የፖቸቲኖ ፓሪሲየንስ ክለብ ብሩጅን አሸንፈው ወደ መጨረሻው 16 ባለፉበት ጨዋታ የፓሪስ ሴንት ዠርሜይን ምርጥ ኮከቦች ምርጥ እንቅስቃሴ አድርገዋል።
የማውሪሲዮ ፖቸቲኖ ፓሪስ ሴንት ዠርሜን ክለብ ብሩጅን በፓርክ ዴ ፕሪንስ 4-1 ሲያሸንፍ ኪሊያን ምባፔ እና ሊዮኔል ሜሲ እያንዳንዳቸው ሁለት ጊዜ ኳስ ከመረብ አሳርፈዋል።
በቀድሞው ጨዋታ በማንቸስተር ሲቲ የተሸነፈው ፒኤስጂ በምድብ ለ ሁለተኛ ሆኖ እንደሚያጠናቅቅ እርግጠኛ ቢሆንም ብሩጅ ግን በአውሮፓ ሊግ ተሳትፎውን ለማግኘት ድል ያስፈልገው ነበር።
ሆኖም ጨዋታውን ከመነሻው የተቆጣጠሩት ባለሜዳዎቹ ነበሩ ፣ ፈረንሳዊው ኢንተርናሽናል አጥቂ ምባፔ በመጀመሪያዎቹ ሰባት ደቂቃዎች ውስጥ ሁለት ግቦችን አስቆጥሯል።
መጀመሪያ የፊት አጥቂው ከኢድሪሳ ጉዬ ሙከራ የተገኘውን ኳስ በጎን እግሩ በማስቆጠር በ22 አመት ከ352 ቀን እድሜ በዩሲኤል 30 ጎሎችን ያስመዘገበ ትንሹ ተጫዋች ለመሆን ችሏል።
በመቀጠልም አንሄል ዲ ማሪያ በጥሩ ሁኔታ የብሩጅን የተከላካይ ክፍል ሙሉ በሙሉ አሳልፎ ያሻገረውን ኳስ ምባፔ በሚያስደንቅ ቮሊ በማስቆጠር የምሽቱ ሁለተኛ ግቡን አግኝቷል።
“ይህን ግጥሚያ በቁም ነገር ወስደነዋል እና የተሟላ እንቅስቃሴ አሳይተናል” ሲል ምባፔ ተናግሯል።”አሁንም ማሻሻል እንችላለን። ዋናው ነገር ደካማ ጊዜያችንን በተሻለ ሁኔታ መቋቋም አለብን። እኛ ደካማ የምንሆንባቸው ጊዜያት አሉን ፣ ምናልባትም በጣም ደካማ።’
ሜሲ በ38ኛው ደቂቃ በጨዋታው የመጀመርያ ግቡን ከሳጥኑ ውጪ በግሩም ሁኔታ ጠምዝዞ አስቆጥሯል።
በሁለተኛው አጋማሽ መጀመሪያ ላይ ብሩጅ አስጊ መስሎ የታየ ሲሆን የፊሊፕ ክሌመንት ተጫዋቾች በባለሜዳዎቹ ጎል ላይ ብዙ ሙከራዎችን አድርገው የነበረ ቢሆንም በግብ ጠባቂው ጂያንሉጂ ዶናሩማ ተመልሰዋል።
በመጨረሻም በ68ኛው ደቂቃ እንግዶቹ ኖአ ላንግ ሳይሰስት ለማትስ ሪትስ ያቀበለውን ኳን ሲያስቆጥር መፅናኛ ግብ አግኝተዋል።
ሆኖም ሜሲ በዚህ የውድድር ዘመን የቤልጂየሙን ክለብ የአውሮፓ ህልም ለመግደል ጨዋታው 14 ደቂቃ ሲቀረው ፍፁም ቅጣት ምት አስቆጥሮ ለፒኤስጂ አራተኛውን ግብ አግኝቷል።
