Connect with us
Express news


Football

ቤንዜማ እና አሴንሲዮ በታላቁ የማድሪድ ደርቢ ግብ አስቆጠሩ!

Benzema, Asensio on Target in Massive Madrid Derby!
eurosport.com

ሪያል ማድሪዶች የከተማ ተቀናቃኝቸው አትሌቲኮ ማድሪድን በልጠዋል። ካሪም ቤንዜማ እና ማርኮ አሴንሲዮ ለባለሜዳዎቹ ጎል ሲያስቆጥሩ ቪኒሲየስ ጁኒየር ሁለቱም ለግብ የሚሆኑ ኳሶች አመቻችቶ አቀብሏል።

ሪያል ማድሪድ ጎረቤቱን አትሌቲኮ ማድሪድን በማሸነፍ ተከታታይ 10ኛ ድሉን ማስመዝገብ የቻለ ሲሆን በላሊጋው የደረጃ ሰንጠረዥ ሲቪያን በስምንት ነጥብ በልጦ አንደኛ ደረጃ ላይ ተቀምጧል።

የሊጉ ከፍተኛ ግብ አስቆጣሪ ካሪም ቤንዜማ ቪኒሲየስ ጁኒየር ያሻገረለትን ድንቅ ኳስ ከመረብ ጋር በማገናኘት የካርሎ አንቸሎቲ ቡድን መሪ ማድረግ ችሏል።

thegoaspotlight.com

ቪኒየስ በመቀጠል ለግብ የሚሆን ኳስ ለማርኮ አሴንሲዮ ያቀበለ ሲሆን የክንፍ አጥቂው በበርናቡ ስታዲየም በ57 ደቂቃ የሎስ ብላንኮዎቹ ሁለተኛ ግብ አስቆጥሯል።

standard.co.uk

ከሪያል በ13 ነጥብ ርቆ የሚገኘው የአምናው ሻምፒዮን አትሌቲኮ ብዙ የግብ ዕድሎችን ቢያገኝም ፣ አስደናቂው ሪያል ማድሪድ የሚገባዉን ድል ይዞ መውጣት ችሏል።

አሁን አራተኛ ደረጃን የያዙት የዲያጎ ሲሞኒ ተጫዋቾች ባለፈው የውድድር ዘመን ላሊጋዉን ካሸነፈው ቡድን የወረደ አቋም አሳይተዋል።

ሆኖም የሪያል ግብ ጠባቂ ቲቦ ኮርቱዋ የአንቶኒ ግሪዝማን የቅጣት ምትን ጨምሮ ሎስ ኮልቾኔሮስ ያደረጓቸውን 6 ለግብ የቀረቡ ሙከራዎችን አድኗል።

በሁለተኛው አጋማሽ ሁለት ቅያሪ ማድረጋቸው እና ሉዊስ ሱዋሬዝን ከተቀያሪ ወንበር ወደ ሜዳ ማስገባታቸው በባዶ ልከመሸነፍ ሊታደጋቸው አልቻለም።

ቤንዜማ ያስቆጠረው የመክፈቻ ጎል በውድድር አመቱ 13ኛው የላሊጋ ጎሉ ሲሆን በ2021 ለሪያል በሁሉም ውድድሮች ያስቆጠረው ግቦች 36 አድርሷል።ይህ የአጥቂው የክለቡ ምርጥ የውድድር ዘመን ጉዞ ነው። የ33 አመቱ ተጫዋች በእረፍት ሰአት በሰርቢያዊ አጥቂ ሉካ ጆቪች ተቀይሮ ከሜዳ ወጥቷል።

የወደቀው ሀያል ክለብ ባርሴሎና ደግሞ ከሜዳው ውጪ ከኦሳሱና 2-2 በሆነ አቻ ውጤት ከተለያየ በኋላ ከሪያል በ18 ነጥብ ዝቅ ብሎ በስምንተኛ ደረጃ ላይ ይገኛል።

Click to comment

Leave a Reply

Your email address will not be published.

Must See

More in Football