አርሰናል በአስደናቂ የንኬታ ሃትሪክ ሰንደርላንድን አሸነፈ።

ኤድዋርድ ንኬታ አርሰናል በኢኤፍኤል ካፕ ሰንደርላንድን 5-1 በሆነ ውጤት አሸንፎ ወደ ግማሽ ፍፃሜ ባለፈበት ግጥሚያ ሶስት ጎሎችን አስቆጥሯል።

አርሰናል በኢኤፍኤል ዋንጫ የግማሽ ፍፃሜ ጨዋታ ሰንደርላንድን 5-1 ሲያሸንፍ እንግሊዛዊው አጥቂ ኤድዋርድ ንኪታህ ሃትሪክ ሰርቷል።

ንኬታ በኤምሬትስ ስታዲየም ከሊግ 1 ቡድን ጋር በነበረው ጨዋታ በሩብ ሰአት ውስጥ የመክፈቻውን ግብ አስቆጥሯል። የ22 አመቱ ታዳጊ ሆልዲንግ ከመአዝን ምት የተሻማውን ኳስ ግብ ጠባቂው ሊ በርጌ እና አሜሪካዊው ሊንደን ጉክ ተጣምረው ከመለሱት በኋላ በቀላሉ ማስቆጠር ችሏል።

መድፈኞቹ ከአስር ደቂቃ በኋላ መሪነታቸውን በእጥፍ ያሳደጉ ሲሆን ኒኮላስ ፔፔ በ 16ኛው ዙር ከ ሊድስ ዩናይትድ ጋር ባደረጉት ጨዋታ ከተሰለፈ በኋላ የመጀመሪያ ጨዋታውን ያደረገ ሲሆን ፣ ከሴድሪክ ሶሬስ ጋር ጥሩ ቅብብል በማድረግ ሁለተኛውን ግብ አስቆጥሯል።

ሆኖም ሰንደርላንድ በ31 ደቂቃ በመልሶ ማጥቃት ጎል አስቆጥረዋል። ኤሊዮት ኢምብልተን ከአርሰናል የተከላካይ ናታን ብሮድሄድ ጀርባ ቆርጦ ያሻማዉን ኳስ የ23 አመቱ ታዳጊ በበርናድ ሌኖ መረብ ላይ አስቆጥሯል።

ንኬታ በ49ኛው ደቂቃ ላይ ከኑኖ ታቫሬስ የተሻገረለትን ኳስ ወደ ግብ በመቀየር የሁለት ግብ መሪነትን መመለስ የቻለ ሲሆን ፔፔ ያሻማለትን ኳስ በአስደናቂ ሁኔታ በማስቆጠር ውጤቱን 4-1 ማድረግ ችሏል።

“ይህ ውድድር በምርጥ 11 የምካተትበት ውድድር ነው። እንድጫወት በተጠየቅኩኝ ጊዜ የተቻለኝን ሁሉ አደርጋለሁ” ሲል ንኬታ ተናግሯል።

ተቀይሮ የገባው የ18 አመቱ ቻርሊ ፓቲኖ የመጀመሪያ ጨዋታውን ባደረገበት ግጥሚያ ከፔፔ የተሻገረለትን ኳስ ወደ ግብ በመቀየር የአርቴታ ቡድን በሰፊ የግብ ልዩነት እንዲያሸንፍ አድርጓል።

ሰንደርላንድ ከሰሜን ምስራቅ በመጡ 5,000 ደጋፊዎች የታጀቡ ሲሆን አሰልጣኝ ሊ ጆንሰን በጨዋታው ጥሩ ድጋፍ በማግኘታቸው እንዳስደሰታቸው ተናግሯል።

“ለእኛ ትልቁ ስኬት ከግጥሚያው ልምድ ማግኘታችን ነው። አሁን ደረጃችንን እናውቃለን። የተጋጣሚህን ጥራት ስታይ በጣም ብዙ ነገር ትማራለህ። አርሰናል በጣም ጥሩ ነበር” ሲል የጥቁር ድመቶች አሰልጣኝ ተናግረዋል።