Connect with us
Express news


Football

ዎልቭስ እና ቼልሲ በአስደናቂ የኢፒኤል ግጥሚያ ነጥብ ተጋርተዋል!

Wolves and Chelsea Share Points in Epic EPL Clash!
expressandstar.com

በኮቪድ እና በጉዳት እየተቸገሩ የሚገኙት ቼልሲዎች እሁድ ከሜዳቸው ውጪ ጥሩ እንቃቃሴ ካደረገው ዎልቭስ ጋር በሞሊኑክስ ስታዲየም አቻ ተለያይተዋል!

እሁድ እለት በእንግሊዝ ፕሪሚየር ሊግ ኢ.ፒ.ኤል በዌስት ሚድላንድስ ከዎልቨርሃምፕተን ዋንደርስ ጋር 0-0 በሆነ አቻ ውጤት የተለያዩት ቼልሲዎች ደካማ አቋም አሳይተዋል።

ሰማያዊዎቹ በጣም በተቸገሩበት ግጥሚያ አስደናቂ አቋም ያሳዩት ዎልቭሶች ከጨዋታው አንድ ነጥብ ብቻ ይዘው በመውጣታቸው አሳዛኝ ነበር።

አስተናጋጆቹ አብዛኛውን የጨዋታውን ጊዜ ተቆጣጥረው ነበር ነገር ግን በማጥቃት እንቅስቃሴ ደክመው ነበር ፣ የቶማስ ቱቸል ቡድን  ጥሩ የግብ እድል ያገኘው በሁለተኛው አጋማሽ ሲሆን ክርስትያን ፑሊሲች ያደረገውን አስደናቂ ሙከራ የዎልቭሱ ግብ ጠባቂ ጆሴ ሳ በሚያስገርም ሁኔታ አድኖታል።

sportskeeda.com

ቼልሲ በእሁዱ ጨዋታ ስምንት ከፍተኛ ተጫዋቾች በጉዳት ወይም በኮቪድ-19 መያዛቸው ከተረጋገጠ በኋላ በግጥሚያው አልተካተቱም። እንግዳዎቹ አራት እንግዳ ተጫዋቾችን በተጠባባቂ ወንበር ላይ የያዙ ሲሆን ጨዋታው ከመጀመሩ በፊትም ጨዋታው እንዲራዘም ያቀረቡት ጥያቄ በኢፒኤል ውድቅ ተደርጓል።

ዎልቭስ በጥሩ ሁኔታ በመጀመር በ14ኛው ደቂቃ መሪ መሆን የቻሉ ቢመስሉም ዳንኤል ፖዴንስ ፣ ፈርናንዶ ማርሻል ያሻገረለትን ኳስ አግኝቶ ቢሞክርም ከጨዋታው ውጪ የነበረው ራውል ጂሜኔዝ በጨዋታው ላይ ጣልቃ ገብቷል ተብሎ በመወሰኑ ግቡ ሳይፀድቅ ቀርቷል።

thesun.co.uk

ባለሜዶቹ ተፅዕኖ መፍጠራቸው የቀጠሉበት ሲሆን ሂሜኔዝ እና ሌንደር ዴንዶንከር በጣም ለግብ የቀረበ ሙከራ ያደረጉ ሲሆን እንግዳዎቹ በበኩላቸው በዎልቭስ የግብ ክልል ላይ የግብ እድሎችን ለመፍጠር ሲቸገሩ ታይተዋል።

በሁለተኛው አጋማሽ ቼልሲዎች በጣም የተሻሉ ቢሆኑም በ78ኛው ደቂቃ ላይ ፑሊሲች አስደናቂ ሙከራ እስኪያደርግ ድረስ ሳን መፈተን አልቻሉም ነበር።

ውጤቱ ሰማያዊዎቹ ከኢ.ፒ.ኤል. ተፎካካሪያቸው ማንቸስተር ሲቲን በ6 ነጥብ ዝቅ እንዲል አድርጓል። የብሩኖ ላጅ ዎልቭስ በ25 ነጥብ 8ኛ ደረጃ ላይ ይገኛል።

youtube.com

Click to comment

Leave a Reply

Your email address will not be published.

Must See

More in Football