ሊቨርፑሎች በአንፊልዱ ፍልሚያ ማግፒዎችን አሸንፈዋል!

ሼልቪ ለእንግዳው ቡድን የመጀመሪያውን ጎል ቢያስቆጥርም ሊቨርፑል ግን ሶስቱን ነጥብ ለመውሰድ እና በፕሪምየር ሊጉ መሪ ማንቸስተር ሲቲ ላይ ያለውን ጫና ለማስቀጠል ከኋላ ተነስቶ አሸንፏል!

የሜርሲሳይዱ ቡድን በኮቪድ-19 ተጠርጥረው ሶስት ተጫዋቾችን ማጣቱን እና ቀድሞ መመራቱን ተቋቁሞ ኒውካስል ዩናይትድን በእንግሊዝ ፕሪሚየር ሊግ (ኢ.ፒ.ኤል.) 3-1 በሆነ ውጤት ባሸነፈበት ጨዋታ ትሬንት አሌክሳንደር አርኖልድ አስደናቂ ጎል አስቆጥሯል።

የየርገን ክሎፕ ቡድን ከ17 ጨዋታዎች 40 ነጥብ ላይ ሰብስቧል ፣ ሊድስ ዩናይትድን 7-0 ካሸነፈው ከመሪው ማንቸስተር ሲቲ አንድ ነጥብ ዝቅ ብለዋል። ኒውካስትል በ10 ነጥብ እና ከመጨረሻው ክለብ ኖርዊች ሲቲ በግብ ክፍያ በልጦ በወራጅ ቀጠናው ውስጥ ቀጥሏል።

ከርቲስ ጆንስ ፣ ቨርጂል ቫን ዳይክ እና ፋቢንሆ ለአስተናጋጆቹ መሰለፍ አልቻሉም ፣ በሰባተኛው ደቂቃ ላይ ለኒውካስል የመክፈቻውን ኳስ ጆንጆ ሼልቪ ግብ ጠባቂው አሊሰንን አሳልፎ አስቆጥሯል።

ሆኖም በ21ኛው ደቂቃ ዲዮጎ ጆታ ማርቲን ዱብራቭካ በግንባሩ ገጭቶ ሲሞክር ያዳነበትን ኳስ ድጋሚ ጎል አድርጎ አቻ አድርጓል። የኒውካስል አማካይ አይዛክ ሃይደን በራሱ ሳጥን ውስጥ ተጎድቶ በመውደቁ የኤዲ ሃው ተጫዋቾች ኳሱ ከጨዋታ ውጪ መሆን ነበረበት ሲሉ በከንቱ ተቃውመዋል።

ሞሃመድ ሳላህ ከአራት ደቂቃዎች በኋላ ሳዲዮ ማኔ የሞከረውን ኳስ ሲመለስ በማስቆጠር ሊቨርፑልን ቀዳሚ ያደረገ ሲሆን የሌስተር ሲቲውን አጥቂ ጄሚ ቫርዲ የ15 ተከታታይ ጨዋታ የጎል ወይም አሲስት ሪከርድ ተጋርቷል።

ኒውካስል ከእረፍት በኋላ በጥሩ ሁኔታ ተሻሽሏል ፣ ለብዙ የውድድር ዘመን ያልታየውን የመከላከል ጥንካሬ ቢያሳይም በመጨረሻዎቹ 10 ደቂቃዎች ሊቨርፑል ጫናውን ከፍ አድርጎበታል።

ዱብራቭካ ጨዋታው 9 ደቂቃ ሲቀረው የማኔን ሙከራ ለማዳን በጥበብ መውረድ ነበረበት እና ጆታ በቅርብ ርቀት የሞከረው ኳስ ተመልሶበታል ፣ የኒውካስሉ በረኛው ሌላ አስደናቂ በሆነ ብቃት የናቢ ኬይታን ሙከራም አከሸፈ።

አሌክሳንደር-አርኖልድ ሳጥኑ ጠርዝ ላይ ያገኘውን ኳስ ተቆጣጥሮ ወደ ላይኛው ጥግ ጠንካራ ምት በ87 ደቂቃ ላይ ሲመታ ግን ምንም ማድረግ አልቻለም።

አሌክሳንደር-አርኖልድ ለቢቲ ስፖርት እንደተናገረው “ለአምስት አመታት ያህል ጠብቄአለሁ። “ከሳጥኑ ጠርዝ ላይ ጥቂቶች አግኝቻለሁ … ያንን ግን በምርጥ ሁኔታ ነው ያገኘሁት እና ከላይ ጥግ ላይ ነው የተቀመጠው።”