ሁለቱ ቡድኖች በኮራና ቫይረስ በከፍተኛ መልኩ የተጠቁ ቢሆንም ሌሲስተር ሲቲዎች በኢኤፍኤል የሩብ ፍፃሜ ጨዋታ ሊቨርፑልን ለመግጠም ወደ አንፊልድ አቅንተዋል። የቡድኖቹ አሰላለፍ ምን ሊመስል ይችላል እና በዚህ አስደሳች ግጥሚያ ምን ሊከሰት ይችላል?
በሁለቱም ክለቦች በኩል የኮቪድ ስጋት ቢኖርም ሌሲስተር ሲቲዎች እሮብ አመሻሽ በኢኤፍኤል ሩብ ፍፃሜ ጨዋታ ወደ አንፊልድ አቅንተው ሊቨርፑልን ይገጥማሉ።
የሌሲስተር አሰልጣኝ ብራንዲን ሮጀርስ ቡድኑ በኮቪድ 19 ለ10 ቀናት ከሜዳ ከራቀ በኋላ ፣ የቀድሞ ቡድኑን ለመግጠም ወደ አንፊልድ ይመለሳል። ይህ በእንዲህ እንዳለ ሊቨርፑሎች በ 10 ቀናት ውስጥ አራተኛ ግጥሚያቸው ያደርጋሉ።
በሊቨርፑል በኩል ትያጎ አልካትራ በኮቪድ መያዙን ተከትሎ ከ ኩርቲስ ጆነስ እና ፋቢንሆ ጋር የኢቆይ ሲሆን ሃርቨይ ኢሎት አሁንም በከባድ የቁርጭምጭሚት ጉዳት ላይ ነው።
ጆርዳን ሄንደርሰን በሳምንቱ መጨረሻ ከቶተንሃም ጋር የነበረበትን ጨዋታ ከኮቪድ ጋር በተዛመደ ህመም ሳቢያ አምልጦታል እናም በዚህ ጨዋታ የመሰለፉ ጉዳይ አጠራጣሪ ነው።
ታይለር ሞርቶን እና ጄምስ ሚሊምስ እንደገና በምርጥ 11 ሊካተቱ ይችላሉ ፣ አሌክስ ኦክስላዴ-ቻምበርሊን እንዲሁ በምርጥ 11 ውስጥ ለመካተት ይጥራል።
አንድሪው ሮበርትሰን ከስፐርስ ጋር በነበራቸው ጨዋታ ቀይ ካርድ መመልከቱን ተከትሎ ከግጥሚያው ውጪ በመሆኑ በግራ ተመላላሽ ቦታ ላይ ኮስታስ ቲማካስ ሊሰለፍ ይችላል ፣ ቨርጂል ቫን ዳይክ በኮቪድ 19 መጠቃቱ ተከትሎ አሁንም በገለልተኛ ምርመራ ውስጥ ይገኛል.
በአራት የሊግ ካፕ ጨዋታዎች አምስት ግቦችን ያስቆጠረው ታኩሚ ሚናሚኖን ጨምሮ ጆ ጎሜዝ ፣ ኔኮ ዊሊያምስ እና ካኦሚን ኬለር የመሳሰሉ ተጠባባቂ ተጫዋቾች በግጥሚያው የሚሰለፉ ይሆናል።
በዚህ ግጥሚያ የማይሰለፉ የሌስተር ተጫዋቾች ብዛት ከሊቨርፑል የበለጠ ሊሆን ይችላል ፣ የኮሮና ቫይረስ ወረርሽኝ ምን ያህል ክፉኛ እያጠቃቸው እንደሆነ ያለፉትን ሁለት ጨዋታዎችን ባለማድረጋቸው ማየት እንችላለን።
ጃኒክ ቫስተርጋርድ ፣ አዮዜ ፔሬዝ ፣ አዴሞላ ሉክማን ፣ ከሌቺ ኢሄናቾ ፣ ፊሊፕ ቤንኮቪች ፣ ሃምዛ ቻውንድሪ እና ቮንቴ ዴለይ ካምቤል በኮቪድ 19 ከተጠቁ ተጫዋቾች መካከል ይገኙበታል ይህ ማለትም በግጥሚያው ላይካተቱ ይችላሉ።
ሁለቱም ቡድኖች በኮሮና ቫይረስ ወረርሽኞች ምክንያት ሁለተኛ ቡድናቸውን የሚያሰለፉ ይሆናል ፣ ስለሆነም ውጤቱ ለመገመት ከባድ ነው። ሆኖም በእያንዳንዱ አጋማሽ ጎል በማስቆጠር ሊቨርፑሎች 2-0 በሆነ ውጤት ያሸንፋሉ ብለን እናስባለን።
የሊቨርፑል ተጠባቂ አሰላለፍ:
ኬልሄር ፤ ዊሊያምስ ፣ ጎሜዝ ፣ ኮናቴ ፣ ቲሚካስ ፤ ኦክስሌድ-ቻምበርሊን ፣ ሞርተን ፣ ሚልነር ፤ ጎርደን ፣ ፊርሚኖ ፣ ሚናሚኖ
የሌስተር ሲቲ ተጠባቂ አሰላለፍ:
ሽማይክል ፤ አልብራይተን ፣ አማርቴይ ፣ ንዲንዲ ፣ በርትራንድ ፤ ቲሊማንስ ፣ ሱማሬ ፤ ማዲሰን ፣ ዳውቡሪ-ሆል ፣ ባርንስ ፤ ዳካ
