥፋት ካይል ዎከር በቀጥታ ቀይ ካርድ ከወጣ በኋላ የጋርዲዮላ ቡድን ቀሪውን ጨዋታ በ10 ተጨዋቾች እንዲጨርስ አድርጓል።